Hesekiel 44
44
1Utertipanga tagva katimaviub itertarvingata silardliub, ununga sângajub, apᴋutingagut, parngnanairsimavorle.
2Nâlekablo oᴋautivânga: Itertarvik una parngnanairsimajuksauvoᴋ, upkoêrtaujuksaungilarlo, tamaunalônêt itertoᴋartuksaungilaᴋ, Nâlegaᴋ, Israêlib Gudinga, tamauna itermat; tamanna pivlugo parngnanairsimajuksauvoᴋ.
3Angajoᴋâᴋsoarle, angajoᴋâᴋsoangogame iksivajuksauvoᴋ tagvane nerᴋiksaᴋ nerrilugo Nâlekab sângane; itertuksauvoᴋ itertarviub torᴋsukatângagut, tagvûnatsainarlo anijuksauvoᴋ.
4Tikiutilerivânga ama iglub sânganut itertarviub avunga sângajub apᴋutâgut; takosarpungalo, ahâglo, iglub Nâlekab ânanauninga ilumigivâ; pâmangalerpungalo.
5Nâlekablo oᴋautivânga: Inûb erninga, kamatsiarit, ijîngnullo takotsiarit, siutîngnullo tusatsiarit tamainik oᴋautigijamnik ilingnut Nâlekab iglungane ilusioᴋojaujut perᴋojaujullo tamaita pivlugit; kamatsiarillo iglub itervinginik, ivsornaitoviublo anivinginik tamainik.
6Tapatojullo, Israêlib ᴋitorngangit, oᴋautijaksarivatit: Imâk oᴋarpoᴋ Nâlegaᴋ Nâlegaujoᴋ: Ilipse, Israêlib ᴋitorngangit, maᴋojungnartulinernut tamainut sugalulualilauᴋpose.
7Takorngartat, ômatikut kipimangitut, uvinikullo kipimangitut, itertigapsigik ivsornaitovimnut, igluga ivsornaijungnaitilugo, tunergusertiluse nerᴋiksamnik, orᴋsumiglo aungmiglo; tagva serᴋomitsineᴋ angerutigilauᴋtamnik ilautipase maᴋojungnartulinipsingnut tamainut.
8Pairᴋsitsialungilaselo pimnik ivsornaitunik, ilijivosele simmertiksapsingnik pairᴋsijuksanik pimnik ivsornaitovimne.
9Imâk oᴋarpoᴋ Nâlegaᴋ Nâlegaujoᴋ: Takorngartaᴋ, kipimangitoᴋ ômatikut kipimangitorlo uvinikut, itertuksaungilaᴋ ivsornaitovimnut, takorngartaᴋ, Israêlib ᴋitorngangita akornganêtut neliallônêt.
10Levitille, uvamnik allalauᴋtut, Israêlikut tamarmatta uvamnit, uvamnit tamarlutik gudingoaᴋotitik maligomavlugit, tâpkoa idluinitik nangmaraksarivait.
11Kivgartortuksauvulle ivsornaitovimne, iglub itertarvingit udjertorlugit, kivgartorlutiglo iglome, toᴋotsijuksauvut tunergutiksanik ôtaksanik tunergutiksaniglo inuit pivlugit, nangertuksauvullo inuit sângine kivgartorlugillo.
12Kivgartulaungmatta gudingoangita sângine, oggoviksangordlutik idluitulinitik pivlugit Israêlib ᴋitornganginut, tamanna pivlugo aggakka isakpakka tâpkonunga, oᴋarpoᴋ Nâlegaᴋ Nâlegaujoᴋ, idluinitiglo nangmaraksarivait.
13Najorniktuksaungilallo uvamnut, ajoᴋertuijub piniaraksarijanginik piniaromavlutik, najorniktuksaungilallônêt ivsornaitoᴋotima nelianik, pimnik ivsornainerpaujunik; nangmartuksauvulle naggonarnermingnik maᴋojungnartulinermingniglo piniartamingnik.
14Pairᴋsijuksangortitsomavakkale iglumnik, kivgartortauningine tamaine, tamainelo piniartaujariaᴋartune takamane.
