Kaŋ mballa ma 132
132
Siyona swaga katɗa ge Bage ɗiŋnedin ne
1Kaŋ mballa ge mbo Ursalima, zok ge Dok ne zi ya.
Bage ɗiŋnedin, dwa ne Dawda,
dwa ne na yál ma pet!
2Guni tene ne Bage ɗiŋnedin,
ke wak tuli ne Dok ge pool pet ge Yakub ne go:
3«Mbi wat mbi gur zi to,
mbi ndé mbi saŋgal digi fi seɗe to,
4mbi ya̰ tene fi dam to,
ko mbwat dam to bat,
5ɗiŋ mbi ɓol swaga ne Bage ɗiŋnedin pe,
swaga katɗa ne Dok ge pool pet ge Yakub ne pe#2Sam 7:2-3.!»
6I za̰ go, sandu wak tuli ya ge suwal Efrata ya,
i ɓo na ge gaaso ge Yaar ne zi#1Sam 5:1—7:1, 2Sam 6:1-19..
7Mbo me nee na zok zi ya,
gū me nee koo na swaga e koo ndwara se.
8Bage ɗiŋnedin, ɗage digi,
mbo ya kat mo swaga ɗigli tene go,
mbo ya dagre ne sandu wak tuli,
na ge ne ŋgay pool ge mo ne#2Maa 6:41..
9Mo naa ge tuwaleya ma ka̰ dosol bama ta,
mo naa ge ɗeŋger ma suwa̰le ne laar saal.
10Ne mo dore Dawda pe,
dó ndu ge a ne mbege na kat gan uzi to!
11Bage ɗiŋnedin guni tene guniya ge fareba ne Dawda pe,
na sḛ ne pool gwan er na fare janna to:
«Mbi mbo e mo hir ge ne wá ne mo zi mo hool gan pal#Tkm 2:30..
12Kadɗa mo vya ma koy mbi wak tuli ma ne
mbi njaŋgeya ge mbi ne mbi hate nama ya,
nama vya ma mbo gwan kat mo hool gan pal.»
13Ago Bage ɗiŋnedin tá Siyona,
ɓyare go na ka na swaga katɗa.
14Jya̰ go: «A mbi swaga ɗigli tene ne ɗiŋnedin,
mbi mbo ka kat na go, ago mbi laar wa̰ na.
15Mbi mbo e wak busu na kaŋzam ma pal,
mbi mbo huri na naa ge a̰se ma ne kaŋzam.
16Mbi mbo kan máya na naa ge tuwaleya ma ta,
na naa ge ɗeŋger ma mbo suwa̰le ne laar saal.
17Ge Siyona go, mbi mbi e gan ge pool gḛ tolla ne hir ge Dawda ne zi,
mbi mbo nṵsi ɗuli eya digi ne mbi naŋgeya pe.
18Mbi mbo kan saaso na naa ge ho̰l ma pal,
na balme ge ne na pal mbo ka serra.»
Currently Selected:
Kaŋ mballa ma 132: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
