Rômiunut 9

Gudib issumaminik nâpkigivait inuit okpertitaujut, Judinit kissianiungitoᴋ nalojunilletauᴋ pijut.

1Miksekartomik oᴋarpunga Kristuseme, saglunangalo, tarnima nalunginingata kigligiksarvigingmanga Anernerme ajunginerme,

2Angijomik kiksarama ânialarmalo sorainanga ômatipkut.

3Nangmineᴋ ilungertorungnarajarpunga Kristusemut ômigijaksangortitaujomavlunga ᴋatangutikka pivlugit, uvinikut kinguvângoᴋatikka;

4Tâpkoa Israêlemit kinguvângovut, ᴋitorngaunermiglo, ânanaunermiglo, angeᴋatigêngnermiglo, perᴋojaniglo, kivgartornermiglo Gûdemut, angersimanermiglo pitaᴋarput;

5Tâpkoa atâtagivait sivorlît, tâpkonangat Kristuse uvinikut tikisimavoᴋ; tâmna tamainut Gûdeovoᴋ, nertortaujoᴋ issoᴋangitomut. Amen.

6Taimailingilangale, Gudib oᴋausingit tukkeᴋarungnaitilugit sorlo; Israêlemit inôlertut ilûnatiungitoᴋ Israêlitiongmatta.

7Ilûnatigloungitoᴋ ᴋitorngauvut, Abrahab kinguvânginut ilinganitik pivlugo; (aglaksimajoᴋarporle) kinguvângnik taijaujuksaujut Isaamit pijomârmatta. #Gen. 21:12.

8Imaipoᴋ: uvinikut ᴋitorngaujut Gûdib ᴋitorngaringilait; angersimanikulle ᴋitorngaujut kinguvâksauvut.

9Tamadjale oᴋauseᴋ angersimanilik, oᴋarmat: Achâgo ama tikitsomârivunga ilingnut naliutikpat tagva nuliat Sara erneᴋaromârpoᴋ. #Gen. 18:10.

10Tamannainarle pivlugo taimaingilaᴋ; Rebekkaletauᴋ singaijaungmat atautsemit Isaamit atâtaptingnit,

11(Singaigik anerᴋartinagik, sulle ajungitulerᴋâratik idluitulerᴋâratiglônêt, Gûdib anerosungninga issumasimaningalo soᴋosijuerᴋovlugik, piniarnerit pitjutiginagit, ᴋaiᴋojijorle pitjutigilugo)

12Oᴋautjauvoᴋ: Anginersaᴋ kivgaksauvoᴋ mikinersamut. #Gen. 25:23.

13Sorlo aglaksimangmat: Jako nagligilauᴋpara Esauele ômigilauᴋpara. #Mal. 1:2,3.

14Kanoᴋ tagva oᴋartuksauvitâ? Gûde idluitôvâ? Taimaitsangilaᴋ.

15Môsesemulle oᴋarpoᴋ: Saimauseromajakkalo saimauseromavakka, nâpkigijomajakkalo nâpkigijomavakka. #Ex. 33:19.

16Taimaimat inûb pijomaningalônêt aᴋpangerningalônêt sulingilaᴋ, Gûdible nâpkiningninga kissime.

17Aglait Faraomut imailingmatta: Tamanna pivlugo inûlivagit, pitsartunera takuksautitsomavlugo ilingnut, atteralo oᴋautigijauᴋovlugo nuname ilûnâne. #Ex. 9:16.

18Issumaminik tagva nâpkigivâ naliat; issumaminiglo sittitipâ naliat.

19Oᴋarviginajarparma: Sumik sulle pasidlarpâtigût? pijomajanga kia akkerartorungnarpaûk?

20Inuk ômât! igvit kinavêt, Gûdemut akkerartoromagavît? Sanajaᴋ sanajiminut oᴋartuksauvâ: Sôᴋ taimak sanavingâ?

21Issumaminik machaliorte macharmik sanajungnangilâᴋ, illanga iluleᴋutingorlugo ânanaujuksaᴋ, illangalo nachonartuksâᴋ?

22(Taimailiormariluganele) Gûdib, ningausine takojautitsomagamiuk, pitsartuninelo nalonairomagamiuk, ningarnartut iluleᴋutit pijarêrtitaujut asserornartomut, angijomik ᴋenuersârutigivait;

23Nalonairomavlugo ânanaunime angidlarninga iluleᴋutine nâpkinartune, sivorngagut âᴋiksimajamine ânanaunermut.

24Taimaitogut uvaguttauᴋ ᴋaiᴋovâtigut, Jûdinit kissiani-ungitoᴋ, nalojunittauᴋ.

25Sorlo Hosêakut oᴋarmat: Inuᴋotigilaungitakka inuᴋotimnik taijomavakka; nagligilaungigalloartaralo nagligijamnik taijomavara.

26Imaitsomârivoᴋ: Tâpkoa oᴋautjauviane: Inuᴋotigingilapse, tagvane Gûdib ômajub ᴋitornganginik taijaujomârput. #Hos. 2:23; 1:10.

27Jesaiasele nipliavoᴋ Israêlib kinguvângit pivlugit: Inuᴋotitit, Israêle, unuktôgalloarpatta siorᴋatitut imab sidjanganêtutitut, amiakôjut tâpkonangat (kissimik) sâgiaromârput.

28Nungutaksauningat kajusimajutauvoᴋ, erᴋartuijoᴋ ᴋaglilerpoᴋ. Nâlegaᴋ, ᴋilangmiugasaksuit Nâlegangat, nungutsinermik kajusimajutigijaminik piniaromârmat nuname ilûnâne. #Jes. 10:22,23.

29Sorlotauᴋ Jesaiase sivorngagut oᴋalaungmat: Kilangmiugasaksuit Nâlegangata ikitunik amiakoᴋartingipatigut, Sodomatutinajarpogut, Gomorratullo ilinganajarpogut. #Jes. 1:9.

30Kanoᴋ tagva oᴋartuksauvitâ? Imâk oᴋaromavogut: Nalojut idluarsititaunasualaungitut idluarsilerput; idluarsinerle okpernermit pijoᴋ oᴋautigivara.

31Israêlitille perᴋojat idluarsijutigijomalauᴋpait, idluarsijutiginagille perᴋojat.

32Sôᴋ? Okpernermut pinasualaunginamik, perᴋojalle piniarᴋojangit pitjutigigamigit. Ujarᴋamut aporvingmut aporamik.

33Sorlo aglaksimangmat: Ahâk tagga ujarᴋamik tunganartovingmik ilijivunga Zioneme, ôktutiksaujomik, naliallo okpertoᴋ ᴋemâjariaᴋaromângilaᴋ. #Jes. 28:16; 8:14.

Currently Selected:

Rômiunut 9: LIHB08

Highlight

Copy

Compare