Numbers 2
2
1Nâlekablo Mosese Aronelo oᴋarvigivak, oᴋarlune:
2Israêlib ᴋitorngangit tangmârtertuksauvut atunit saimateᴋotimingne, atâtamik ingmikôrtartungita saimateᴋotingane; tupiub kigligiutjineᴋtaliub akiane avatâne tangmârtertuksauvut.
3Tangmârtertullo unane, seᴋiniub nuivinga sângalugo, Judakut tangmârvingata saimatinganut ilingajuksauvut, katimgajoᴋotitik maliklugit; Nahsonelo, Amminadab erninga, angajoᴋaujuksauvoᴋ Judakune.
4Tâpsomalo katimgajoᴋotingit kititaumajut 74,600ovut.
5Tâpkoalo sillaleᴋartuksauvut Isassarekunik, Netanelelo, Zuarib erninga, angajoᴋaujuksauvoᴋ Isassarekune;
6Tâpsomalo katimgajoᴋotingit kititaumajut 54,400ovut.
7Tâpkoalo avatâne Sebulonekut; Elialo, Helonib erninga, angajoᴋaujuksauvoᴋ Sebulonekune;
8Tâpsomalo katimgajoᴋotingit kititaumajut 57,400ovut.
9Tagva ilûnatik kititaumajut Judakut tangmârviksaᴋotinganut ilingajut 186,400ovut, katimgajoᴋotingit maliklugit; tâpkoa sivorliovlutik ingergartuksauvut.
10Rubenekut tangmârvingata saimatingat âne seᴋernganêtuksauvoᴋ, katimgajoᴋotingit maliklugit, Eliserelo, Sedeurib erninga, angajoᴋaujuksauvoᴋ Rubenekune;
11Tâpsomalo katimgajoᴋotingit kititaumajut 46,500ovut.
12Sîmeonekullo tangmârtertuksauvut tâpkoa tungâne, Selumielelo, Surisadaib erninga, angajoᴋaujuksauvoᴋ Simeonekune;
13Tâpsomalo katimgajoᴋotingit kititaumajut 59,300ovut.
14Gadekullo; Eliasafelo, Deuelib erninga, angajoᴋaujuksauvoᴋ Gadekune;
15Tâpsomalo katimgajoᴋotingit kititaumajut 45,650ovut.
16Tagva ilûnatik kititaumajut Rubenekut tangmârviksaᴋotinganut ilingajut 151,450ovut; katimgajoᴋotingit maliklugit. Tâpkoa kingorliovlutik ingergartuksauvut.
17Tapkoalo maliklugit Levikut tangmârvinganut ilingajut, tupegilutik kigligiutjineᴋtalingmik, ingergartuksauvut, akkuliovlutik katimgajoᴋsoane; sôrlo tangmârteramik taimâk ingergartuksauvut, atunit inigijaksamingne, saimateᴋotimik nelâne.
18Kangianetuksauvok Efraimekut tangmârvingata saimatingat, katimgajoᴋotingit maliklugit, Elisamalo, Ammihudib erninga, angajoᴋaujuksauvoᴋ Efraimekune.
19Tâpsomalo katimgajoᴋotingit kititaumajut 40,500ovut.
20Manassekullo tâpkoa tungânêtuksauvut, Gamalielelo, Pedasurib erninga, angajoᴋaujuksauvoᴋ Manassekune;
21Tâpsomalo katingajoᴋotingit kititaumajut 32,200ovut.
22Benjaminekullo; Abidanelo, Gideonib erninga, angajoᴋaujuksauvoᴋ Benjaminekune;
23Tâpsomalo katingajoᴋotingit kititaumajut 35,400ovut.
24Tagva ilûnatik kititaumajut Efraimekut tangmârviksaᴋotinganut ilingajut 108,100ovut, katingajoᴋotingit maliklugit. Tâpkoa kingorlerêklutik ingergartuksauvut.
25Tagganetuksauvok Danekut tangmârvingata saimatingat, katingajoᴋotingit maliklugit, Ahieserelo, Ammisadaib erninga, angajoᴋaujuksauvoᴋ Danekune.
26Tâpsomalo katingajoᴋotingit kititaumajut 62,700ovut.
27Asserekullo tangmârtuksauvut tâpkoa tungâne; Pagielelo, Okranib erninga, angajoᴋaujuksauvoᴋ Asserekune;
28Tâpsomalo katingajoᴋotingit kititaumajut 41,500ovut.
29Naftalikullo; Ahiralo, Enanib erninga, angajoᴋaujuksauvoᴋ Naftalikune;
30Tâpsomalo katingajoᴋotingit kititaumajut 53,400ovut.
31Tagva ilûnatik kititaumajut Danekut tangmârviksaᴋotinganut ilingajut 157,600ovut. Tâpkoa kingorlerpauvlutik ingergartuksauvut, saimateᴋotimik nelâne.
32Tapkoangovut Israêlib ᴋitorngangit kititaumajut atâtagijamik ᴋitorngarêngningit maliklugit; tangmârvingnut ilingajut katingajoᴋotingit maliklugit kititaumajut 603,550ovut.
33Levikulle kititaulungilat Israêlib ᴋitorngangit akorngane; sôrlo Nâlekab Mosese perᴋolaungmago.
34Taimailiorput Israêlib ᴋitorngangit; Nâlekab perᴋojangit tamaita Mosesemut maliklugit, taimâk tangmârterput saimateᴋotimingne, taimaglo ingergarput, atunit kinguvârêngnermingne, atâtamik ᴋitorngarêᴋotingit maliklugit.
Currently Selected:
Numbers 2: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.