Bage oy fare Fare pala hageya
Fare pala hageya
Maktub ge Bage oy fare ne pe eya ge na ne go ŋgay go na Dawda vya, gan ge suwal Ursalima ne (1:1) njaŋge na ne. Kadɗa na dḭl be tol zum go na gan Salomon to puy ɗe, ne maktub mbe zi fare ma gḛ a ŋgay go na Salomon njaŋge na ne (1:1, 1:16, 2:7-9). Maktub mbe dḭl pe wanna a ndu ge ne oy fare ɓase ma buwal zi, ko bage oy fare.
Maktub ge Bage oy fare ne wan fare pe haleya ge ndu ge swama ne. Hale kaŋ ge ne dunya zi ma pe pet, amma ɓo go nama a̰me pe ne to. Ago kaŋ ma pet a kale uzi baŋ: laar saal ma ne laar pisil, zwama ma ne dale, kaŋ ɓolla ma ne a̰se, pool ma ne taŋgay, bool ma ne sabar. Kaŋ mbe ma no zi pet, ago siya da̰re nee ya go, a na ge ne e nee dwat katɗa ge nee ne ge ne dunya zi pal ne. Ne jo̰ kaŋ ma pet a kale kale, ndu dasana mbya dwat da ne na Dok.
Dimma ne Ayuba go, Bage oy fare ele tene fare ge kwaɗa ma ne sone pal, ndwara go, ndu ge sone ɓol na mḛreya suwar pal ɓol ko de. Ne jo̰ na sḛ be ɓol yál to, iyal tene laar da ne tuli ge dunya ne ge na ne ɓo na. Kaŋ mbe ma no zi pet, Bage oy fare yuwale nee go ndu ge daage na ke temel gḛ ne na tok ma, na za̰ tuli ne na kaŋ ɓolla ma me. Ago tuli ge ndu ne ɓol na, ndu mbe mbya kwa go na bobo ge Dok ne ho̰ na ne.
Maktub ge Bage oy fare ne hate nee go hon fareba ge fare ba Dok zi sya yál ge ndu dasana ne ɓol ma vo to. Ago kwarra ge ndu dasana ne mbya wan kaŋ ma pe pet to.
Varseya ge maktub ge Bage oy fare ne
1- Kaŋ a̰me ge giya̰l ne suwar pal to (1:1—2:26)
2- Fare janna katɗa ge dunya ne pal (3:1—11:8)
3- Yuwaleya ne bool ma pe (11:9—12:8)
4- Fare pala vwalla (12:9-14)
Currently Selected:
Bage oy fare Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.