Kaŋ mballa ma 137
137
Ge maŋgaɗam ge suwal Babilon ne ma wak go
1Katɗa ge maŋgaɗam ge suwal Babilon ne ma wak ya,
i ka fyalla, i ka dwat ne Siyona.
2I gabe i biliŋ ma
ge dààl ma ta digi.
3Go go, i naa ge páál ma ele i kaŋ mballa,
i naa ge ho̰l ma ɓyare sḛ tuli.
A ka jan go: «Mbá me i kaŋ ge Siyona ne!»
4I mbal kaŋ ge Bage ɗiŋnedin ne
suwal ge gwasal go ma gyana ɗaa?
5O Ursalima, kadɗa mbi vyale mo ya,
mbi tok matoson na vyale hale biliŋ!
6Mbi ɗel na ɓyale mbi din digi,
kadɗa mbi dwat ne mo to,
kadɗa Ursalima kaŋ ge ke mbi laar saal waɗeya ne to.
7O Bage ɗiŋnedin, dwa ne fare janna ge Edom ma ne,
swaga ge a ne ka pál Ursalima go, go:
«Burmi, burmi me na uzi ɗiŋ mbo na pe dolla se.»
8Suwal Babilon, a mbo burmi mo uzi,
Naa ge a ne mbo pot mo kaŋ ge mo ne ke ne i ya ma,
a mbo kat ne laar saal!
9Naa ge a ne mbo kot mo vya ge jabso ma ya njal ta,
a mbo kat ne laar saal!
Currently Selected:
Kaŋ mballa ma 137: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
