Kaŋ mballa ma 146
146
Bage ɗiŋnedin a bage ne sya naa ge woɗegeya ma ko̰r ne
1Halleluya!
Mbi sḛ, mbi uware Bage ɗiŋnedin!
2Tek ge mbi gale ne ndwara, mbi mbo ka uware Bage ɗiŋnedin,
mbi mbo ka siya̰le Bage ɗiŋnedin dam ge mbi ne ma zi mwaɗak!
3E me aŋ jobreya naa ge pool ma pal to,
ko naa dasana ma pal to, a ne pool ge má ndu to.
4Swaga ge nama o̰yom ne ndage, a gwan suwar zi,
dam mbe go juju, nama dwatɗa ma borwe nama pe ya.
5Ndu ge ne e na saareya Dok ge Yakub ne pal,
ge ne e na jobreya Bage ɗiŋnedin Dok ge na ne pal, da ne laar saal!
6Na ge ne ke digi ma ne suwar,
maŋgaɗam ga̰l yuwam ne kaŋ ge ne nama go ma mwaɗak,
na ge ne koy fareba ge na ne ɗiŋnedin#Tkm 4:24, 14:15..
7Bage ɗiŋnedin ɗaŋge naa ge a ne ke nama yál ma pe ɗaŋge,
ka hon naa ge kyamal ma kaŋzam,
ka dol naa ge ne daŋgay zi ma digi suli.
8Bage ɗiŋnedin hage ɓaal ma ndwara ne,
a na ɗwabe naa ge ne njwaŋge se ma digi ne,
na laar wa̰ naa ge dosol ma.
9Bage ɗiŋnedin koy naa ge ne ka mbay ma ne,
a na dol na ndwara kya̰le ma ne kumur ma pal ne,
amma vuuɗi dwatɗa ge naa ge sone ma ne digi.
10Bage ɗiŋnedin gan ne ɗiŋnedin,
Siyona, na sḛ mo Dok ne, doŋ pe ma ne doŋ pe ma.
Halleluya!
Currently Selected:
Kaŋ mballa ma 146: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
