Apostelit Piniarningit 24
24
Paulusib kiglisiniartauninganik Fêliksemut. Oᴋâlaninganik sângane. Utertitauninganik parngnanairsimavingmut.
1Uvlut tallimat kingorngatigut ajoᴋertuinerojok Ananîase, angajoᴋât oᴋaloriktorlo Tertullusemik atilik ilagilugit atersârpok; tâpkoa atanerusiub sângane saᴋᴋijalerput, Pauluse pivlugo.
2Kaiᴋojaungmalle, Tertulluse pasiklilerpok oᴋarlunelo:
3Nakornerpângojotit Fêlikse! ulapirsauteᴋarapta inôtsiaraptalo atanionerne idluartotuinarnik inuit ukua pitsiarangne, silatujoksôgavit, tamakkoninga tamainik ᴋujagitsainarpaptigit.
4Akunêrtinagle ᴋenuvigivagit, anikitoârsungmik oᴋausiptingnik nâleksâlaurit, saimajoksôgavit.
5Angut una tukisilaukpavut uivêtoksoak, silaksoarme ilûnâne Jûdit tamaita pikablâtilaukpait, Nazaremiut ajoᴋertusikullunginik ajoᴋertuinersat ilangat.
6Katimaviksoarmiktauk ivjornartitsinasualauktok; tâmna tigulaukpavut, erᴋartortauᴋojomavlugolo perᴋojarijaptingnut.
7Angajoᴋâviksûble Lisiasib pitsartunersoarmut aksâriartorpâtigut tâpsominga.
8Pasijingillo ilingnut aiᴋovait; tâpkonangat nangminek, pijomaguvit, kiglisiniarlutit tukisijungnarpotit tamainik, suna pivlugo pasidlarmangâptigo.
9Jûdilletauk oᴋauseᴋarivut, oᴋarlutiglo taimâk ilingangmat.
10Paulusele, atanerusiub ijingmingmago oᴋarᴋovlugo, kiolerpok: Kaujimagapkit, jârinik unuktunik erᴋartuijôgavit inungnut ukkununga, sivôrananga akiorvigijomavakka.
11Nalojungnaititaujungnaravit, uvlut ununersaungimatta 12 nit, taimangat, takpaunga Jerusalemut tikisimagama, tuksiariartorlunga.
12Katimaviksoarmelônêt tâpkoa naipilaungilânga oᴋartilunga inungmut atautsemullônêt, inungniglônêt pikablârtitsitilunga, katimavingne iglugasaksoarnelônêt.
13Kigligiutsijungnangilattauk sâmne mâna pasiklerutimingnik uvamnik.
14Angigutijomangilagille, ajoᴋertûsek imna, ajoᴋertûsekullungmik taijangat, atorlugo, atâtagilauktama Gûdingat imâk nâlekapko, tamaita perᴋojane nalautaijunelo aglaksimajut okperivlugit;
15Gûdelo okperivlugo nerriungneᴋarpunga tâpkoa nangminek nerriugijanganik, pijomârtome makiviksaᴋaromârmat tokungajunut, idluartunullo idluangitunullo.
16Tamattomanele idluartomik isumaᴋarasuarpunga ilûnâne Gûdemullo inungnullo.
17(Mânale), jârit atauseungitut nângmatta, inuᴋatima tujûsianginik tunergutiniglo (Gûdemut) âtsilunga tikigama;
18Tagva taipkoa naipipânga sujungailijautilunga katimaviksoarme, perajaluktoᴋartinago pikablâjoᴋartinagolo.
19Taipkoale Jûdiojut ilangit Asiamit pijut mânêtuksaugalloarivut sângne, kigligiutjilutik, pasitiksaᴋarunik uvamnut.
20Ukualônêt nangminek oᴋarlit, sumik idluangitimok malungnarmangârma, kiglisiniartut sângane nangertilunga;
21Oᴋausek una kissiat pingikunitsuk, oᴋalaurama akorngane nangerdlunga: Toᴋungajut makitsomârningit pivlugit erᴋartortauvunga ilipsingnut uvlome.
22Fêliksib tamanna tusaramiuk, taimaituinarᴋovâ mâna, ajoᴋertûsek ᴋaujimatsiaramiuk, oᴋarporlo: Angajoᴋâviksoak Lisias tamaungarpat, pasiklernise aperᴋutigijomavara.
23Angajoᴋârle oᴋautivâ, Paulusemik udjertorᴋovlugo, ᴋelaksornagole, ilangitalo nalîllônêt inerternagit, pulâromanajarpatsuk, kivgartoromavlugolônêt.
24Uvlulle ilangit nângmatta Fêlikse tikilerpok nuliane Drusilla Jûdiojoᴋ ilagilugo, Pauluselo ᴋaiᴋolerpâ, tusalâllo, oᴋâlatilugo okpernermik Kristusemut.
25Paulusele oᴋâlangmat idluarnermiglo, ikliguktailinermiglo, erᴋartuijoᴋaromârtomiglo, Fêlikse ᴋoaᴋsârpok oᴋarlunelo: Mânna aularit; ulapingikuma ᴋaiᴋojomagivagit.
26Nerriukporletauk Paulusemut kênaujanik tunitjivioniarasugilune, aularᴋoguniuk; tamanna pivlugo ᴋaiᴋoᴋattarpâ, oᴋauseᴋarvigivlugo.
27Jârigle magguk nângmanik, Portiusib Festusib Fêlikse simerpâ. Fêliksible, nertortaujomagame Jûdinut, Pauluse ᴋelaksorimatilugo ᴋemakpâ.
Currently Selected:
Apostelit Piniarningit 24: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
