Numbers 3
3
1Tamadja Aronib Mosesiblo kinguvângit uvlorme Nâlekab oᴋarvigilauᴋtangane Mosesemut ᴋaᴋᴋame Sinaime.
2Tamadjalo Aronib erningita atingit: Angajukleᴋ Nadabe, Abihulo, Eliasarelo, Itamarelo.
3Tamadja Aronib erningita atingit, ajoᴋertuijut mingoartaujut, tâpsoma saimartitangit kivgartorᴋovlugit ajoᴋertuijônerme.
4Nadabelo Abihulo toᴋolauᴋpuk Nâlekab sângane, tunergusermanik ikomamik takorngartamik Nâlekab sângane, Sinaib sunaᴋajuitungane, ᴋitorngaᴋalaungituglo; Eliasarelo Itamarelo kivgartorpuk ajoᴋertuijônerme atâtamik Aronib najorningane.
5Nâlekablo Mosese oᴋarvigivâ, oᴋarlune:
6Aronib kinguvângit maungautikit pitilugillo Aronib ajoᴋertuijôjûb sânganut, kivgartorᴋovlugit tâpsominga.
7Kamatsiartuksauvullo tâpsoma pijariaᴋartanginik ilagêktullo ilûnatik pijariaᴋartanginik ilagêktut tupingata sângane, tupiub pijarialingit piniarlugit.
8Pairᴋsijuksauvullo ilagêktut tupingata pitanginik, Israêliblo ᴋitorngangita pitanginik, tupiub pijarialingit piniarlugit.
9Levikullo tunijaksarivatit Aronemut erninginullo; tunijaumarikput tâpsomunga Israêlib ᴋitorngangit pivlugit.
10Aronelo erningillo ilijaksarivatit, tâpkoalo ivlersijuksauvut ajoᴋertuijônermingnik; takorngartarlo ᴋanilertoᴋ toᴋotaujuksauvoᴋ.
11Nâlekablo Mosese oᴋarvigivâ, oᴋarlune:
12Uvanga Levikut tiguvakka Israêlib ᴋitorngangita akornganit, erniangoᴋârtut ilûnaita igliarmik angmaijut Israêlib ᴋitorngangine simerlugit; Levikut perᴋutigijomavakka;
13Erniangoᴋârtut tamaita perᴋutigigapkit, uvlorme taipsomane erniangoᴋârtut tamaita nuname Egipteneme anaulaurapkit, erniangoᴋârtut ilûnaita inungnelo nergjutinelo Israêleme annerilauᴋpakka; perᴋutaujuksauvut uvamnut; Uvangauvunga Nâlegaᴋ.
14Nâlekablo Mosese oᴋarvigivâ sunaᴋajuitome Sinaime oᴋarlune:
15Levikut kitikit atâtamik kinguvângit maliklugit, ᴋitorngarêngningit maliklugit; angutit ilûnaita taᴋᴋeᴋartut atautsimik ununersaniglo kititaksarivatit.
16Mosesiblo kitipait Nâlekab oᴋausinga maliklugo sôrlo perᴋojaulaurame.
17Tamadjalo Levib erningit, attingit maliklugit; Gersone, Kohatelo, Merarilo.
18Tamadjalo Gersonib erningita atingit, ᴋitorngarêngningit maliklugit; Libnilo Simeilo.
19Kohatiblo erningit, ᴋitorngarêngningit maliklugit: Amramelo Itsarelo, Hebronelo Usielelo.
20Merariblo erningit, ᴋitorngarêngningit maliklugit, Malilo Musilo. Tamadja Levikut ᴋitorngarêngningit atâtamik kinguvârêngit maliklugit.
21Gersonemit Libnikut Sîmeoikullo pivut; tamadja Gersonib kinguvângit.
22Kititaujut tâpkonangat, angutit unurningit maliklugit, taᴋᴋeᴋartut atautsemik ununersaniglo, kititaujut tâpkonangat 7,500ovut.
