Numbers 11
11
1Inugiartoksuillo oᴋaluᴋivut, piungitunik oᴋauseᴋarlutik Nâlekab siutinginut; Nâlekablo tamanna tusarmago ningaumajâdlarpoᴋ; Nâlekablo ikomanga ikoâlavoᴋ tâpkoa akorngane, nungutsilunelo tangmârviub issunginêtunik.
2Inuillo ᴋaigarsudlarput Mosesemut, Moseselo tuksiarpoᴋ Nâlekamut, ikomalo ᴋammipoᴋ.
3Nunalo tâmna taijauvoᴋ Taberamik, imaipoᴋ, ikinermik; Nâlekab ikomanga ikoâlamat tâpkoa akorngane.
4Takorngartallo sunatuinait tâpkoa akornganêtut ikligudlalerput; Israêlikullo ᴋeasungogivut, oᴋarlutiglo: Kia nerᴋejamik tunitjiviginiarpâtigût, nerriᴋovlutâ?
5Erᴋaumavavut aulasakkat akkeᴋangitomik nerrilauᴋtavut Egipteneme; perutsiat kukumberit, melônillo, lîkillo, ᴋeanartullo, garlikillo;
6Mânale tarnivut ᴋavângovut; sunaᴋalungilaᴋ; mannab oma assianik takonâraksaᴋangilarlônêt.
7Manna korianderib (perutsiat ilangata) karngasutiksangititut iput, kutsuktut tautuᴋarlune.
8Inuit arvertarlutik katersorpait serᴋalilugillo serᴋalitsivingme katjuklugillônêt katjugvingme, igalugillo ukkusingne, ᴋaᴋᴋôjangortilugillo; tippeᴋarpullo ᴋaᴋᴋôjartut orᴋsume igajaujotut.
9Mitsuksoarlo aᴋᴋarmat tangmârvingmut unnuarme, manna ilaliudjaugivoᴋ.
10Mosesiblo inuit ᴋitorngarêt ᴋeajut tusarpait, atunit tuperme upkoangane; Nâlekablo ningaumajârninga angijôlerpoᴋ; Moseselo ᴋuviasugungnaipoᴋ.
11Moseselo oᴋarpoᴋ Nâlekamut: Sôᴋ kivgat sanikteridlartipiûk? Sôglo saimausertaungilangâ ijîkpit sângangne, inuit tamakkoa oᴋumainartoᴋsôningat iligangne uvamnût?
12Uvanga inuit tamakkoa tamaita ᴋitorngarivakkâ? Uvanga ernerivakkâ, oᴋautjiᴋovlutit uvamnik, Sarliarkit, sorlo immuᴋartûb amâmaktoᴋ sarliarmago, nunamuat ngerutigilauᴋtarnut atâtanginût?
13Nakit nerᴋesiniarᴋêk tunijaksamik inugiartoᴋsoarnut makkonungâ? Keadlarmatta uvamnut, oᴋarlutik: Nerᴋiksamik tunitjivigitigut nerrijungnarᴋovluta.
14Kissima inugiartoᴋsuit tamakkoa tamaita nangmarungnangilakka, oᴋumailuarput uvamnut.
15Taimailiorvigigumgalo, tagva toᴋolaungatôᴋ, ila, toᴋunga, saimaneᴋsiguma takkungne; tautugiaᴋarᴋonanga ajulernimnik.
16Nâlekablo Mosese oᴋautivâ: Angutinik 70nik katersilerit uvamnut angajoᴋaujunit Israêlikune, ilitarijarnik aulatsisônik atanertuisôniglo inungnik; ᴋaikillo ilagêktut tupinganut, tagvane nangiᴋatigivlutit piᴋovlugit.
17Aᴋᴋalârpungalo oᴋaᴋatigilutillo tagvane anernerublo ilingnêtûb ilanga tigulârpara pitilugolo tâpkonunga; ilagilutillo tâpkoa nangmaᴋtaulârput inugiartoᴋsuit oᴋumainarninginik, kissivitôvlutit nangmariaᴋarᴋonak tamattominga.
18Inuille oᴋautikit: Ivsornaititse ilipsingnik ᴋaupamut, nerᴋetolârapse; Nâlekab siutîkita sângangne ᴋeadlarapse, oᴋarluse: Kia nerᴋiksamik tunitjiviginiarpâtigût nerriᴋovlutâ? Nâmaktomik pitaᴋalaurapta Egipteneme; tamanna pivlugo Nâlekab tunitjiviginiarpâse nerᴋiksamik, nerrilârposelo.
