Rômiunut 4
4
Dâvidib oᴋausingitigut Abrahablo ilinganerilauᴋtangagut nalonarungnaititauvoᴋ, inuk okpernikut kissiagut idluarsititaungmat.
1Kanorle oᴋartuksauvitâ atâtagijaptingnik Abrahamîk? sumik uvinikut nagvâlauᴋâ?
2Tamattominga oᴋarpogut: Abraha idluarsigune piniarnernut, nertornauteᴋaralloarpoᴋ, Gûdemele pinane.
3Aglaille ᴋanoᴋ pivât? Abrahab Gûde okperivâ, Nâlekablo tamattominga idluarsijuteᴋartipâ. #Gen. 15:6.
4Piniarnernulle pinasuartub akkilertauninga saimanermut (nâpkiningnermut) pingilaᴋ, tunitjiviojariaᴋarmat.
5Piniarnernulle pingitoᴋ idluitulijunigle idluarsititsijomut okperune, tâpsoma okpernine idluarsijutiginiarpâ.
6Sorlo Dâvidetauᴋ oᴋarmat, piloringnermik inuk tâmna piksarsinerarlugo, Gûdib idluarsititanga, piniarnerit pitjutiginagit, oᴋarame:
7Pilorikput tapanernit issumagijungnaiviojut, ajortuniglo mattoviojut;
8Pilorikpoᴋ inuk Gûdib taisivigijungnaitanga idluitulinernik. #Img. 32:1,2.
9Piloringneᴋ tamanna tagva kipimaneᴋartut (kissimik) piksarivatsûk? ubvalo kipimaneᴋangituttauᴋ piksarivatsûk? Abraha okperninga pivlugo idluarsititaujoᴋ oᴋautigivavut.
10Kanoᴋ ilivlune idluarsititaulauᴋâ? kipimagamelônêt, kipimanginamelônêt? Kipimagame pimatsangilaᴋ, kipimalugane pijoᴋ.
11Kipimanerle pivâ nalunaikutarilugo, naᴋitjutauᴋovlugo idluarsitisimanermut, okpernermit pijomut, okpernermit kipimalugane pigijarêrtaminit; taimailerdlune atâtaulerᴋovlugo okpertunut ilûnainut kipimangigalloartunut, tâpkoatauᴋ tamattominga idluarsititaujuteᴋarᴋovlugit.
12Kipimajunuttauᴋ atâtaulerᴋovlugo, kipimajunulle kissênu-ungitoᴋ, tâpkonungaletauᴋ, arvertartunut atâtapta Abrahab okperninga, kipijauᴋârane pigijanga, tupjarlugo.
13Angersimaneᴋ imna Abrahamut kinguvânginullo, kingormgujerᴋovlugo silaᴋsoarmik, perᴋojanut pingimat, okperneruble idluarsaininganut.
14Perᴋojanik tatteᴋartut kingormgujijuksaukpatta, okperneᴋ suksaungilaᴋ, angersimanerlo sulingilaᴋ.
15Perᴋojat ningartitsingmatta; perᴋojaᴋangitune tapaneᴋangimattauᴋ.
16Taimaimat idluarsineᴋ okpernermut pijuksauvoᴋ, saimanermit perᴋovlugo, angersimanerlo okpernarserᴋovlugo (Abrahab) kinguvânginut tamainut, perᴋojalingnut kissênu-ungitoᴋ, Abrahatulle okpertunuttauᴋ, tamapta tâmna atâtagigaptigo,
17(Sorlo aglaksimangmat: Nunaᴋatigêksoarnut unuktunut atâtaurᴋogapkit, Gen. 17:5.) Abrahab okperijangata Gûdib sângane, tâmna toᴋungajunik ômartitsingmat ᴋaiᴋojilarmello pitaᴋangitunik taimaitilerdlugit.
18Okpilauᴋporlo nerriugijaksaᴋarᴋôrane, nunaᴋatigêksoarnut unuktovaksoarnut atâtaulerᴋovlugo, oᴋautsit ipkua oᴋautjaumanine maliklugit: Taimaituksauvut kinguvâksatit. #Gen. 15:5.
19Okpernermelo sangêlilugane timine issumagingilâ toᴋolertoᴋ, 100 inik jâreᴋakasagame, Sarablo timinga toᴋolertoᴋ (issumaginginivâ):
20Kolalunginame Gûdib angersimaninganik okpinginermut, okpernermele pitsartulerlune Gûde nertorpâ;
21Okperviklunelo, Gûde sumik angerune, taimaititsijungnarmattauᴋ.
22Taimaimallo tamanna idluarsijutigivâ.
23Tâmnainarle pivlugo aglaksimangilaᴋ, mattominga pititaulaungmat,
24Uvagulletauᴋ pivluta (aglaksimagivoᴋ); tamattominga pititauniarapta, okperupta toᴋungajunit tupaktitsijomut Nâlegaptingnik Jêsusemik;
25Tâmna tunijaumavoᴋ ajornivut pivlugit, tupaktitaungmijorlo idluarsijutiksaptingnut.
Currently Selected:
Rômiunut 4: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