23Gersonekut ᴋitorngarêngit tangmârtuksauvut ilagêktut tupingata tunuane kangiane.
24Eliasafelo, Laelib erninga, angajoᴋaujuksauvoᴋ Gersonekut kinguvângine.
25Gersoniblo erningit udjertoraksaᴋartuksauvut ilagêktut tupingane, tupermik ivsornaitomik, tupermiglo tâpsoma matuksanganik illullermik, matuksanganiglo sillallermik, ilagêktullo tupingata upkoangata tâlutanganik,
26Avalullo tâlutanginik, avalullo upkoangata tâlutanganik, tupiub tunerguserviublo ᴋanitâgingnêtûb silatâne, aklunânginiglo ilûnainik tâpkonane atortunik.
27Kohatemillo Amramekut, Itsarikullo, Hebronekullo, Usielekullo pivut; tamadja Kohatekut kinguvângit.
28Angutit ilûnatik kititaujut unurningit maliklugit, taᴋᴋeᴋartut atautsemik ununersaniglo 8,600ovut, ivsornaitovingmik pairᴋsijuksauvlutik.
29Kohatekut ᴋitorngarêngit tangmârtuksauvut ilagêktut tupingata seᴋerngane.
30Elisafanelo, Usielib erninga, angajoᴋaujuksauvoᴋ Kohatekut kinguvângine.
31Tâpkoalo pairijaksaᴋartuksauvut iklervingmik, sâmiglo, nenneroaᴋarvingmiglo, tunerguservingmiglo, ivsornaitoviublo perᴋutinginik atortunik kivgartornerme, upkomiglo, tâpsomalo atoriaᴋartanginik.
32Eliasarelo, Aronib ajoᴋertuijûb erninga, angajoᴋaujuksauvoᴋ Levikut angajoᴋaujunginut, aulatsijuksauvlune ivsornaitovingmik pairᴋsijuksanik.
33Merarimillo Malikut Musikullo pivut, tamadja Merarib kinguvângit.
34Kititaujut tâpkonangat, angutit ilûnatik unurningit maliklugit, taᴋᴋeᴋartut atautsemik ununersaniglo 6,200ovut.
35Surielelo, Abihailib erninga, angajoᴋaujuksauvoᴋ Merarikut kinguvângine: tâpkoa tangmârtuksauvut ilagêktut tupingata taggâne.
36Merariblo erningit pairijaksaᴋartuksauvut ilagêktut tupingata sâtojanginik, seningajunginiglo, napajunginiglo, manguvinginiglo, perᴋutinginiglo tamainik, atoriaᴋartanginiglo tamainik;
37Avalullo tupiub avatânêtut napajunginik, manguvinginiglo, kikiaktanginiglo aklunânginiglo.
38Moseselo Aronelo tâpsomalo erningit tangmârtuksauvut ilagêktut tupingata sângane kitâne seᴋiniub nuivingata nelâne, kamatsiarᴋovlugit ivsornaitoviub kivgartortaujariaᴋarninganik Israêlib ᴋitorngangit pivlugit; takorngartarlo ᴋanilertoᴋ tagvunga toᴋotaujuksauvoᴋ.
39Kititaujullo Levikunit, Mosesiblo Aroniblo kititangit Nâlekab perᴋojanga maliklugo, ᴋitorngarêngit maliklugit, angutit ilûnatik taᴋᴋeᴋartut atautsemik ununersaniglo, 22,000ovut.
40Nâlekablo Mosese oᴋautivâ: Angutit erniangoᴋârtut ilûnaita Israêlib ᴋitorngangine taᴋᴋeᴋartut atautsemik ununersaniglo kitikit, atingitalo unurningit kamagikit.
41Levikullo ingmigolingatitaksarivatit uvamnut, (Uvangaugama Nâlegaᴋ) erniangoᴋârtut ilûnaita Israêlib ᴋitorngangine simerlugit; Levikullo nergjuteᴋotingit, pijariorutit Israêlib ᴋitorngangita nergjuteᴋotingine simerlugit.
