Temel Kerra ge Levi vya ma ne Fare pala hageya
Fare pala hageya
Maktub Temel Kerra ge Levi vya ma ne mbe no uwale a Musa, dore ge Bage ɗiŋnedin ne njaŋge na ne.
Na 1:1 ŋgay go Bage ɗiŋnedin tol Musa da ne gúr swaga ɓol ta zi ya ba ka jan na fare ma, na sḛ ba ka zwagre fare mbe ma hon Israyela vya ma.
Ge maktub mbe zi, Dok ŋgay Israyela vya ma viya̰ ge nama ba kat ba̰a̰n ne na, ne viya̰ ge nama ba kat ba̰a̰n ne nama kaam ma me. Ago Bage ɗiŋnedin mbegeya, ɓyareya ge na ne go, na naa ma ka mbegeya me (11:44-45).
A go no, Dok ŋgay nama viya̰ ge ke tuwaleya ma no, ne da pe nama ba ka kat ba̰a̰n dagre ne na ɗaɗak (1-10), nama abe ta ne kaŋ ge seŋgre ma ta uzi (11-16). Swaga kat ba̰a̰n dagre ne ta go, na kaage nama ya̰ sone a̰me vḛne nama to (17-27).
A go mbe no, Dok ho̰ nama eya ma no, ne da pe nama ka mbegeya, ndwara go, na sḛ ge Dok na mbegeya.
Maktub Temel Kerra ge Levi vya ma ne ŋgay katɗa ge ndu ge Dok ne ne, dimma ne Jeso ne jya̰ na go: «‹Mo laar wa̰ Bageyal Dok ge mo ne ne dulwak ɗu, ne mo sḛ mwaɗak, ne dwatɗa ge mo ne mwaɗak me.› No a eya ge zḛ ge ge ne waɗe ne ga̰l ne. Ge azi ge ne mbya ne na go no: ‹Mo laar wa̰ mo kon dimma ne mo sḛ go.›» Mat 22:37-39. Kat ba̰a̰n dagre ne Dok, ne kaam me, a kaŋ ge ne waɗe ne ne ndu dasana pe.
Varseya ge maktub temel kerra ge Levi vya ma ne
1- Eya ma ne tuwaleya ma pe (1—7)
2- Mbegeya ge naa ge ke tuwaleya ma ne ge zḛ ge (8—10)
3- Kaŋ ge yaɗat ma ne kaŋ ge seŋgre ma (11—16)
4- Wak honna ma ne mbegeya ta pe (17—27)
Currently Selected:
Temel Kerra ge Levi vya ma ne Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.