15Ajokertuijulle Levitit, Zâdokib erningit, pairᴋsilauᴋtut ivsornaitovimnik Israêlib ᴋitorngangit tamarmatta uvamnit, tâpkoa najorniktuksauvut uvamnik kivgartorlunga, tâpkoa nangertuksauvut sâmne tunerguserlutik orᴋsumiglo aungmiglo uvamnut, oᴋarpoᴋ Nâlegaᴋ Nâlegaujoᴋ:
16Tâpkoa itertuksauvut ivsornaitovimnut, sâmniglo najorniktuksauvlutik, kivgartorlunga, pairᴋsilutiglo pimnik.
17Imaituksauvorlo: avaluliorsimajub ilulliub itertarvingagut iterunik, annorâlijartuksauvut ilupâksajanik; merᴋolingnik sumiglônêt atisimajuksaungilat kivgartortilugit avaluliorsimajub ilulliub itertarviata iluane iglomelônêt.
18Niaᴋomingne ilupâksajanik nessaᴋsimajuksauvut, ᴋetermingnelo ilupâksajanik ᴋarlilijartuksauvut; kiaksiornartunik atisijuksaungilat.
19Anijarangamiglo avaluliorsimajomut silardlermut, tagva avaluliorsimajomut silardlermut inungnut, annorâtik kivgartûtitik pêjaraksarivait ililugillo igloarsungnut ivsornaitunut, annorângniglo tâpkoa assinginik atisijuksauvut, ivsornaititsiᴋonagit inungnik annorângmingnut.
20Umgijartuksaungilat niaᴋomingnik, nujatiglônêt salijaunatik perortitaksaringilait, niaᴋungille nâmatuinartomik salijaujuksauvut.
21Ajoᴋertuijullo neliat vainetortuksaungilaᴋ iteromalerune avaluliorsimajomut ilullermut.
22Nulianiktuksaungilallo uigarnernik avitaniglônêt; uigasungnigle Israêlib ᴋitorngangita kinguvânginit, uigarnerniglônêt ajoᴋertuijôlauᴋtub uigarninganik.
23Inuᴋotikkalo ajoᴋertoraksarivait hailigiojut hailigiungitullo adsigênginîgingnik, ilitarᴋsitilugillo ivsornaitut ivsornaingitullo adsigênginîgingnik.
24Akkerartûtijoᴋarpallo nangertuksauvut idluarsaivlutiglo, idluarsainikka maliklugit idluarsaraksarivât, uvloᴋsiorᴋojamne tamaine perᴋojakka maligaksauᴋojakkalo piniaraksarivait; sabbateᴋotikkalo opigijaksarivait.
25Itertuksaungilallo toᴋungajomut ivsornartitsiᴋonagit nangminermingnik; kissiane atâtamut anânamullônêt, ernermut paningmullônêt, ᴋatangutimut angutimut ᴋatangutimullônêt arnarmut uiᴋalauᴋsimangitomut sulle, ivsornartitsijungnarput nangminermingnik.
26Ivsornarungnaititauninganillo kititsijuksauvut uvlunik 7nik tâpsomunga.
27Uvlormelo itervigijangane ivsornaitovingmut, avaluliorsimajomut ilordlermut, kivgartoromavlune ivsornaitovingme, tunergusertuksauvoᴋ tunergutiksaminik ajortoêrutiksamik, oᴋarpoᴋ Nâlegaᴋ Nâlegaujoᴋ.
28Kingormgutijaksaᴋartuksauvullo; uvanga kingormgutijaksauvunga tâpkonunga; taimaimat tunitjivigijaksaringilase perᴋutiksaujomik Israêleme; uvanga perᴋutiksauvunga tâpkonunga.
29Nerᴋiksaᴋartuksauvut tunergutinik nerᴋiksanik, tunergutiniglo ajortoêrutiksanik, tunergutiniglo passijaksairutiksanik; ama pigijaksarivait tamaita (Nâlekamut) tunijautitaujut Israêleme.
30Sunatuinaillo pijariorutingita sivorlerpângit, tunijaujullo ilûnatik sunatuinaujut, tunergutise ilûnatik, ajoᴋertuijut pigijaksarivait; senaugapselo pijariorutingit tunijaksarivase ajoᴋertuijunut, saimanartoᴋ iniᴋatsainarᴋovlugo iglupsingne.
31Ajoᴋertuijut nerrijuksaungilat ingminik toᴋojomik, aliktortamiglônêt, tingmiangogaloarpat nergjuteokpallônêt.