42Mosesiblo erniangoᴋârtut ilûnaita Israêlib ᴋitorngangine kitipait, sôrlo Nâlekab perᴋongmago.
43Angutillo erniangoᴋârtut ilûnatik, atingita unurningit maliklugit, taᴋᴋeᴋartut atautsemik ununersaniglo, kititaujut tâpkonangat 22,273ovut.
44Nâlekablo Mosese oᴋarvigivâ, oᴋarlune:
45Levikut ingmigolingatikit Israêlib ᴋitorngangita erniangoᴋârtungit ilûnaita simerlugit, Levikullo nergjuteᴋotingit tâpkoa nergjuteᴋotingit simerlugit; Levikullo perᴋutaujuksauvut uvamnut; Uvangauvunga Nâlegaᴋ.
46Israêliblo ᴋitorngangita erniangoᴋârtungita Levikut unurᴋijangit 273nik pisiarijaujarianginut,
47Tigusijutigijaksarivatit atunit kênaujanik sekelenik tellimanik; ivsornaitoviub sekelinga maliklugo tigujaksarivatit (sekele atauseᴋ geratut 20tut akkitutigivoᴋ);
48Kênaujallo pisiniutaujut tâpkoa unurᴋijangit pivlugit tunijaksarivatit Aronemut tâpsomalo erninginut.
49Mosesiblo kênaujat pisiniutaujut tâpkoa unurᴋijangit pivlugit, ununersaujut Levikut pisiarijanginit;
50Israêlib ᴋitorngangita erniangoᴋârtunginit kênaujat tiguvait; sekelit 1,365, ivsornaitoviub sekelinga maliklugo;
51Mosesiblo kênaujat pisiniutaujut tunivait Aronemut erninginullo, Nâlekab oᴋausinga maliklugo, sôrlo Nâlekab Mosese perᴋolaungmago.
Currently Selected:
Numbers 3: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Numbers 3
3
1Tamadja Aronib Mosesiblo kinguvângit uvlorme Nâlekab oᴋarvigilauᴋtangane Mosesemut ᴋaᴋᴋame Sinaime.
2Tamadjalo Aronib erningita atingit: Angajukleᴋ Nadabe, Abihulo, Eliasarelo, Itamarelo.
3Tamadja Aronib erningita atingit, ajoᴋertuijut mingoartaujut, tâpsoma saimartitangit kivgartorᴋovlugit ajoᴋertuijônerme.
4Nadabelo Abihulo toᴋolauᴋpuk Nâlekab sângane, tunergusermanik ikomamik takorngartamik Nâlekab sângane, Sinaib sunaᴋajuitungane, ᴋitorngaᴋalaungituglo; Eliasarelo Itamarelo kivgartorpuk ajoᴋertuijônerme atâtamik Aronib najorningane.
5Nâlekablo Mosese oᴋarvigivâ, oᴋarlune:
6Aronib kinguvângit maungautikit pitilugillo Aronib ajoᴋertuijôjûb sânganut, kivgartorᴋovlugit tâpsominga.
7Kamatsiartuksauvullo tâpsoma pijariaᴋartanginik ilagêktullo ilûnatik pijariaᴋartanginik ilagêktut tupingata sângane, tupiub pijarialingit piniarlugit.
8Pairᴋsijuksauvullo ilagêktut tupingata pitanginik, Israêliblo ᴋitorngangita pitanginik, tupiub pijarialingit piniarlugit.
9Levikullo tunijaksarivatit Aronemut erninginullo; tunijaumarikput tâpsomunga Israêlib ᴋitorngangit pivlugit.
10Aronelo erningillo ilijaksarivatit, tâpkoalo ivlersijuksauvut ajoᴋertuijônermingnik; takorngartarlo ᴋanilertoᴋ toᴋotaujuksauvoᴋ.