19Uvlorme atausetuinarme nerriniangilase, maggungnelônêt, tellimanelônêt, tellimaujortunelônêt, twentynelônêt;
20Taᴋᴋerle ilûnât nâvlugo, aniᴋârtinago ᴋingapsigut, arriunarᴋârtinago ilipsingnut; Nâlegaᴋ akunapsingnêtoᴋ naggogigapsiuk, ᴋeadlarapselo tâpsoma sângane, oᴋarluse: Sôᴋ aulalaukitâ Egiptenemît?
21Moseselo oᴋarpoᴋ: Inuit akornganêvigijakka angutauvut pisukpaktut 600,000; oᴋarpotillo: Tunitjivigijomavakka nerᴋemik, taᴋᴋeᴋ nâvlugo nerriᴋovlugit.
22Saukat tuktuvaillo katimgajut toᴋotaujuksauvât tâpkoa pivlugit, nâmaksititauᴋovlugît? Mingeriallônêt tamaita imarbingmêtut katersortaujuksauvât tâpkoa pivlugit, nâmaksititauᴋovlugît?
23Nâlekablo Mosese oᴋautivâ: Nâlekab aggangit nailisimavât? Mâna takolârpotit oᴋausera nelautsimangât ilingnut, nelautsingimangâllônêt.
24Moseselo anivoᴋ inuillo oᴋautilugit Nâlekab oᴋausinginik; katersivorlo angutinik 70nik angajoᴋaujunik inungne, nangerᴋolugillo tupiub avatâne.
25Nâlegarlo aᴋᴋarpoᴋ nuvujame, oᴋaᴋatigilugolo, anernerublo tâpsomanetûb ilanga tiguvâ pitilugolo angajoᴋaujunut 70nut; ahâglo, anernerub tupvigingmagit nelautailerput, kingornganele taimailiorungnaiput.
26Angutîgle maggûk tangmârvingmêtuarpûk, aipâ Eldademik atteᴋarpoᴋ, aipangalo Medadeovoᴋ; anernerublo tupvigivak; aglaksimajunut ilingagaloarpûk, tupiliaᴋataulaungilâgle; nelautailerpûglo tangmârvingme.
27Tagva inôsuktoᴋ aᴋpasukpoᴋ Moseselo unipkautilugo, oᴋarlune: Eldadelo Medadelo nelautailerpûk tangmârvingme.
28Josualo, Nunib erninga, Mosesib ikajortinga, annerijangita ilangat, kiovlune oᴋarpoᴋ: Nâlegara Mosese inerterkik.
29Mosesiblo oᴋautivâ: Pivlunga nâmaksijungnaikêt? Nâlekab inuᴋotingita ilûnatik nelautaijôgiangit tusunadlarpoᴋ, Nâlekab anernine pitinajarmago tâpkonunga.
30Moseselo tangmârviliarpoᴋ, tâmnalo Israêliblo angajoᴋângit.
31Anorelo anivoᴋ Nâlekamit tikiutjilunelo aᴋigearsungnik imarbingmit, tâpkoalo tangmârviub ᴋanitangane katararput, uvloinartausômik makutsiane, uvloinartausômiglo akkiane, tangmârviub avatâne, talertut igloinartut magguktut poᴋtotigijomik nunab ᴋângane.
32Inugiartoᴋsuillo nikovilutik uvloᴋ tâmna nâvlugo, unnuarlo nâvlugo, uvlûblo aipanga nâvlugo, katersoivut aᴋigearsungnik; ikinerpânik katersijoᴋ homerenik 10nik katersivoᴋ; iniorᴋalugillo tangmârviub avatâne piksaᴋamârivait.
33Nerᴋelo kigutingita akornganêtilugo sulle, tamuajaurêrᴋârtinago, Nâlekab ningarninga tâpkoninga angijôlerpoᴋ, Nâlekablo annauvait nusilingnartomut angijôdlartomut.
34Nunalo tâmna atserartauvoᴋ ikligudlartut iluvinginik; tagvane inuit ikligudlartut iluverlaungmatigik.
35Ikligudlartullo iluvinginit inugiartoᴋsuit aularpat Hazarotemut; Hazarotemelo noᴋangavut.
