Kaŋ mballa ma 148
148
Uware me Dok digi zi ya ne suwar pal
1Halleluya!
Ne digi zi ya, uware me Bage ɗiŋnedin!
Ne digi zi ya, uware me na!
2Aŋ ge na maleka ma pet, uware me na!
Aŋ ge na naa ge mbal pore ma pet, uware me na!
3Gyala ma ne saba, uware me na!
Guwa̰r ge ne zen ma pet, uware me na!
4Digi digi zi ya ma, uware me na!
Mam ge ne digi ya ma, uware me na#Pe 1:6-8.!
5Uware me Bage ɗiŋnedin dḭl,
ago ho̰ na wak, kaŋ ma ke ta no!
6E nama mḛya ne go no ɗiŋnedin,
ho̰ nama eya ge be ge a yele na pala to.
7Suwar, uware me Bage ɗiŋnedin,
kavaar ga̰l ge ne maŋgaɗam ga̰l yuwam se ma, ne swaga ge ɗugul ɗeret ma,
8ol ma ne tuwar ndaar ma, mam mbwatɗa ge swar ma ne hub ma,
saam labreya ge ne za̰ na wak ma.
9Njal ge haal ma ne njal ge sore busur ma,
uwara ge zamma ma, ne uwara sedre ma,
10kavaar ge ful zi ge ma ne ge yadiŋ ma,
njoole ma ne kaŋ ge ne sar ne bama pul ma,
11gan ge ne suwar pal ma, ne ɓase ma pet,
naa ga̰l ge temel ma ne naa ge kun sarya ma pet,
12bool ma ne kale ma,
sabar ma ne naa jabso ma.
13Uware me Bage ɗiŋnedin dḭl!
Ago a na dḭl ɗu kikit ɓó pateya ne,
a serra cicim suwar pal, ko digi zi ya!
14A na pate na ɓase ma ne.
Uwareya hon na naa ge ɗeŋger ma pet,
Israyela vya ma, ɓase ge ne na ta zi gwa ma.
Halleluya!
Currently Selected:
Kaŋ mballa ma 148: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
