2 Maana ge gan ma ne Fare pala hageya
Fare pala hageya
Ndi fare pala hageya ge maktub ge zḛ ge ge maana ge gan ma ne.
Maktub ge azi ge maana ge gan ma ne varse pe azi. Ge zḛ ge, ne 1-9 wan maana ge muluk ge gan Salomon ne fare pe. Ge azi, ne 10-36 wan maana ge gan ge ne ke muluk Yuda go ma fare pe ɗiŋ det ya paal ge Ursalima ne go.
Maktub mbe e pe da ne muluk ge Salomon ne, ne kaɗeya ge ne kaɗe Dok na ho̰ na zwama ndwara ɗame Israyela vya ma. Amma wan viya̰ gyana ge Salomon ne dé ya muluk zi pe to, ko ne na bá vya ma ɓyareya ge a ne ka ɓyare gan zamma, dimma ne a ne ɓol na ne maktub ge gan ma ne zi go to. Woɗegeya ge Salomon ne ma, ne na sone ma pe be wan zum ne maktub mbe zi to. Ago Salomon a gan ge Dok ne tá na ndwara er ne bá Dawda hool pal, ne ke na temel ge ne gá kerra ma pe ne.
Maktub mbe varseya ge azi wan maana ge gan ge Israyela ma ne ma ne varseya ge nama muluk ma ne se (10-28) ɗiŋ det paal ge Ursalima ne go. Ne swaga no zi, ŋgay mborra ge Yahud ma ne bataraŋ ge nama ne zi, ne gwanna ge a ne ka gwan’a Dok ta ne temel ge gan ge kwaɗa ma ne ta dimma ne Ezekiyas go (29-32), ne Yozias go (34-35). Nama mbe ma no, a di Dawda bama temel kerra ma zi.
Ne jo̰ Yozias vya ma be kat dosol Dok ndwara se to, sone ge nama ne e Dok teme Babilon ma ya pál nama mbo mo̰r zi, a burmi Ursalima no me.
Sone kerra ge gan ma ne zwal ya wak vḛneya ge Dok ne suwal pal, amma kat dosol Dok ndwara se zwal ya wak busu ge Dok ne suwal pal me. Maktub ge azi ge maana ge gan ma ne pe á da ne wak tuli ge Dok ne ne gwanna ge Yahud ma ne ne mo̰r zi ya bama suwal go pe.
Varseya ge maktub ne
1- Muluk ge Salomon ne (1—9)
2- Maana ge gan ge suwal Yuda ne ma (10—36)
Currently Selected:
2 Maana ge gan ma ne Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.