Numbers 10
10
1Nalekablo Mosese oᴋarvigivâ, oᴋarlune:
2Tiptulauteliorit maggûngnik silberemit; katjuksimajomit senajaksarivâkik; atoraksarivâkiglo ilagêt katimaᴋojaugianginut, tangmârsimajullo ingergarᴋojaugianginut.
3Tamangnut tiptulausijartoᴋarpat, ilagêktut ilûnatik katimajuksauvut ilingne ilagêktut tupingata upkoangane.
4Aipainanganulle tiptulausijartoᴋarpat, angajoᴋât, Israêlikut tausendeoᴋattarninginik aulatsijut, katimajuksauvut ilingne.
5Tiptulausijarupselo kamasârinermik, tangmârsimajut unane aulartuksauvut.
6Aipanganiglo kamasârinermik tiptulausijarupse, tangmârsimajut âne seᴋerngane aulartuksauvut; aularninginut kamasârinermik tiptulausijartoᴋartuksauvoᴋ.
7Ilagêktulle katimajuksaulerpatta tiptulausijartuksauvose, kamasârinermigle pinase.
8Aroniblo erningit, ajoᴋertuijut, tiptulausijartuksauvut; tamannalo maligaksaujuksauvoᴋ ilipsingnut soraijuitomik kinguvârêngnipsingne.
9Akkeraselo, oᴋumaiksartitise, unatariartorupsigik nunapsingne, kamasârinermik tusartautitsijuksauvose tiptulautinut; erᴋaumajaulârpose tagva Nâlekab Gûdipse sângane, piulijaulârposelo ômigijipsingnit.
10Taimaktauᴋ uvlorme ᴋuviasugvigijapsingne, uvloᴋsiorvipsingnelo, taᴋᴋipselo pigiarningine, tiptulausijartuksauvose tunergutiksase pivlugit, tunergutiksaselo ᴋujaliutiksat tunergusertaujut pivlugit; erᴋaititsijutigijaksarivaselo Gûdipse sângane; Uvangauvunga Gûdise.
11Pijokarporlo jârib aipangata taᴋᴋingita aipangata uvlungita 20ingane, nuvujaᴋ ᴋongmuartitaungmat tupermit kigligiutsineᴋtalingmit.
12Israêlikullo aularput ingergartuksaunitik maliklugit sunaᴋajuitomit Sinaimit; nuvujarlo aᴋᴋarpoᴋ sunaᴋajuitome Pâraneme.
13Nelleᴋârlutiglo aularput Nâlekab perᴋojanga Mosesekut maliklugo.
14Sivorliovlunelo Judakut tangmârvingata saimatinga aularpoᴋ katimgajoᴋotingit ilagilugit; Nâsonelo, Amminadab erninga, angajoᴋauvoᴋ katimgajoᴋotimine.
15Isassarekullo kinguvârêngita katimgajoᴋotingine Netanel, Zuarib erninga, angajoᴋauvoᴋ.
16Kinguvârêt Sebulonikut katimgajoᴋotingine Elia, Helonib erninga, angajoᴋauvoᴋ.
17Tuperlo pêjartauvoᴋ; Gersonib erningit, Merariblo erningit tupermik akkigartut, aularput.
18Rubenekullo tangmârvingata saimatinga aularpoᴋ katimgajoᴋotingit ilagilugit; Elisurelo, Sedeurib erninga, angajoᴋauvoᴋ katimgajoᴋotimine.
19Simeonekullo kinguvârêngita katimgajoᴋotingine Selumiele, Surisadaib erninga, angajoᴋauvoᴋ.
20Gadekullo kinguvârêngita katimgajoᴋotingine Eliasafe, Deuelib erninga, angajoᴋauvoᴋ.
21Kohatekullo aularput, ivsornaitovik akkigarlugo; ipkoalo (Gersonib Merariblo erningita) tupeᴋ napartipât tikiᴋârtinagit.
22Efraimekullo tangmârvingata saimatinga aularpoᴋ katimgajoᴋotingit ilagilugit; Elisamalo, Ammihudib erninga, angajoᴋauvoᴋ katimgajoᴋotimine.
23Manassekullo kinguvârêngita katimgajoᴋotingine Gamaliele, Pedasurib erninga, angajoᴋauvoᴋ.
24Benjamikullo kinguvârêngita katimgajoᴋotingine Abidane, Gideonib erninga, angajoᴋauvoᴋ.
25Danekullo tangmârvingata saimatinga, kingorlerpângojoᴋ tangmârvingnit tamainit, aularpoᴋ katimgajoᴋotingit ilagilugit; Ahieserelo, Ammisadaib erninga, angajoᴋauvoᴋ katimgajoᴋotimine.
