ब्यवस्था 5
5
१० ओटा अरेशो लोव़
प्रस्थान २०
1मिनु मोसामी इस्राएली नेल्ल आन कली ब्रेश्शा, मेको आन कली “इस्राएली नेनीन। परमप्रभु यावे आ फुल्लुम मुशा ब्रेक्शो लोव़ नु आ निसाफ पतीक लोव़ नेनीन। मुलाक्ती गो मेको इन कली शेंनुङ। गे मेको लोव़ शेंसीशा, होस पने। 2मिनु परमप्रभु यावे, इं परमप्रभुमी होरेब डांडाम गोपुकी नु कबल का पाप्तु। #प्रस्थान १९:५ 3परमप्रभु यावेमी इं किकी पिपी नु एको कबल मपथु, मुलाक्त एकेर बाक्शो गोपुकी नु पशो बाक्त। #ब्यवस्था २९:१४ 4परमप्रभु यावेमी गो आंइ नेक्था डांडाम बाक्शो, मी आ दाते रे लोव़ पाप्तु। #ब्यवस्था ५:२४ 5मारदे हना गे मी तशा हिंतीनी, डांडा मङोंइसीनी। गो परमप्रभु यावे आ लोव़ इन कली शेंचा, दे परमप्रभु यावे नु इन दातेम, राप्शो बाक्ती” देंत।
6मिनु परमप्रभुमी इन कली “वाइलीम वाइल दुम्शा बाक्शो इजीप्त रे ग्रुंइशा एक चाक्ब, गो परमप्रभु यावे, इन परमप्रभु नङ।
7आं क्येङा लाक्शा सुइ देवी देवता आन कली ठेयब सेल्शा ममानेचा। #ब्यवस्था ११:१६,२८ 8सरीङमी, रागीमी, रागी आ आगामी ब्वाक्कुम बाक्ब मारेइ जन्तु के गेपुकीमी आंम कली मूर्ति मसेल्सीन। #ब्यवस्था २७:१५ 9मेको आन ङोंइती मबपीन। मेको आन कली पूजा मपने। मारदे हना गो परमप्रभु यावे, इन परमप्रभु रुश पाइब परमप्रभु नङ। आ कली मटीब आम आफ बाक्ताक्स हना, मेको आ आल, चच, युइ नु युइ आन युइ सम्म सजाइ ताइनीम। #ब्यवस्था ४:२४ 10मिनु सुम आं कली दाक्बा नु आं शेंशो लोव़ टीबा, मेको आन चच युइ आन हजार हजार पाला सम्म गेना हना यो दाक्नुङमी।
11गे परमप्रभु यावे, इन परमप्रभु आ नें मो मथिने। मारदे हना सुमी परमप्रभु यावे आ नें मोशा थिप्ब, मेकोम पाप पाइब” देंत।
12परमप्रभु यावे, इन परमप्रभुमी अरेशो खोदेंशो पा नाइक्तीक नाक्ती परमप्रभु आ नाक्ती बाक्ब, दे नाइक्सीन। 13६ नाक्त गे इन गेय पने। 14मिनु मेको आ नोले ङा ७ नाक्ती चहिं परमप्रभु यावे, इन परमप्रभु आ नाइक्तीक नाक्त बाक्ब। मेको नाक्ती मारेइ गेय मपने। गे इन तमी तौ, वाइलीम वाइल, ब्यफ, गधा, क्यारश भेडा नेल्ल नु इन सहरम बाक्शो अर्को रागी ङा मुर नेल्ल आन कली इन खोदेंशो पा गेय मपपतीन। 15मिनु गेपुकी इजीप्तमी वाइल दुम्तीके मप्रेंदीन। परमप्रभु यावे, इन परमप्रभुमी शुश सक्ति पाइश्शो नु आ ठेयब बोल पतीकेमी इन कली ग्रुंइशा, एक चाक्तु। मोपतीके परमप्रभु यावे, इन परमप्रभुमी इन कली नाइक्तीक नाक्ती नाइक्चा माल्ब, दे अरेशो बाक्ब। #ब्यवस्था १५:१५; ब्यवस्था १६:१२; ब्यवस्था २४:१६,२२
16परमप्रभु यावे, इन परमप्रभुमी अरेशो खोदेंशो पा इन आंम आफ कली मान पने। मो पाइतीनी हना, परमप्रभु यावे, इन परमप्रभुमी इन कली गेशो रागीम रोइ मपथु, शुश नाक्त ब्रोंइशा बाक्नीनी।
17मुर मसाइक्चा।