Currently Selected:
Numbers 11: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Numbers 11
11
1Inugiartoksuillo oᴋaluᴋivut, piungitunik oᴋauseᴋarlutik Nâlekab siutinginut; Nâlekablo tamanna tusarmago ningaumajâdlarpoᴋ; Nâlekablo ikomanga ikoâlavoᴋ tâpkoa akorngane, nungutsilunelo tangmârviub issunginêtunik.
2Inuillo ᴋaigarsudlarput Mosesemut, Moseselo tuksiarpoᴋ Nâlekamut, ikomalo ᴋammipoᴋ.
3Nunalo tâmna taijauvoᴋ Taberamik, imaipoᴋ, ikinermik; Nâlekab ikomanga ikoâlamat tâpkoa akorngane.
4Takorngartallo sunatuinait tâpkoa akornganêtut ikligudlalerput; Israêlikullo ᴋeasungogivut, oᴋarlutiglo: Kia nerᴋejamik tunitjiviginiarpâtigût, nerriᴋovlutâ?
5Erᴋaumavavut aulasakkat akkeᴋangitomik nerrilauᴋtavut Egipteneme; perutsiat kukumberit, melônillo, lîkillo, ᴋeanartullo, garlikillo;
6Mânale tarnivut ᴋavângovut; sunaᴋalungilaᴋ; mannab oma assianik takonâraksaᴋangilarlônêt.
7Manna korianderib (perutsiat ilangata) karngasutiksangititut iput, kutsuktut tautuᴋarlune.
8Inuit arvertarlutik katersorpait serᴋalilugillo serᴋalitsivingme katjuklugillônêt katjugvingme, igalugillo ukkusingne, ᴋaᴋᴋôjangortilugillo; tippeᴋarpullo ᴋaᴋᴋôjartut orᴋsume igajaujotut.
9Mitsuksoarlo aᴋᴋarmat tangmârvingmut unnuarme, manna ilaliudjaugivoᴋ.
10Mosesiblo inuit ᴋitorngarêt ᴋeajut tusarpait, atunit tuperme upkoangane; Nâlekablo ningaumajârninga angijôlerpoᴋ; Moseselo ᴋuviasugungnaipoᴋ.
11Moseselo oᴋarpoᴋ Nâlekamut: Sôᴋ kivgat sanikteridlartipiûk? Sôglo saimausertaungilangâ ijîkpit sângangne, inuit tamakkoa oᴋumainartoᴋsôningat iligangne uvamnût?
12Uvanga inuit tamakkoa tamaita ᴋitorngarivakkâ? Uvanga ernerivakkâ, oᴋautjiᴋovlutit uvamnik, Sarliarkit, sorlo immuᴋartûb amâmaktoᴋ sarliarmago, nunamuat ngerutigilauᴋtarnut atâtanginût?
13Nakit nerᴋesiniarᴋêk tunijaksamik inugiartoᴋsoarnut makkonungâ? Keadlarmatta uvamnut, oᴋarlutik: Nerᴋiksamik tunitjivigitigut nerrijungnarᴋovluta.
14Kissima inugiartoᴋsuit tamakkoa tamaita nangmarungnangilakka, oᴋumailuarput uvamnut.
15Taimailiorvigigumgalo, tagva toᴋolaungatôᴋ, ila, toᴋunga, saimaneᴋsiguma takkungne; tautugiaᴋarᴋonanga ajulernimnik.
16Nâlekablo Mosese oᴋautivâ: Angutinik 70nik katersilerit uvamnut angajoᴋaujunit Israêlikune, ilitarijarnik aulatsisônik atanertuisôniglo inungnik; ᴋaikillo ilagêktut tupinganut, tagvane nangiᴋatigivlutit piᴋovlugit.
17Aᴋᴋalârpungalo oᴋaᴋatigilutillo tagvane anernerublo ilingnêtûb ilanga tigulârpara pitilugolo tâpkonunga; ilagilutillo tâpkoa nangmaᴋtaulârput inugiartoᴋsuit oᴋumainarninginik, kissivitôvlutit nangmariaᴋarᴋonak tamattominga.
18Inuille oᴋautikit: Ivsornaititse ilipsingnik ᴋaupamut, nerᴋetolârapse; Nâlekab siutîkita sângangne ᴋeadlarapse, oᴋarluse: Kia nerᴋiksamik tunitjiviginiarpâtigût nerriᴋovlutâ? Nâmaktomik pitaᴋalaurapta Egipteneme; tamanna pivlugo Nâlekab tunitjiviginiarpâse nerᴋiksamik, nerrilârposelo.
