Jona 3
3
1Nalekablo oᴋausingata Jôna tikipâ aipanganik, oᴋarlune:
2Nikovigit, Ninivemullo, iglugasaksoarnut tâpkonunga angijôdlartunut, ailutit, oᴋâlavigikillo oᴋautsinik oᴋautigilauᴋtamnik ilingnut.
3Jôna nikovipoᴋ tagva ailunelo Ninivemut, Nâlekab oᴋausinga maliklugo. Ninivele iglugasaksoangovut angijôvaksôdlartut, uvlune pingasune ingiKaviusot.
4Jônalo iglugasaksoarnut itilerpoᴋ uvlûb atautsib ingiKavigigianga nâvlugo, oᴋâlalerporlo, oᴋarlune: Uvlut 40 ᴋângerpatta Ninive asserortaulârput.
5Ninivemiullo okperput Gudemut, nerritailiviksaᴋarᴋojivullo, attisivullo pôksajavinernik, erᴋanarnerpânginit erᴋananginerpâk tikidlugo.
6Oᴋautaujullo tamakkoa tikiutivut Ninivib ataninganut, tâmnalo nikovipoᴋ iksivautaksoaminit, annoarânelo iperarpâ, uliklunelo pôksajavinernik ingipoᴋ argjane.
7Perᴋojivorlo, aᴋpârtoᴋartitsivorlo Niniveme ilûnâne ataniub erᴋanartullo perᴋojanganik oᴋartomik; Inuillônêt nergjutillônêt, tuktuvaillônêt saukallônêt oᴋomiarniaratik sumiglônêt, nerriniaratik imerniaratiglônêt;
8Pôksajavinernigle uliksimaniarlit inuillo nergjutillo, ilungertorlutiglo ᴋaigarsuglit Gudemut; ilâ, ilûnatik sâgiarlit apᴋotigijamingnit idluitunit, aggangmiglo idluitulinerijanginit.
9Kina ᴋaujijungnarᴋâ Gude sanguniangimangât ᴋaᴋialerlunelo, allailunelo ningarnersoaminik, asserortauᴋonatâ?
10Gudiblo iliorningit takovait, sâgiarmatta apᴋotigijamingnit idluitunit; Gudiblo ᴋaᴋialerutigivâ idluitoᴋ oᴋautigilauᴋtane piniaromavlugo tâpkonunga, piniarnerilungilâlo.
Currently Selected:
Jona 3: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
