जकरिया 3
3
नेल्ल क्येङा ठेयब चढ़ेब यहोसु
1मिनु परमप्रभु यावे आ स्वर्ग ङा गेय पाइबमी नेल्ल क्येङा ठेयब चढ़ेब यहोसु कोंइताक्यी। मेको परमप्रभु यावे आ स्वर्ग ङा गेय पाइब आ ङोंइती राप्शो बाक्त। मिनु सैतान मेको कली दोस गेचा कली आ ग्युरा गे राप्शो बाक्त। #हाग्गै १:१; अय्युब १:९; प्रकाश १२:१० 2मिनु परमप्रभु यावेमी सैतान कली “सैतान, परमप्रभु यावेमी इ कली हुइक्ब। यरूसलेम कली योव़ब परमप्रभु यावेमी इ कली हुइक्ब। मार, एको मुर मी रे पा ग्रुंइशो बुल्सी खोदेंशो ममाइ ङा?” देंत। #यहूदा ९ 3यहोसु ग्रांग्रा दिशो लुम्सीशो वा फेक्शा, स्वर्ग ङा गेय पाइब आ ङोंइती राप्शो बाक्त। 4मिनु मेको स्वर्ग ङा गेय पाइबमी आ ङोंइती बाक्ब आन कली “मेको आ ग्रांग्रा दिशो लुम्सीशो वा प्रुइक्तीन” देंत। मिनु मेकोमी यहोसु कली “गो इ मरिम्शो पशो नेल्ल क्याम्ताक्ङ। गो इ कली रिम्शो वा फेक्नन” देंत। #यसैया ६:७; यसैया ६१:३ 5मिनु गो “मेको आ पियामी रिम्शो गुप्तीक का गुप्तीन” देंती। मिनु मेकोपुकीमी मेको कली रिम्शो गुप्तीके गुप्शा, रिम्शो वा फेक्ताक्म। मिनु परमप्रभु यावे आ स्वर्ग ङा गेय पाइब आ नेक्था राप्शा बाक्त। #प्रस्थान २८:३९
6मिनु नोले परमप्रभु यावे आ स्वर्ग ङा गेय पाइबमी यहोसु कली 7“मुर नेल्ल आन परमप्रभु यावेमी मार देंत देंशा हना ‘गे आं लांमी गाक्ते नु इ कली देंशो लोव़ टिप्तीवी हना, गे आं खिं नु आं लाङगा नेल्ल कोव़ब दुम्नेवे। मिनु एकेर राप्शा बाक्ब आन दातेमी आं ङोंइती जाक्ने चाप्नेवे। 8यहोसु, नेल्ल क्येङा ठेयब चढ़ेब नु इ नेक्था बाक्ब इ खोदेंशो गेय पाइबपुकी नोफा दाइश्शा नेनीन। गो नोले आं गेय पाइब, राशी माइश्शो चाक्नुङ, मेकोपुकी मेको आ पर्बम चिन्ड बाक्नीम। #यसैया ८:१८; जकरिया ६:१२; येरमीया २३:५; येरमीया ३३:१५ 9मारदे हना गो यहोसु आ ङोंइती फुल्लु का वोइक्ता। मेको आ तारी ७ ओटा मिक्च बाक्नीम। मिनु गो फुल्लु तारी मेको आ ब्रेक्स मुशा ब्रेक्नुङ। मिनु गो काबुमीन मेको रागी ङा मुर आन दोस नेल्ल क्याम्नुङ। #प्रस्थान ३९:६-७; जकरिया ४:१०; प्रकाश ५:६ 10मेको नाक्ती गे नेल्लेमी आंम आंमा ब्रेम्मुशा अङगुर नु फोव़शी आ पुंमी ग्येरशा ग्रुम्नीनी’ दे मुर नेल्ल आन परमप्रभु यावेमी देंत” देंत। #१ राजा ५:५; मीका ४:४
Currently Selected:
जकरिया 3: SUSZ
Highlight
Copy
Compare
Share
Want to have your highlights saved across all your devices? Sign up or sign in
© 1992, 2011 Wycliffe Bible Translators Inc.
