Daniel 5
5
1Atanik Belsazar angijomik nirrimâraksarmik âᴋiksoilauᴋpoᴋ nâlikaminut tausendinut, vainitoᴋatigilugillo tâpkoa tausendit.
2Vainitorsimavlunilo Belsazar piᴋojivoᴋ ᴋajûtat goldiojut silbiriojullo ᴋaitauᴋovlugit, atâtami Nebukadnezarib aᴋsârnigarijaviningit katimaviksoarmit Jerusalimêtomit; ataniᴋ nâlikanilo nuliangillo panervgangillo imirungnarᴋovlugit tâpkonangat.
3Tagva ᴋaipait ᴋajûtat goldiojut aᴋsârnigarijaulauᴋtut katimaviksoarmit Gudib iglunganit Jerusalimêtomit; atanilo nâligarijangillo nuliangit panervgangillo imiput tâpkonangat.
4Vainitorput, nitorpaillo gudingoat goldimit silbirimillo, ᴋaᴋorlimit, kikiangmillo, ᴋijungmit, ujarᴋanillo sanamajut.
5Stundimilo tâpsomanitsainaᴋ inûb aggangit saᴋᴋijârput, aglalutiglo nanniroaᴋarviub nalâni ataniub igloᴋsoangata ᴋarmangani maggasajami; ataniub aggait aglaᴋtut takovait.
6Tagva ataniub tautua ablatsangorpoᴋ, iᴋarsautingitalo ulapipât; okpatîgiglo ᴋassuvuk, siᴋûgiglo apukalâgutivuk.
7Atanilo nippiᴋortovluni ᴋaigarsukpoᴋ angakuit, Kaldêarillo, uvloriaᴋsiortillo itititauᴋovlugit. Ataniublo Babilonib ilisimajungit oᴋautivait: Inuit naliat aglangnik tâpkoninga atuarsijungnartoᴋ, nalonaijaivigilungalo tukkigijanginik, annorârtaulârpoᴋ aupaloriktunik, ujamiktauvlunilo goldiojunik ᴋongisimigut, nâligauvingmalo pingajuanut ataniolârpoᴋ.
8Ataniublo ilisimajungit ilûnatik itiput tagva, aglaᴋsimajulli atuarungnangilait, atanilônêt nalonaijaivigijungnarnago tukkigijanginik.
9Tagva ataniᴋ Belsazar angijomik ulapitauvoᴋ, tautualo ablatsangorpoᴋ, nâligangillo sivôradlarput.
10Ataniub nâligangitalo oᴋausingit pitjutigivlugit, ataniub anânanga itipoᴋ nirrimârvingmut; arnarlo nipliluni oᴋarpoᴋ: Ataniᴋ, issoᴋangitomut inôgit! Issumavît ulapiniaranitit, tautuillo ablatsauniarani;
11Angutiᴋarpoᴋ ataniovingni gudit ivsornaitut anininganik ilumilingmik; atâtavillo uvlungani ᴋaumarsartauniᴋ, issumatoniᴋ, ilisimanilo, gudit ilisimaningititut, naipitaulauᴋput tâpsomani, ataniublo Nebukadnezarib atâtavit angajoᴋângortilauᴋpâ ilisimajunut, angakonullo, Kaldêarinullo, uvloriaᴋsiortinullo; taimak ataniᴋ atâtait piniarpoᴋ;
12Aniniᴋ opinartoᴋ, ilisimanilo, issumatonilo, nalonaijainilo sinnartômanirit tukkigijanginik, nalonartuniglo nalonaijainiᴋ, ilaᴋudjârnilo ilaᴋêmajunik naipitaungmatta Danielimi tâpsomani, ataniub atsirartangani Beltesasarimik; tagva mâna Danieli ᴋaiᴋojauli, tâpsomalo tukkigijanga nalonairniarpâ.
13Danielilo tagva itititauvoᴋ ataniub sânganut. Ataniublo nipliluni Danieli oᴋautivâ: Tâmnauvêt Danieli, aularutitaumajut Jûdamit ᴋitorngangita, ataniub atâtama tikiutijangita Jûdamit, ilangât?
14Tusaumavagit gudit aniningat ilumigigangni, ᴋaumarsartaunilo, issumatonilo, silatunilo piojoᴋ naipitaungmatta ilingni.
