जकरिया 8
8
परमप्रभुमी आ मुर खुप्शो
1मिनु मुर नेल्ल आन परमप्रभु यावेमी आं कली लोव़ पाप्तु। 2मेकोमी मार लोव़ पाप्तु देंशा हना “गो सियोन आ पर्बम शुश रुश पाइनुङ। गो मेको आ पर्बम थाम्पा रुश पा गाइश्शो बाक्नुङ” दे परमप्रभु यावेमी देंत। #जकरिया १:१४ 3परमप्रभु यावेमी “गो सियोनमी जाक्शा, यरूसलेम आ दातेमी बाक्नुङ। मिनु यरूसलेम थमा सुइक्चा पुंइसीब सहर दुम्ब। मिनु मुर नेल्ल आन परमप्रभु यावे आ डांडा आंम आ बाक्तीक डांडा दुम्ब” देंत। #जकरिया १:१६; यसैया १:२१,२६; भजन संग्रह २:६ 4मिनु मुर नेल्ल आन परमप्रभु यावेमी “खूशो खूशोम यरूसलेम ङा लांम नित्नीम। शुश बर्स दुम्तीके कोक्के तिक्शा बाक्नीम। #यसैया ६५:२० 5सहर ङा लांमी ग्यारब मीश आल नु वोंइश आलम ब्रीशो बाक्नीम” देंत। 6मुर नेल्ल आन परमप्रभु यावेमी “मेको लीशो मुरपुकीमी मेको थमा सुइक्ने मचाप्तेक्म हना यो, गो मोदेंशो पने मचाप्नुङा ङा?” देंत। #लूका १:३७ 7मुर नेल्ल आन परमप्रभु यावेमी मार देंत देंशा हना “गो आं मुर आन कली पूर्ब ङा रागी नु पच्छिम ङा रागी रे पा प्रोंइनुङमी। 8मिनु गो मेको आन कली यरूसलेममी बाक्पाइक्चा कली चाक्नुङमी। मेकोपुकी आं मुर दुम्नीम। मिनु गो मेको आन परमप्रभु दुम्नुङ। गो मेको आन कली दाक्चा मप्रोंइथु, ठीक पाइनुङ” देंत। #येरमीया २४:७
9मुर नेल्ल आन परमप्रभु यावेमी मार देंत देंशा हना “गेपुकी शुश गेय पने। ङोंइती गे आं लोव़ पाइबपुकीम लोव़ पशो नेंतीनी। मेकोपुकी मुर नेल्ल आन परमप्रभु यावे आं खिं लेंशा सेल्ची ना ङा जग वोइक्ची ना बाक्तेक्म। #यसैया ३५:३ 10मेको क्येङा ङोंइती मुर आन कली गाल्च मगेमे। बी ब्यफ, क्यारश भेडा आन कली क्येट यो मगेमे। मेको आन जोरी सत्रुमी पतीके आन गेय पथ लने मचाप्शो बाक्तेक्म। मारदे हना गो मुर आन कली साइक्मुपाइक्तामी। 11तन्न मुल रे एको लीशो आन कली ङोंइती ङा खोदेंशो मपाइक्नुङमी” दे मुर नेल्ल आन परमप्रभु यावेमी देंत। 12मेकोमी “मुल थुं नाइक्तीक दुम्शो बाक्ब। अङगुर आ बोटमी रिम्शो फल सिप्ब। रूमी अन्न ख्रेल्ब। सरीङ रे सीत यीब। गो मेको नेल्ल लीशो आं मुर आन कली गेनुङमी। 13यहूदा नु इस्राएल ङा मुरपुकी गे रागी रागी ङा मुर आन दातेमी सराप रशो बाक्तीनी। दोपा गेपुकी सराप रनी, मोपा आसीक ताइब दुम्नीनी। महिनीन, बोल्यो दुमीन” देंत। #उत्पत्ती १२:२
14मिनु मुर नेल्ल आन परमप्रभु यावेमी “गो मोपा इन किकी पिपी आन कली आं कली गाइक्पाइक्तीके श्येत गेतामी। मिनु गो शिशी मपङ। 15गो मुल यरूसलेम नु यहूदा ङा मुर आन कली रिम्शो पाइनुङ। गेपुकी महिनीन। 16गेपुकीमी मार पचा माल्नीनी देंशा हना, गे इन दातेमी थमा लोव़ ला पमुने। इन ठेयब लाप्चोमी जिचा मबोक्चा ङा पा थमा नु ठीक निसाफ पने। #एफिसी ४:२५ 17इन दातेमी थुंम मिम्शा, मरिम्शो मपमुने। जोल पा कसम मजने। मारदे हना मेको नेल्ल गो ग्रांग्रा दीनुङ” दे परमप्रभु यावेमी देंत। #जकरिया ७:१० 18मुर नेल्ल आन परमप्रभु यावेमी आं कली लोव़ पाप्तु। 19मिनु मेकोमी मार देंत देंशा हना “४ महिना ङा माइजा बाक्तीक, ५, ७ नु १० महिना ङा माइजा बाक्तीके, मुल रे यहूदा ङा मुर ग्येरशा सोम्शा पतीक नाक्त दुम्चा माल्नीम। मेको ग्येरशा बाक्तीक चाड दुम्चा माल्नीम। मोपतीके गे थमा लोव़ पचा नु थुं नाइक्चा दाक्तीन” दे मुर नेल्ल आन परमप्रभु यावेमी देंत। #जकरिया ७:३,५
परमप्रभुम श्येत रे प्रोंइब
20मुर नेल्ल आन परमप्रभु यावेमी “शुश सहर ङा मुर तेम्शा जाक्नीम। 21सहर का ङा मुरपुकीम अर्को सहर ङा मुर आन कली ‘परमप्रभु यावे आ शिशी पुंइथ नु मुर नेल्ल आन परमप्रभु यावे कली माल्थ लने। गो आंमा यो लाइक्नीकी’ देंनीम। 22शुश मुर नु बोल्यो रागी ङा मुरपुकी मुर नेल्ल आन परमप्रभु यावे कली माल्थ, यरूसलेम सहरम जाक्नीम। मेकोपुकीमी परमप्रभु यावे आ शिशी पुंइनीम” देंत। 23मुर नेल्ल आन परमप्रभु यावेमी मार देंत देंशा हना “मेको नाक्ती रागी रागी ङा आन आन लोव़ ब्वाक्ब १० जना मुरपुकीमी यहूदी का आ वा ग्याइश्शा ‘गो गे नु लाइनीकी। मारदे हना परमप्रभु यावे गेपुकी नु बाक्ब देंशो नेंशो बाक्नीक’ देंनीम” दे परमप्रभुमी देंत।
Currently Selected:
जकरिया 8: SUSZ
Highlight
Copy
Compare
Share
Want to have your highlights saved across all your devices? Sign up or sign in
© 1992, 2011 Wycliffe Bible Translators Inc.