Currently Selected:
Hesekiel 44: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Hesekiel 44
44
1Utertipanga tagva katimaviub itertarvingata silardliub, ununga sângajub, apᴋutingagut, parngnanairsimavorle.
2Nâlekablo oᴋautivânga: Itertarvik una parngnanairsimajuksauvoᴋ, upkoêrtaujuksaungilarlo, tamaunalônêt itertoᴋartuksaungilaᴋ, Nâlegaᴋ, Israêlib Gudinga, tamauna itermat; tamanna pivlugo parngnanairsimajuksauvoᴋ.
3Angajoᴋâᴋsoarle, angajoᴋâᴋsoangogame iksivajuksauvoᴋ tagvane nerᴋiksaᴋ nerrilugo Nâlekab sângane; itertuksauvoᴋ itertarviub torᴋsukatângagut, tagvûnatsainarlo anijuksauvoᴋ.
4Tikiutilerivânga ama iglub sânganut itertarviub avunga sângajub apᴋutâgut; takosarpungalo, ahâglo, iglub Nâlekab ânanauninga ilumigivâ; pâmangalerpungalo.
5Nâlekablo oᴋautivânga: Inûb erninga, kamatsiarit, ijîngnullo takotsiarit, siutîngnullo tusatsiarit tamainik oᴋautigijamnik ilingnut Nâlekab iglungane ilusioᴋojaujut perᴋojaujullo tamaita pivlugit; kamatsiarillo iglub itervinginik, ivsornaitoviublo anivinginik tamainik.
6Tapatojullo, Israêlib ᴋitorngangit, oᴋautijaksarivatit: Imâk oᴋarpoᴋ Nâlegaᴋ Nâlegaujoᴋ: Ilipse, Israêlib ᴋitorngangit, maᴋojungnartulinernut tamainut sugalulualilauᴋpose.
7Takorngartat, ômatikut kipimangitut, uvinikullo kipimangitut, itertigapsigik ivsornaitovimnut, igluga ivsornaijungnaitilugo, tunergusertiluse nerᴋiksamnik, orᴋsumiglo aungmiglo; tagva serᴋomitsineᴋ angerutigilauᴋtamnik ilautipase maᴋojungnartulinipsingnut tamainut.
8Pairᴋsitsialungilaselo pimnik ivsornaitunik, ilijivosele simmertiksapsingnik pairᴋsijuksanik pimnik ivsornaitovimne.
9Imâk oᴋarpoᴋ Nâlegaᴋ Nâlegaujoᴋ: Takorngartaᴋ, kipimangitoᴋ ômatikut kipimangitorlo uvinikut, itertuksaungilaᴋ ivsornaitovimnut, takorngartaᴋ, Israêlib ᴋitorngangita akornganêtut neliallônêt.
10Levitille, uvamnik allalauᴋtut, Israêlikut tamarmatta uvamnit, uvamnit tamarlutik gudingoaᴋotitik maligomavlugit, tâpkoa idluinitik nangmaraksarivait.
11Kivgartortuksauvulle ivsornaitovimne, iglub itertarvingit udjertorlugit, kivgartorlutiglo iglome, toᴋotsijuksauvut tunergutiksanik ôtaksanik tunergutiksaniglo inuit pivlugit, nangertuksauvullo inuit sângine kivgartorlugillo.
12Kivgartulaungmatta gudingoangita sângine, oggoviksangordlutik idluitulinitik pivlugit Israêlib ᴋitornganginut, tamanna pivlugo aggakka isakpakka tâpkonunga, oᴋarpoᴋ Nâlegaᴋ Nâlegaujoᴋ, idluinitiglo nangmaraksarivait.
13Najorniktuksaungilallo uvamnut, ajoᴋertuijub piniaraksarijanginik piniaromavlutik, najorniktuksaungilallônêt ivsornaitoᴋotima nelianik, pimnik ivsornainerpaujunik; nangmartuksauvulle naggonarnermingnik maᴋojungnartulinermingniglo piniartamingnik.
14Pairᴋsijuksangortitsomavakkale iglumnik, kivgartortauningine tamaine, tamainelo piniartaujariaᴋartune takamane.