18आंम मीश क्येङा अरु नु मइप्चा।
19खुइ मपचा।
20आंम नेक्था ङा मुर आन पर्बम जोल पा सांकछी मबाक्चा।
21आंम नेक्था ङा मुर आ खिं, आ मीश, आ रू, आ वाइलीम वाइल, आ बी ब्यफ, गधा मेको के मार बाक्त हना यो, मेको तशा मवाल्चा। #मीका २:२
परमप्रभु आ लोव़ मिम्पाइश्शो
22परमप्रभु यावेमी डांडाम नेल्ल इन कली एको लोव़ नेंपाइक्तु। मेकोमी मी, गोस्स नु हिंचा ङा छिङछिङ खोदेंशो पा आ दाते रे ठेयब सेंदामी इन कली लोव़ पाप्तु। मिनु मेकोमी मारेइ मतेम्द। मिनु नोले मेकोमी मेको अरेशो लोव़ फुल्लु निक्शीम ब्रेक्शा, गेती। #प्रस्थान ३१:१८
23मिनु गेपुकीमी डांडाम मी ब्रशो तशा, छिङछिङ रे सेंदा नेंनीनु, गे इन थर थर ङा ठेयब मुरपुकी नु खाल्पापुकी आं नेक्था जाक्तेक्म। 24मिनु गेपुकीमी “परमप्रभु यावे, इं परमप्रभुमी इं कली आ ठेयब पतीके नु आ छेङछेङ कोंइताक्व। मिनु गोपुकीमी मेको आ सेंदा मी आ दाते रे नेंतक। मुलाक्त मार ताइतक देंशा हना, परमप्रभुमी मुर नु लोव़ पाइब। मो हना यो मुर मबेक्म, दे ताइतक। #ब्यवस्था ४:१२-१३,३३ 25मुल गोपुकी एको ठेयब मीमी मारदे बेक्चा? गोपुकी मुल यो परमप्रभु यावे, इं परमप्रभु आ सेंदा नेंना नेंन बाक्तय हना, बेक्नय। 26मिनु सु मुरुम इं खोदेंशो पा ब्रोंइशा बाक्ब परमप्रभु आ सेंदा मी आ दाते रे पा नेंशा यो ब्रोंइशो बाक्बा? 27गे आ नेक्था लने। मिनु परमप्रभु यावे, इं परमप्रभु आ देंशो लोव़ नेंशा, आंइ कली नेल्ल शेंदीन। मिनु मेको नेंशा पाइनीकी” देंतीनी।
28मिनु परमप्रभु यावेमी इन पशो लोव़ नेंतु। मिनु आं कली “मुरपुकीम इ कली देंशो लोव़ नेंता। आन देंशो नेल्ल रिम्शो बाक्ब। 29आं कली मान पा हिंतेक्म हना, आं शेंशो गेना हना यो टिम्तेक्म हना, मेको नु आन आल आन कली गेना हना यो रिम्शो दुम्ब। #ब्यवस्था २९:३ 30मेकेर लावो। मिनु मेको आन कली ‘इन ताम्बुम लेत्तीन’ दे माइक्मी। 31तन्न गे आं नेक्था बाक्को। मिनु गेमी आं शेंशो नेल्ल, आं फुल्लुम मुशा ब्रेक्शो लोव़ नु आं निसाफ पतीक लोव़ इ कली देंनन। मिनु मेकोपुकीमी मेको आन कली गेशो रागीम मेको पचा माल्नीम” दे परमप्रभुम देंत।
32मोपतीके इन परमप्रभु यावेमी इन कली शेंशो होस पा टिने। गेपुकी ग्युरा पेरा गे मलथु, आ लां खोतीन। #ब्यवस्था ४:२; ब्यवस्था २८:१४; यहोसु १:७; हितोपदेस ४:२७ 33परमप्रभु यावे, इन परमप्रभुमी इन कली कोंइशो लां ठीक पा गाक्कीन। मो पाइतीनी हना, गे ब्रोंइनीनी, इन कली रिम्शो दुम्ब नु इन के सेल्चा चिक्शो रागीम शुश नाक्ती ब्रोंइनीनी।
Currently Selected:
ब्यवस्था 5: SUSZ
Highlight
Copy
Compare
Share
Want to have your highlights saved across all your devices? Sign up or sign in
© 1992, 2011 Wycliffe Bible Translators Inc.