11Nâlekablo Mosese oᴋarvigivâ, oᴋarlune:
12Uvanga Levikut tiguvakka Israêlib ᴋitorngangita akornganit, erniangoᴋârtut ilûnaita igliarmik angmaijut Israêlib ᴋitorngangine simerlugit; Levikut perᴋutigijomavakka;
13Erniangoᴋârtut tamaita perᴋutigigapkit, uvlorme taipsomane erniangoᴋârtut tamaita nuname Egipteneme anaulaurapkit, erniangoᴋârtut ilûnaita inungnelo nergjutinelo Israêleme annerilauᴋpakka; perᴋutaujuksauvut uvamnut; Uvangauvunga Nâlegaᴋ.
14Nâlekablo Mosese oᴋarvigivâ sunaᴋajuitome Sinaime oᴋarlune:
15Levikut kitikit atâtamik kinguvângit maliklugit, ᴋitorngarêngningit maliklugit; angutit ilûnaita taᴋᴋeᴋartut atautsimik ununersaniglo kititaksarivatit.
16Mosesiblo kitipait Nâlekab oᴋausinga maliklugo sôrlo perᴋojaulaurame.
17Tamadjalo Levib erningit, attingit maliklugit; Gersone, Kohatelo, Merarilo.
18Tamadjalo Gersonib erningita atingit, ᴋitorngarêngningit maliklugit; Libnilo Simeilo.
19Kohatiblo erningit, ᴋitorngarêngningit maliklugit: Amramelo Itsarelo, Hebronelo Usielelo.
20Merariblo erningit, ᴋitorngarêngningit maliklugit, Malilo Musilo. Tamadja Levikut ᴋitorngarêngningit atâtamik kinguvârêngit maliklugit.
21Gersonemit Libnikut Sîmeoikullo pivut; tamadja Gersonib kinguvângit.
22Kititaujut tâpkonangat, angutit unurningit maliklugit, taᴋᴋeᴋartut atautsemik ununersaniglo, kititaujut tâpkonangat 7,500ovut.
23Gersonekut ᴋitorngarêngit tangmârtuksauvut ilagêktut tupingata tunuane kangiane.
24Eliasafelo, Laelib erninga, angajoᴋaujuksauvoᴋ Gersonekut kinguvângine.
25Gersoniblo erningit udjertoraksaᴋartuksauvut ilagêktut tupingane, tupermik ivsornaitomik, tupermiglo tâpsoma matuksanganik illullermik, matuksanganiglo sillallermik, ilagêktullo tupingata upkoangata tâlutanganik,
26Avalullo tâlutanginik, avalullo upkoangata tâlutanganik, tupiub tunerguserviublo ᴋanitâgingnêtûb silatâne, aklunânginiglo ilûnainik tâpkonane atortunik.
27Kohatemillo Amramekut, Itsarikullo, Hebronekullo, Usielekullo pivut; tamadja Kohatekut kinguvângit.
28Angutit ilûnatik kititaujut unurningit maliklugit, taᴋᴋeᴋartut atautsemik ununersaniglo 8,600ovut, ivsornaitovingmik pairᴋsijuksauvlutik.
29Kohatekut ᴋitorngarêngit tangmârtuksauvut ilagêktut tupingata seᴋerngane.
30Elisafanelo, Usielib erninga, angajoᴋaujuksauvoᴋ Kohatekut kinguvângine.
31Tâpkoalo pairijaksaᴋartuksauvut iklervingmik, sâmiglo, nenneroaᴋarvingmiglo, tunerguservingmiglo, ivsornaitoviublo perᴋutinginik atortunik kivgartornerme, upkomiglo, tâpsomalo atoriaᴋartanginik.
32Eliasarelo, Aronib ajoᴋertuijûb erninga, angajoᴋaujuksauvoᴋ Levikut angajoᴋaujunginut, aulatsijuksauvlune ivsornaitovingmik pairᴋsijuksanik.
33Merarimillo Malikut Musikullo pivut, tamadja Merarib kinguvângit.
