I Johannesib 5
5
Naglingneᴋ okpinimit pivoᴋ. Okpinirub tungavinganik. Tuksiarnimik.
1Naliat Jêsusib Kristusioninganik okpitoᴋ, Gûdemit erniangovoᴋ. Tâpsomingalo ernitârtomik nagligosuktub, tâpsomangat erniangojoᴋtauᴋ nagligigivâ.
2Mattomangat ᴋaujivogut, Gûdib ᴋitorngangit nagligigaptigik, Gûde nagligiguptigo piᴋojangillo malikuptigik.
3Gûdemik naglingniᴋ tamadja, piᴋojangit malikaptigik; piᴋojangillo ajornangilat.
4Gûdemit erniangojut ilûnatik silaᴋsûb inunginut ajugaungmatta; okpinivullo ajugauniovoᴋ silaᴋsûb inunginut.
5Silaᴋsûbli inunginut kina ajugauvâ, kissimi Gûdib Jêsuse erneringmago okpertoungitôᴋ?
6Tâmna tagva, tikitoᴋ imimiglo aungmiglo pivluni, Jêsuse Kristuse; imimik kissianeungitoᴋ, imimigli aungmiglo (pivoᴋ). Anernerlo tâmnauvoᴋ nalonaijaijoᴋ, Anerneᴋ miksiᴋârniongmat.
7Pingasôngmatta kigligiutsijut (ᴋilangmi: Atâta Oᴋauserlo, Anernerlo ajunginiᴋ; pingasullo tâpkoa atausiovut.
8Pingasuttauᴋ kigligiutsivut nunami): Anerneᴋ imilo, auglo; pingasullo tâpkoa atautsimut pivut.
9Inuit kigligiutsiningit okpiriguptigik, Gûdib kigligiutsininga anginisauvoᴋ; Gûdib kigligiudsininga tamadja Ernerminik kigligiutsilaurami.
10Gûdib Erninganut okpitub kigligiutsiniᴋ tamanna ilumiutarivâ. Naliata Gûde okpiringikuniuk, saglotunirarpâ, kigligiutsiniᴋ okpiringinamiuk, Gûdib kigligiutsininga ernerminik.
11Tamadjalo kigligiutsiniᴋ, inôtsimik nâksaungitomik Gûdib tunitsivigingmatigut; inôsilo tamanna Erninganêpoᴋ.
12Gûdib Erninganik piᴋartoᴋ, inôtsimik piᴋarivoᴋ; Gûdib Erninganik piᴋangitoᴋ, inôtsimik piᴋanginivoᴋ.
13Tamattominga aglagvigilauᴋpapsi okpertosi Gûdib Erningata attinganut, ᴋaujimaᴋovlusi, nâksaungitomik inôsiᴋarapsi, okpiᴋovluselo Gûdib Erningata attinganut.
14Tamadjalo sungitûtiksavut tâpsomunga, sumiglônêt tuksiarangapta idluarijanganik, tussângmatigut.
15Kaujimagaptalo, tussângmatigut, sumiglônêt ᴋinugupta, ᴋaujimavogut, pijomajavut tâpsomangat pingmigaptigo.
16Naliata ᴋatangutini idluitulitilugo takoguniuk, idluitulingipat toᴋonartomik, tâmna tuksiarli; tagva (Jêsuse) tunijiniarpoᴋ inôtsimik taipkonunga, toᴋonangitomik idluitulilauᴋtunut. Idluiniᴋarpoᴋ toᴋonartomik, tamanna pivlugo tuksiartoᴋarᴋovlugo oᴋangilanga.
17Idluitut tamaita ajorniovut, idluituliniᴋarporlo toᴋonangitomik.
18Kaujimavogut, Gûdemit erniangojoᴋ idluitulingimat; Gûdemille erniangojoᴋ ingminik udjitorpoᴋ, ajortublo (Sâtanasib) aktorniangilâ.
19Kaujimavogut, Gûdemit pigapta, silaᴋsûblo inungit ilûnamassiatik ajortomut ilingavut.
20Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.
21Kitorngârsuit, Gûdeungitut alarsigik. Amen.
Currently Selected:
I Johannesib 5: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.