Numbers 33
33
1Tamadja Israêlikut ingergarneriᴋattartangit aularamik nunamit Egiptenemit, ingmikut katimgajut ingmikôrtarlutik, Mosesib Aroniblo aggangitigut.
2Mosesiblo sivumuarviningit aglalauᴋpait ingergarneriᴋattartangit maliklugit Nâlekab perᴋojanga maliklugo; tamadjalo ingergarneriᴋattartangit sivumuarningit maliklugit.
3Ramesesemit aularput taᴋᴋiub sivorlerpâb uvlungita 15ingane; ᴋângerviub ᴋaungane Israêlikut anivut aggangnut ᴋotsiktunut Egiptenemiut ilûnatik takkoane,
4Egiptenemiut iluversitilugit erniariᴋârtamingnik, Nâlekab toᴋotanginik tâpkonane; gudingoangillotauᴋ Nâlekab erᴋartorivait.
5Israêlikullo aularlutik Ramesesemit tangmârput Suggoteme.
6Suggotemillo ingergarlutik tangmârput Etameme, sunaᴋajuitûb kiglinganêtome.
7Etamemillo aularivut sangulutiglo Pi-Hakirotemut, Baal-Zefonib nellânêtomut; tangmârpullo Migdolib nellâne.
8Hakirotemillo aularlutik ingergavut imarbiub ᴋerᴋagut sunaᴋajuitomut; uvlullo pingasut nâvlugit ingergarlutik Etamib sunaᴋajuitungane tangmârput Marame.
9Aularlutiglo Maramit tikiput Elimemut: Elimemelo puilaviᴋarpoᴋ 12nik, napârtuniglo Palminik 70nik; tagvanelo tangmârterput.
10Aularpullo Elimemit tangmârlutiglo imarbiub suvloliub seniane.
11Imarbingmillo suvlolingmit aularput tangmârlutiglo sunaᴋajuitome Sinime.
12Sunaᴋajuitomillo Sinimit aularput tangmârlutiglo Dofkame.
13Dofkamillo aularput tangmârlutiglo Aluseme.
14Alusemillo aularput tangmârlutiglo Refidime, tagvane imeᴋangilaᴋ inuit imiksanganik.
15Refidimillo aularput tangmârlutiglo sunaᴋajuitome Sinaime.
16Sunaᴋajuitomillo Sinaimit aularput tangmârlutiglo ikligudlartut iluvingine.
17Ikligudlartullo iluvinginit aularput tangmârlutiglo Hâzaroteme.
18Hâzarotemillo aularput tangmârlutiglo Ritmame.
19Ritmamillo aularput tangmârlutiglo Rimmon-pêrezeme.
20Rimmon-pêrezemillo aularput tangmârlutiglo Libname.
21Libnamillo aularput tangmârlutiglo Rissame.
22Rissamillo aularput tangmârlutiglo Kehêlateme.
23Kehêlatemillo aularput tangmârlutiglo Seferib ᴋaᴋangane.
24Seferiblo ᴋaᴋanganit aularput tangmârlutiglo Hârademe.
25Hârademillo aularput tangmârlutiglo Makhêloteme.
26Makhêlotemillo aularput tangmârlutiglo Tâhateme.
27Tâhatemillo aularput tangmârlutiglo Têrame.
28Têramillo aularput tangmârlutiglo Mitkame.
29Mitkamillo aularput tangmârlutiglo Hasmoneme.
30Hasmonemillo aularput tangmârlutiglo Môseroteme.
31Môserotemillo aularput tangmârlutiglo Bene-jaakaneme.
32Bene-jaakanemillo aularput tangmârlutiglo Hor-hagidgademe.
33Hor-hagidgademillo aularput tangmârlutiglo Jotbatame.
34Jotbatamillo aularput tangmârlutiglo Abroneme.
35Abronemillo aularput tangmârlutiglo Ezion-gebereme.
36Ezion-geberemillo aularput tangmârlutiglo sunaᴋajuitome Zineme, tamadja Kadese.
37Kadesemillo aularput tangmârlutiglo ᴋaᴋame Horeme, Edomekut nunangata kiglingane.
38Aronelo ajoᴋertuijoᴋ ᴋaᴋamut Horemut majorarpoᴋ Nâlekab perᴋojanga maliklugo, tagvanelo toᴋovoᴋ, jârit 40ingane Israêlikut aularningita nunamit Egiptenemit kingorngane, taᴋᴋit tellimangata uvlungita sivorlerpângane.
39Aronelo jâreᴋarpoᴋ 123nik toᴋogame ᴋaᴋame Horeme.
40Aradiblo ataninga, Kanaanemioᴋ, nunaᴋartoᴋ nunab Kanaanib seᴋᴋerngane, tusarpoᴋ Israêlikut tikilermatta.
41Tâpkoalo aularput ᴋaᴋamit Horemit tangmârlutiglo Zalmoname.
42Zalmonamillo aularput tangmârlutiglo Pûnoneme.
43Pûnonemillo aularput tangmârlutiglo Oboteme.
44Obotemillo aularput tangmârlutiglo Ije-Abârime, Moabekut kiglingane.
45Ijemillo aularput tangmârlutiglo Dibon-gademe.
46Dibon-gademillo aularput tangmârlutiglo Almon-diblataime.
47Almon-diblataimit aularput tangmârlutiglo Abârimib ᴋaᴋangine, Nebob nelâne.
48Abârimiblo ᴋaᴋanginit aularput tangmârlutiglo Moabib naternangine Jordanib seniane Jerikome.
49Tangmârsimavullo Jordanib seniane Bet-jesimotemit Abel-sittim tikidlugo Moabib naternangine.
50Nâlekablo Mosese oᴋarvigivâ Moabib naternangine Jordanib seniane Jerikome, oᴋarlune:
51Israêlikut oᴋarvigikit, oᴋautilugillo: Jordan ikârupsiuk nunamut Kanaanemut,
52Nunab inungit tamaita ᴋemâtitaksarivase sivunapsigut, ujaraᴋotingillo adsingoalit tamaita asserorlugit, gudingoangillo auktisimajut asserorlugit, poᴋtoningillo tamaita nungulugit;
53Nunalo pigijaksarivase nunagilugolo; nuna tunigapko ilipsingnut pigilugo piᴋovluse.
54Nunalo kingormgutijaksarivase immerutigilugo ᴋitorngarêngnise maliklugit; ununersaujunut tunitjijuksauvotit kingormgutijaksamik anginersamik, ikinersaujunullo tunitjijuksauvotit kingormgutijaksamik mikinersamik; immerautib nelautanga inuit nelianut, tamanna pigijaksarivâ.
55Nunable inungit ᴋemâtingikupsigik sivunapsigut, amiakôtitase kakkilautititut ijipsingnut itsomârput, kakkilautititullo senerapsingne, pagvisâdlaromârpâselo nuname nunagijapsingne.
56Imailingalârporlo: sorlo issumaᴋalaurama tâpkoa piniarvigijomavlugit, taimailiorvigijomârpapse.
Currently Selected:
Numbers 33: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