19Uvlorme atausetuinarme nerriniangilase, maggungnelônêt, tellimanelônêt, tellimaujortunelônêt, twentynelônêt;
20Taᴋᴋerle ilûnât nâvlugo, aniᴋârtinago ᴋingapsigut, arriunarᴋârtinago ilipsingnut; Nâlegaᴋ akunapsingnêtoᴋ naggogigapsiuk, ᴋeadlarapselo tâpsoma sângane, oᴋarluse: Sôᴋ aulalaukitâ Egiptenemît?
21Moseselo oᴋarpoᴋ: Inuit akornganêvigijakka angutauvut pisukpaktut 600,000; oᴋarpotillo: Tunitjivigijomavakka nerᴋemik, taᴋᴋeᴋ nâvlugo nerriᴋovlugit.
22Saukat tuktuvaillo katimgajut toᴋotaujuksauvât tâpkoa pivlugit, nâmaksititauᴋovlugît? Mingeriallônêt tamaita imarbingmêtut katersortaujuksauvât tâpkoa pivlugit, nâmaksititauᴋovlugît?
23Nâlekablo Mosese oᴋautivâ: Nâlekab aggangit nailisimavât? Mâna takolârpotit oᴋausera nelautsimangât ilingnut, nelautsingimangâllônêt.
24Moseselo anivoᴋ inuillo oᴋautilugit Nâlekab oᴋausinginik; katersivorlo angutinik 70nik angajoᴋaujunik inungne, nangerᴋolugillo tupiub avatâne.
25Nâlegarlo aᴋᴋarpoᴋ nuvujame, oᴋaᴋatigilugolo, anernerublo tâpsomanetûb ilanga tiguvâ pitilugolo angajoᴋaujunut 70nut; ahâglo, anernerub tupvigingmagit nelautailerput, kingornganele taimailiorungnaiput.
26Angutîgle maggûk tangmârvingmêtuarpûk, aipâ Eldademik atteᴋarpoᴋ, aipangalo Medadeovoᴋ; anernerublo tupvigivak; aglaksimajunut ilingagaloarpûk, tupiliaᴋataulaungilâgle; nelautailerpûglo tangmârvingme.
27Tagva inôsuktoᴋ aᴋpasukpoᴋ Moseselo unipkautilugo, oᴋarlune: Eldadelo Medadelo nelautailerpûk tangmârvingme.
28Josualo, Nunib erninga, Mosesib ikajortinga, annerijangita ilangat, kiovlune oᴋarpoᴋ: Nâlegara Mosese inerterkik.
29Mosesiblo oᴋautivâ: Pivlunga nâmaksijungnaikêt? Nâlekab inuᴋotingita ilûnatik nelautaijôgiangit tusunadlarpoᴋ, Nâlekab anernine pitinajarmago tâpkonunga.
30Moseselo tangmârviliarpoᴋ, tâmnalo Israêliblo angajoᴋângit.
31Anorelo anivoᴋ Nâlekamit tikiutjilunelo aᴋigearsungnik imarbingmit, tâpkoalo tangmârviub ᴋanitangane katararput, uvloinartausômik makutsiane, uvloinartausômiglo akkiane, tangmârviub avatâne, talertut igloinartut magguktut poᴋtotigijomik nunab ᴋângane.
32Inugiartoᴋsuillo nikovilutik uvloᴋ tâmna nâvlugo, unnuarlo nâvlugo, uvlûblo aipanga nâvlugo, katersoivut aᴋigearsungnik; ikinerpânik katersijoᴋ homerenik 10nik katersivoᴋ; iniorᴋalugillo tangmârviub avatâne piksaᴋamârivait.
33Nerᴋelo kigutingita akornganêtilugo sulle, tamuajaurêrᴋârtinago, Nâlekab ningarninga tâpkoninga angijôlerpoᴋ, Nâlekablo annauvait nusilingnartomut angijôdlartomut.
34Nunalo tâmna atserartauvoᴋ ikligudlartut iluvinginik; tagvane inuit ikligudlartut iluverlaungmatigik.
35Ikligudlartullo iluvinginit inugiartoᴋsuit aularpat Hazarotemut; Hazarotemelo noᴋangavut.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.