34Kititaujut tâpkonangat, angutit ilûnatik unurningit maliklugit, taᴋᴋeᴋartut atautsemik ununersaniglo 6,200ovut.
35Surielelo, Abihailib erninga, angajoᴋaujuksauvoᴋ Merarikut kinguvângine: tâpkoa tangmârtuksauvut ilagêktut tupingata taggâne.
36Merariblo erningit pairijaksaᴋartuksauvut ilagêktut tupingata sâtojanginik, seningajunginiglo, napajunginiglo, manguvinginiglo, perᴋutinginiglo tamainik, atoriaᴋartanginiglo tamainik;
37Avalullo tupiub avatânêtut napajunginik, manguvinginiglo, kikiaktanginiglo aklunânginiglo.
38Moseselo Aronelo tâpsomalo erningit tangmârtuksauvut ilagêktut tupingata sângane kitâne seᴋiniub nuivingata nelâne, kamatsiarᴋovlugit ivsornaitoviub kivgartortaujariaᴋarninganik Israêlib ᴋitorngangit pivlugit; takorngartarlo ᴋanilertoᴋ tagvunga toᴋotaujuksauvoᴋ.
39Kititaujullo Levikunit, Mosesiblo Aroniblo kititangit Nâlekab perᴋojanga maliklugo, ᴋitorngarêngit maliklugit, angutit ilûnatik taᴋᴋeᴋartut atautsemik ununersaniglo, 22,000ovut.
40Nâlekablo Mosese oᴋautivâ: Angutit erniangoᴋârtut ilûnaita Israêlib ᴋitorngangine taᴋᴋeᴋartut atautsemik ununersaniglo kitikit, atingitalo unurningit kamagikit.
41Levikullo ingmigolingatitaksarivatit uvamnut, (Uvangaugama Nâlegaᴋ) erniangoᴋârtut ilûnaita Israêlib ᴋitorngangine simerlugit; Levikullo nergjuteᴋotingit, pijariorutit Israêlib ᴋitorngangita nergjuteᴋotingine simerlugit.
42Mosesiblo erniangoᴋârtut ilûnaita Israêlib ᴋitorngangine kitipait, sôrlo Nâlekab perᴋongmago.
43Angutillo erniangoᴋârtut ilûnatik, atingita unurningit maliklugit, taᴋᴋeᴋartut atautsemik ununersaniglo, kititaujut tâpkonangat 22,273ovut.
44Nâlekablo Mosese oᴋarvigivâ, oᴋarlune:
45Levikut ingmigolingatikit Israêlib ᴋitorngangita erniangoᴋârtungit ilûnaita simerlugit, Levikullo nergjuteᴋotingit tâpkoa nergjuteᴋotingit simerlugit; Levikullo perᴋutaujuksauvut uvamnut; Uvangauvunga Nâlegaᴋ.
46Israêliblo ᴋitorngangita erniangoᴋârtungita Levikut unurᴋijangit 273nik pisiarijaujarianginut,
47Tigusijutigijaksarivatit atunit kênaujanik sekelenik tellimanik; ivsornaitoviub sekelinga maliklugo tigujaksarivatit (sekele atauseᴋ geratut 20tut akkitutigivoᴋ);
48Kênaujallo pisiniutaujut tâpkoa unurᴋijangit pivlugit tunijaksarivatit Aronemut tâpsomalo erninginut.
49Mosesiblo kênaujat pisiniutaujut tâpkoa unurᴋijangit pivlugit, ununersaujut Levikut pisiarijanginit;
50Israêlib ᴋitorngangita erniangoᴋârtunginit kênaujat tiguvait; sekelit 1,365, ivsornaitoviub sekelinga maliklugo;
51Mosesiblo kênaujat pisiniutaujut tunivait Aronemut erninginullo, Nâlekab oᴋausinga maliklugo, sôrlo Nâlekab Mosese perᴋolaungmago.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.