15Ajokertuijulle Levitit, Zâdokib erningit, pairᴋsilauᴋtut ivsornaitovimnik Israêlib ᴋitorngangit tamarmatta uvamnit, tâpkoa najorniktuksauvut uvamnik kivgartorlunga, tâpkoa nangertuksauvut sâmne tunerguserlutik orᴋsumiglo aungmiglo uvamnut, oᴋarpoᴋ Nâlegaᴋ Nâlegaujoᴋ:
16Tâpkoa itertuksauvut ivsornaitovimnut, sâmniglo najorniktuksauvlutik, kivgartorlunga, pairᴋsilutiglo pimnik.
17Imaituksauvorlo: avaluliorsimajub ilulliub itertarvingagut iterunik, annorâlijartuksauvut ilupâksajanik; merᴋolingnik sumiglônêt atisimajuksaungilat kivgartortilugit avaluliorsimajub ilulliub itertarviata iluane iglomelônêt.
18Niaᴋomingne ilupâksajanik nessaᴋsimajuksauvut, ᴋetermingnelo ilupâksajanik ᴋarlilijartuksauvut; kiaksiornartunik atisijuksaungilat.
19Anijarangamiglo avaluliorsimajomut silardlermut, tagva avaluliorsimajomut silardlermut inungnut, annorâtik kivgartûtitik pêjaraksarivait ililugillo igloarsungnut ivsornaitunut, annorângniglo tâpkoa assinginik atisijuksauvut, ivsornaititsiᴋonagit inungnik annorângmingnut.
20Umgijartuksaungilat niaᴋomingnik, nujatiglônêt salijaunatik perortitaksaringilait, niaᴋungille nâmatuinartomik salijaujuksauvut.
21Ajoᴋertuijullo neliat vainetortuksaungilaᴋ iteromalerune avaluliorsimajomut ilullermut.
22Nulianiktuksaungilallo uigarnernik avitaniglônêt; uigasungnigle Israêlib ᴋitorngangita kinguvânginit, uigarnerniglônêt ajoᴋertuijôlauᴋtub uigarninganik.
23Inuᴋotikkalo ajoᴋertoraksarivait hailigiojut hailigiungitullo adsigênginîgingnik, ilitarᴋsitilugillo ivsornaitut ivsornaingitullo adsigênginîgingnik.
24Akkerartûtijoᴋarpallo nangertuksauvut idluarsaivlutiglo, idluarsainikka maliklugit idluarsaraksarivât, uvloᴋsiorᴋojamne tamaine perᴋojakka maligaksauᴋojakkalo piniaraksarivait; sabbateᴋotikkalo opigijaksarivait.
25Itertuksaungilallo toᴋungajomut ivsornartitsiᴋonagit nangminermingnik; kissiane atâtamut anânamullônêt, ernermut paningmullônêt, ᴋatangutimut angutimut ᴋatangutimullônêt arnarmut uiᴋalauᴋsimangitomut sulle, ivsornartitsijungnarput nangminermingnik.
26Ivsornarungnaititauninganillo kititsijuksauvut uvlunik 7nik tâpsomunga.
27Uvlormelo itervigijangane ivsornaitovingmut, avaluliorsimajomut ilordlermut, kivgartoromavlune ivsornaitovingme, tunergusertuksauvoᴋ tunergutiksaminik ajortoêrutiksamik, oᴋarpoᴋ Nâlegaᴋ Nâlegaujoᴋ.
28Kingormgutijaksaᴋartuksauvullo; uvanga kingormgutijaksauvunga tâpkonunga; taimaimat tunitjivigijaksaringilase perᴋutiksaujomik Israêleme; uvanga perᴋutiksauvunga tâpkonunga.
29Nerᴋiksaᴋartuksauvut tunergutinik nerᴋiksanik, tunergutiniglo ajortoêrutiksanik, tunergutiniglo passijaksairutiksanik; ama pigijaksarivait tamaita (Nâlekamut) tunijautitaujut Israêleme.
30Sunatuinaillo pijariorutingita sivorlerpângit, tunijaujullo ilûnatik sunatuinaujut, tunergutise ilûnatik, ajoᴋertuijut pigijaksarivait; senaugapselo pijariorutingit tunijaksarivase ajoᴋertuijunut, saimanartoᴋ iniᴋatsainarᴋovlugo iglupsingne.
31Ajoᴋertuijut nerrijuksaungilat ingminik toᴋojomik, aliktortamiglônêt, tingmiangogaloarpat nergjuteokpallônêt.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.