Kaŋ mballa ma 144
144
Kaɗeya ge gan ne
1Ge Dawda ne.
Uwareya hon Bage ɗiŋnedin, njal ge mbi ne,
na ge ne hate mbi pore mballa,
ge ne nṵsi mbi ne pore mballa pe.
2Na sḛ Bage kwa mbi a̰se ne, bage koy mbi ne,
gulum ga̰l ge mbi ne ne, bage zur mbi ne,
ɓiyaar ge mbi ne ne, mbi swaga woy tene ne.
Bage ne gwan ne naa pala mbi pe se ne.
3O Bage ɗiŋnedin, ndu dasana da ne ɗo, mo ba ka dol mo ndwara na pal ɗaa?
Ndu dasana da ne ɗo, mo ba ka e mo haŋgal ne na pe ɗaa#8:5, Ayu 7:17-18.?
4Ndu dasana di da ne saam go baŋ,
na dam ma da ne kḭḭm ne kale go baŋ.
5O Bage ɗiŋnedin, worge mo pḭr digi,
ka̰ mo koo ya se,
dabe njal ma, na ndugi ol-swama digi.
6E swaga serra, borwe nama se,
teme mo kajamle#144:6 Kajamle ge Dok ne a mam ba̰yya varas. ya nama pal,
ɓarse nama se sasar.
7Tyare mo tok ne digi zi ya,
sya mbi ko̰r,
má mbi ne mam ge ɓaŋlaŋ no go,
ne naa ge pe yak ma tok go,
8nama ge nama wak ne jan fare ge hale ma,
ge a ne her bama tok matoson digi guni ta hale pal ma.
9O Dok, mbi mbo mbal mo kaŋ mballa ge giya̰l,
Mbi mbo hale biliŋ ge táál wol siya̰le mo.
10A mo zur gan ma ne,
a mo zu mo dore Dawda ne kasagar ge naa ge sone ma ne wak zi ya ne.
11Zu mbi, má mbi ne naa ge pe yak ma tok go,
nama ge nama wak ne jan fare ge hale ma,
nama ge a ne he bama tok matoson digi guni ta hale pal ma.
12I vya ge sonmo ma dimma ne uwara ge ne
do̰ digi kuɗut ne na bool ya day go,
i vya ge gwale ma kale dimma ne uwara zok pul
ge a ne ɗebce na e gan zok zi go.
13I hal ma wiya ne kaŋzam hir ge daage,
i gii ma zuli ta se ndwara dubu ne dubu ma i ful ma zi.
14I nday ma tol ta se zuliya ceɗed,
naa ge mbo ya det i, ko ne pál i ma to,
fyaso non ta ma ne i tandal viya̰ wak ma pal to!
15Naa ge ne kaŋ mbe ma no,
a da ne laar saal!
Naa ge nama Dok a Bage ɗiŋnedin ma,
a da ne laar saal!
Currently Selected:
Kaŋ mballa ma 144: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