26Asserekullo kinguvârêngita katimgajoᴋotingine Pagiele, Okranib erninga, angajoᴋauvoᴋ.
27Naftalikullo kinguvârêngita katimgajoᴋotingine Ahira, Enanib erninga, angajoᴋauvoᴋ.
28Taimailingavut Israêlikut ingergarningit, katimgajoᴋotingit maliklugit, aularpullo.
29Mosesiblo Hobabe, Reguelib Midiamiub, Mosesib sakkiata, erninga oᴋautivâ: Ingergavogut nunamut Nâlekab oᴋautigijanganut: tunijomajara ilipsingnut; ilagilauᴋtigutidluarᴋutiksarsijomavaptigit; Nâlekab Israêlikut ajungitomik angervigingmagit.
30Tâpsomale kiovâ: Ilaujomangilanga; uteromavungale nunaᴋotimnut ilamnullo.
31Oᴋarporlo: Kemangniaratiguttôᴋ; ᴋaujimagavit nane tangmârviksaᴋartuksaumangâpta sunaᴋajuitome, ijitullo ilingalârpotit uvaptingnut.
32Imaitsomârporlo ilagiguptigut, ila, imaitsomârpoᴋ, Nâlekab ajungituliviᴋarninga uvaptingnik maliklugo, taimailiorvigijomârivaptigit.
33Aularpullo Nâlekab ᴋaᴋᴋanganit uvlunik pingasunik ingergavlutik; Nâlekablo iklervingata kigligiutjineᴋtalik sivorlerivât uvlunik pingasunik ingergavlutik, merngoerserviksarsiorlugit.
34Nâlekablo nuvujangata ᴋolangiarpait uvlôtilugo, sivupiartormatta tangmârvingmit.
35Imailingavorlo, iklervik sivupiartormat, Mosese oᴋarpoᴋ: Makilaurit, Nâlegaᴋ, ômigijitillo siamangatitaulit: ômisuktut ilingnik ᴋemâlit sângnit.
36Noᴋarmallo oᴋarpoᴋ: Utilaurit, Nâlegaᴋ, Israêlikut tausendoᴋattarningita ten tausendeoᴋattarninginut.
Currently Selected:
Numbers 10: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Numbers 10
10
1Nalekablo Mosese oᴋarvigivâ, oᴋarlune:
2Tiptulauteliorit maggûngnik silberemit; katjuksimajomit senajaksarivâkik; atoraksarivâkiglo ilagêt katimaᴋojaugianginut, tangmârsimajullo ingergarᴋojaugianginut.
3Tamangnut tiptulausijartoᴋarpat, ilagêktut ilûnatik katimajuksauvut ilingne ilagêktut tupingata upkoangane.
4Aipainanganulle tiptulausijartoᴋarpat, angajoᴋât, Israêlikut tausendeoᴋattarninginik aulatsijut, katimajuksauvut ilingne.
5Tiptulausijarupselo kamasârinermik, tangmârsimajut unane aulartuksauvut.
6Aipanganiglo kamasârinermik tiptulausijarupse, tangmârsimajut âne seᴋerngane aulartuksauvut; aularninginut kamasârinermik tiptulausijartoᴋartuksauvoᴋ.
7Ilagêktulle katimajuksaulerpatta tiptulausijartuksauvose, kamasârinermigle pinase.
8Aroniblo erningit, ajoᴋertuijut, tiptulausijartuksauvut; tamannalo maligaksaujuksauvoᴋ ilipsingnut soraijuitomik kinguvârêngnipsingne.
9Akkeraselo, oᴋumaiksartitise, unatariartorupsigik nunapsingne, kamasârinermik tusartautitsijuksauvose tiptulautinut; erᴋaumajaulârpose tagva Nâlekab Gûdipse sângane, piulijaulârposelo ômigijipsingnit.
10Taimaktauᴋ uvlorme ᴋuviasugvigijapsingne, uvloᴋsiorvipsingnelo, taᴋᴋipselo pigiarningine, tiptulausijartuksauvose tunergutiksase pivlugit, tunergutiksaselo ᴋujaliutiksat tunergusertaujut pivlugit; erᴋaititsijutigijaksarivaselo Gûdipse sângane; Uvangauvunga Gûdise.
11Pijokarporlo jârib aipangata taᴋᴋingita aipangata uvlungita 20ingane, nuvujaᴋ ᴋongmuartitaungmat tupermit kigligiutsineᴋtalingmit.