15Mânalo ilisimajut, angakoit, itititaulauᴋput sâmnut, atuarsiᴋovlugit aglangnik makkoninga, nalonaijaivigilungalo tukkigijanganik; sapiput tukkigijanga nalonairlugo.
16Tusaumavagilli nalonaijaisôngogavit nalonadlartunik, ilaᴋêmajullo ilaᴋudjârlugit; mâna tagva aglaksimajut atuarungnarungni, nalonaijaivigivlungalo tukkigijanganik, annorârtitaulârpotit aupaloriktunik, ujamiktaujuksauvlutillo goldiojunik ᴋongisikut, nâligauvingmalo pingajuanut ataniojuksauvlutit.
17Tagva Danieli kiovluni ataniub sângani oᴋarpoᴋ: Tunigutitit pigituinarkit, akkiliutigijomajatillo assimnut tunikit; aglaᴋsimajulli atuaromavakka atanimut, nalonaijaivigivlugolo tukkigijanganik.
18Ataniᴋ, ᴋotsingnipângojub atâtait Nebukadnezar tunitjivigilauᴋpâ ataniovingmik, angijônimiglo, ânanaunimiglo, inornarnimiglo;
19Anginilo tâpsomunga tunijanga pivlugo, inôᴋatigêt, nunaᴋatigêllo, oᴋausiᴋatigêllo ilûnatik sajukput sivôralutiglo tâpsoma sângani; issumaminik toᴋopait, issumaminik inôᴋôvait; issumaminik ᴋagvartipait, issumaminiglo nikanarsârtipait.
20Omatingali angijorortitaungmat, aniningalo mangailingmat piojorivluni piniarmat, atanionimi iksivautanganit pêjartauvoᴋ, ânanauningalo aᴋsârnigarijauvoᴋ.
21Inuillo ᴋitornganginit ajaktortauvoᴋ, ômatingalo nigjutib ômatinganik adsiᴋartitauvoᴋ, iniᴋarporlo siutiᴋortojuni nujuartuni; iviksukatorpoᴋ tuktuvaktitut, timingalo ᴋausititauvoᴋ ᴋilaub mitsuksoanganut; ᴋaujimaᴋârtinago Gudib ᴋotsingnipângojub inuit ataniovingat aulangmago, pijomajaminiglo angajoᴋângortitsingmat tâpsomunga.
22Igvillo, Belsazar, tâpsoma ininga, ômatit nikanarsârtilungilat, tamakkoa tamaita ᴋaujimagaloarangni;
23Angijorortipotilli ᴋilaub Nâliganganut; tâpsomalo iglungata ᴋajûtangit sângnut âtauvut, igvillo nâligarijatillo nuliatillo panervgatillo vainitorposi tâpkonangat, nitordlipotillo gudingoarnik silbirimit, goldimillo, ᴋaᴋorlimit, kikiangmillo, ᴋijungmit, ujarᴋanillo sinamajunik, tautulungitunik, tusângituniglo, ᴋaujimangituniglo; Gudelo, aggangmini anininik apᴋotigijarniglo piᴋartoᴋ, nitulungilat;
24Tamanna pivlugo aggait tâpkoa tilijauvut tâpsoma sânganit, aglaillo tamakkoa aglaᴋtauvut.
25Imaipullo aglait tâpkoa aglaᴋsimajut: Mene, Mene, Tekel, Ufarsin.
26Imaiporlo tukkigijangit: Mene; Gudib atanionît kajusimautigivâ, nâsârpâlo.
27Tekel; kiktitautingni ôktortauvotit, oᴋiluarlutillo naipitauvotit.
28Peres; ataniovît avgortauvoᴋ tunijauvlunilo Mediamiunut Persiamiunullo.
29Tagva Belsazar piᴋojivoᴋ, Danielilo annorârtauvoᴋ aupaloriktunik, ujamiklugolo goldiojunik ᴋongisingani, ᴋaujititsivullo tâmna pivlugo ataniojuksaungmat pingajuanik ataniovingmi.
30Unnuarmi tâpsomani Belsazar, Kaldêarit ataningat, toᴋotauvoᴋ.
31Dariusiblo Medenimiub ataniovik pigilipâ, jâriᴋarluni 62nik.
Currently Selected:
Daniel 5: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
