2Timotawus Fare pala hageya
Fare pala hageya
Bulus njaŋge maktub ge Timotawus ge azi ge del 66 go swaga ge ne ka daŋgay zi ge suwal Roma go (1:8,17). Daŋgay ge na ne zi, Bulus ne kwarra go a mbo dol na digi to (4:6-8,17), ago naa pet nama ya̰ na ya go (1:15, 4:10-16), da ne kwarra go na mbo siya (4:6). Da ne pe no, tol Timotawus, na vya ge laar wanna, no go na mbo ya ɓol na avun cap.
Uwale maktub mbe ŋgay nee katɗa ge Bulus ne: na temel ge ne ke ma, na hateya ge ne ho̰ ma, na yál njotɗa ma ne fare ge kwaɗa pe. Bulus yuwale Timotawus no go na ame na yál njotɗa ge temel ge Bageyal ne zi (2:1-13), na waage fare ge kwaɗa ge Jeso ne ne na viya̰ go. Go no, Timotawus mbya abe tene uzi ne fare ge ne tol gool ge ne mbar a̰me pe to ma go, ne hateya ge sone ma go me, amma na bole na ge Bulus koo pul, na wa̰ tene hateya ge fare ge mbegeya ne zi, na ge na ne ame na ne bool ga na ne ya day (2:14—4:5). Uwale, Bulus wan yál njotɗa ge na ne pe, go no puy ɗe, gwan da ne gugu hon Dok ne na ne mbyale na pe (4:6-22).
Maktub ge azi ge Bulus ne njaŋge hon Timotawus ŋgay nee go, swaga ge naa ga̰l ge Dok ne ma ne su, nama ge ne he temel kerra nama go̰r go ma bole nama koo pul. Go mbe no, nama koy hateya ge nama ne ɓo na ne nama naa ga̰l ma ta kwaɗa. Ndu ge temel ge Dok ne mbya wan tene hon fareba zi, mbal pore mballa ge kwaɗa, be vo, ge laar wanna zi, ne wan tene Dok zi me.
Currently Selected:
2Timotawus Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.