12Israêlikullo aularput ingergartuksaunitik maliklugit sunaᴋajuitomit Sinaimit; nuvujarlo aᴋᴋarpoᴋ sunaᴋajuitome Pâraneme.
13Nelleᴋârlutiglo aularput Nâlekab perᴋojanga Mosesekut maliklugo.
14Sivorliovlunelo Judakut tangmârvingata saimatinga aularpoᴋ katimgajoᴋotingit ilagilugit; Nâsonelo, Amminadab erninga, angajoᴋauvoᴋ katimgajoᴋotimine.
15Isassarekullo kinguvârêngita katimgajoᴋotingine Netanel, Zuarib erninga, angajoᴋauvoᴋ.
16Kinguvârêt Sebulonikut katimgajoᴋotingine Elia, Helonib erninga, angajoᴋauvoᴋ.
17Tuperlo pêjartauvoᴋ; Gersonib erningit, Merariblo erningit tupermik akkigartut, aularput.
18Rubenekullo tangmârvingata saimatinga aularpoᴋ katimgajoᴋotingit ilagilugit; Elisurelo, Sedeurib erninga, angajoᴋauvoᴋ katimgajoᴋotimine.
19Simeonekullo kinguvârêngita katimgajoᴋotingine Selumiele, Surisadaib erninga, angajoᴋauvoᴋ.
20Gadekullo kinguvârêngita katimgajoᴋotingine Eliasafe, Deuelib erninga, angajoᴋauvoᴋ.
21Kohatekullo aularput, ivsornaitovik akkigarlugo; ipkoalo (Gersonib Merariblo erningita) tupeᴋ napartipât tikiᴋârtinagit.
22Efraimekullo tangmârvingata saimatinga aularpoᴋ katimgajoᴋotingit ilagilugit; Elisamalo, Ammihudib erninga, angajoᴋauvoᴋ katimgajoᴋotimine.
23Manassekullo kinguvârêngita katimgajoᴋotingine Gamaliele, Pedasurib erninga, angajoᴋauvoᴋ.
24Benjamikullo kinguvârêngita katimgajoᴋotingine Abidane, Gideonib erninga, angajoᴋauvoᴋ.
25Danekullo tangmârvingata saimatinga, kingorlerpângojoᴋ tangmârvingnit tamainit, aularpoᴋ katimgajoᴋotingit ilagilugit; Ahieserelo, Ammisadaib erninga, angajoᴋauvoᴋ katimgajoᴋotimine.
26Asserekullo kinguvârêngita katimgajoᴋotingine Pagiele, Okranib erninga, angajoᴋauvoᴋ.
27Naftalikullo kinguvârêngita katimgajoᴋotingine Ahira, Enanib erninga, angajoᴋauvoᴋ.
28Taimailingavut Israêlikut ingergarningit, katimgajoᴋotingit maliklugit, aularpullo.
29Mosesiblo Hobabe, Reguelib Midiamiub, Mosesib sakkiata, erninga oᴋautivâ: Ingergavogut nunamut Nâlekab oᴋautigijanganut: tunijomajara ilipsingnut; ilagilauᴋtigutidluarᴋutiksarsijomavaptigit; Nâlekab Israêlikut ajungitomik angervigingmagit.
30Tâpsomale kiovâ: Ilaujomangilanga; uteromavungale nunaᴋotimnut ilamnullo.
31Oᴋarporlo: Kemangniaratiguttôᴋ; ᴋaujimagavit nane tangmârviksaᴋartuksaumangâpta sunaᴋajuitome, ijitullo ilingalârpotit uvaptingnut.
32Imaitsomârporlo ilagiguptigut, ila, imaitsomârpoᴋ, Nâlekab ajungituliviᴋarninga uvaptingnik maliklugo, taimailiorvigijomârivaptigit.
33Aularpullo Nâlekab ᴋaᴋᴋanganit uvlunik pingasunik ingergavlutik; Nâlekablo iklervingata kigligiutjineᴋtalik sivorlerivât uvlunik pingasunik ingergavlutik, merngoerserviksarsiorlugit.
34Nâlekablo nuvujangata ᴋolangiarpait uvlôtilugo, sivupiartormatta tangmârvingmit.
35Imailingavorlo, iklervik sivupiartormat, Mosese oᴋarpoᴋ: Makilaurit, Nâlegaᴋ, ômigijitillo siamangatitaulit: ômisuktut ilingnik ᴋemâlit sângnit.
36Noᴋarmallo oᴋarpoᴋ: Utilaurit, Nâlegaᴋ, Israêlikut tausendoᴋattarningita ten tausendeoᴋattarninginut.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.