I Korintemiunut 4
4
Gudib kivgangit ajoᴋertuijut, ᴋanok nautsertoraksaungmangâta.
1Inuit ilûnatik imâk issumaᴋarvigilitigut, Kristûsib kivgaringmatigut, pimaklertôgaptalo Gûdib pinginik nalonartunik.
2Tagvale pimaklertit assianik nautsertortaungilat, nalâgôrlutik naipitaujuksauvlutik kissiane.
3Ilipsingnulle assipsingnullônêt, tagva inuit erᴋartuininginut, erᴋartortauguma, tamanna erᴋasûtigingilara; nangminimnik erᴋartunginivunga.
4Uvamnik aulajingikalloarama sumik; tamannale pivlugo idluartitaungikalloarpunga; Nâlegarle, tâmna erᴋartuijôvok uvamnik.
5Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.
6Tamakkoale, ᴋatangutikka, oᴋautigivakka, uvangalo Apolluselo pitjutigilunuk, pivluse; ilinniarᴋovluse uvaptingnit, naliallônêt ajunginersaunasugerᴋonago, mâna aglaksimajomit; illapse ilanganik piojorijoᴋarᴋonago (ajoᴋertuijut) ilangat pivlugo, assia akkerartorlugo.
7Kia ajunginersautipâtît? Sumigle peᴋarᴋêt tunergusiaringitarnîk? Mattomingale tunitsiviogavit, sôk nertôtivêt ilingnik, tunitsiviongitotut-idlutît?
8Kâgungnairêrpose, akluilerêrpose, uvagut atorata ataniotivose; atanioterᴋojominadlasposelo ilipse, uvaguttauk atanioterᴋovluta illagivluse.
9Issumavungale, Gûdib Aposteliojogut inukullônerpângotilaungmatigut, sorlo toᴋotaksatuinait. Mitautigijaksangolerapta silaksoarmiunut, Engelinullo, inungnullo.
10Kristûse pivlugo silaitotun-ipogut, ilipsele silatovose Kristûseme; uvagut sangêpogut, ilipsele pitsartuvose; ilipse ânanaudlarpose, uvagulle nachogijauvogut.
11Mâna tikidlugo kâlaptalo imerukpogut annorâᴋaratalo, annaulertaulaptalo, saksârtutullo-ipogut.
12Katsungailuta sanavogut aggaptingnut (piksaptingnik). Suadlartaujarangapta, saimaivogut; unangmijaujarangapta, ᴋenuersârpogut; mitautigijaujarangapta, manigôtijunik oᴋauseᴋarpogut.
13Sanniktut-ipogut nuname uvlomemut tikiluta, piunginerpâᴋutauvluta inungnut tamainut.
14Tamakkoninga aglangitunga kangusuktitsomavluse; erᴋaitinasuarpapsele ᴋitorngaptut nagligijaptut.
15Ten tausendinik ajoᴋertuijoᴋarajaralloarupse Kristûseme, unuktunik atâtaᴋangilase; oᴋautsinut tussarnertunut ᴋitorngiarilaurapse Kristûse Jêsuseme.
16Taimaimat kaiblarpapse: uvamnik malikteoniaritse!
17Tamannalo pivlugo Timôteuse tililaukpara ilipsingnut tagva ernera naglingnartok nertornartorlo Nâlekame; tâpsoma erᴋaitiniarpâse ajoᴋertûtimnik Kristûse pivlugo, sorlo ilûnâne, illagêktune ilûnaine ajoᴋertuivakama.
18Ilangille piojoridlarput, tikiniarasuginanga ilipsingnut.
19Nâlekable perᴋopanga, tikitsomavapse mânakut, piojorijullo oᴋausingit kiglisiniaromanagit, pitsartuningille.
20Gûdib nâlegauvinga oᴋautsituinarnut pingimat, pitsartunernulle.
21Sumik pijomavisê? Issaᴋautelijarlungalônêt, naglingneᴋarlungalônêt anernekarlungalo ᴋenuêtomik tikituksauvîk ilipsingnût?
Currently Selected:
I Korintemiunut 4: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
