ब्यवस्था 12
12
परमप्रभु यावे आ बाक्तीके
1मिनु मोसामी “मेको परमप्रभु यावे आ फुल्लुम मुशा ब्रेक्शो लोव़ नु आ ठीक पतीक लोव़ बाक्नीम। गे मेको नेल्ल परमप्रभु यावे, इन किकी पिपी आन परमप्रभुमी इन के सेल्चा कली गेशो रागीम मबेक्नी सम्म टिचा माल्नीनी।
2मिनु गे तेको रागी ङा मुर आन कली खेरनीनी, मेको आन देवी देवता आन थान नेल्ल प्रेत्चा माल्नीनी। मेको लाइश्शो डांडाम, पहाडीम नु नेल्ल रवा आन पुंम बाक्शो बाक्नीम। #प्रस्थान ३४:१३ 3गे मेको आन चढ़ेतीक प्रेत्चा माल्नीनी। मेको आन लाइश्शो मूर्तिपुकी जिक्चा माल्नीनी नु मेको आन मूर्ति मीम हुम्चा माल्नीनी। मिनु मेको शी के सेल्शो मूर्तिपुकी खोल्शा बिग्रेचा माल्नीनी। मिनु आन नें क्याम्चा माल्नीनी। 4मिनु गेपुकीमी मेको आन देवी देवता आन कली ठेयब सेल्शो खोदेंशो पा परमप्रभु यावे, इन परमप्रभु कली ठेयब मसेलीन। 5परमप्रभु यावे, इन परमप्रभुमी इन थर थर आन बाक्तीक रागीमी ते बाक्चा दाक्बा, मेको माल्शा मेकेर लचा माल्नीनी। 6मिनु इन चोशा चढ़ेशो, क्योरशा चढ़ेशो, इन १० भाग ङा भाग का, इन गेचा ङा चढ़ेशो, इन देंशो चढ़ेशो नु इन आंम दाक्शो चढ़ेशो, इन बी ब्यफ आन ङोंइती जरमेशो नु इन क्यारश भेडा आन ङोंइती जरमेशो मेकेर लाइक्चा माल्नीनी। 7मिनु गे नु इन खिं ङा मुर नेल्लेमी परमप्रभु यावे, इन परमप्रभुमी इन कली आसीक गेशो गेय मिम्चा, दे मेकेर परमप्रभु यावे, इन परमप्रभु आ ङोंइती जशा तूशा, ग्येरसीचा माल्नीनी।
8गोपुकीम मुल सम्म ‘आंम पशो ठीक बाक्ब’ दे पशो खोदेंशो पा मुल मपने। 9मारदे हना गेपुकी मुल सम्म परमप्रभु यावे, इन परमप्रभुमी गेशो नाइक्तीके नु रागी मजाक्दीश्शो बाक्नीनी। 10तन्न यर्दन शोक्शा, परमप्रभु यावे, इन परमप्रभुमी इन कली गेशो रागीमी बाक्नीनी, मिनु इन एर ओंथ बाक्शो इन जोरी सत्रु रे ब्रोंइशा, श्येत मजथु बाक्नीनी। #यहोसु १:१३; यहोसु २१:४४; १ राजा ५:५; भजन संग्रह ९५:११; होसे २:२०; हिब्रू ४:११ 11मेना परमप्रभु यावे, इन परमप्रभुम आ बाक्तीके का योव़ब। गो इन कली अरेशो इन चोशा चढ़ेशो, इन क्योरशा चढ़ेशो, इन १० भाग ङा भाग का, इन गेचा ङा चढ़ेशो नु इन मार मार परमप्रभु यावे कली देंशो चढ़ेशो मेकेर चाक्चा माल्नीनी। 12मिनु गेपुकी, इन तमी तौ, वाइलीम वाइल, इन सहरम बाक्शो आंम कली शोंप मतशो लेवी नेल्ल परमप्रभु यावे, इन परमप्रभु आ ङोंइती ग्येरसीचा माल्नीनी। #ब्यवस्था १०:९
13इन चोशा चढ़ेतीक ते ते थिन्नी मेक मेक मचढ़ेन, गे होस पा बाक्कीन। 14तन्न परमप्रभु यावेमी इन थर थर आन दातेमी योव़शो आ बाक्तीकेम ला चढ़ेने चाप्नीनी। मेकेर ला इन चोशा चढ़ेतीके चाक्चा माल्नीनी। गो आं अरेशो गेय नेल्ल मेकेर पचा माल्नीनी।
15तन्न गेपुकी श्ये ब्वचा दाक्तीनी हना, परमप्रभु यावे, इन परमप्रभुमी इन कली आसीक गेशो खोदेंशो पा इन सहर सहरमी क्योरशा, ब्वने चाप्नीनी। ग्रांग्रा दिशो नु ग्रांग्रा मदिशो मुर नेल्लेमी ब्वने चाप्नीम। गेपुकीम किश्श नु रोकोश खोदेंशो पा ब्वने चाप्नीनी। #ब्यवस्था १२:२२; ब्यवस्था १४:५ 16तन्न हुश चहिं मब्वने। मेको ब्वाक्कु खोदेंशो पा खपीम ताइक्तीन। #लेवी ३:१७; लेवी १७:११ 17इन अन्न, दाखमद्य नु तेल आन १० भाग ङा भाग का चढ़ेशो, बी ब्यफ नु क्यारश भेडा आन ङोंइती जरमेशो, इन देंशो चढ़ेशो, इन आंम दाक्शा गेशो नु इन गेचा माल्शो चढ़ेशो चहिं आंम सहरम मजने मब्वने। 18तन्न परमप्रभु यावे, इन परमप्रभु आ ङोंइती, आ योव़शो बाक्तीकेमी मेको गेपुकी नु इन तमी तौ, वाइलीम वाइल नु इन सहरम बाक्शो लेवीपुकी नु जने ब्वने। गेपुकी इन पशो नेल्लेमी परमप्रभु यावे, इन परमप्रभु आ ङोंइती ग्येरसीने। #ब्यवस्था १४:२३ 19इन रागीम गेना सम्म बाक्नीनी, मेना सम्म लेवी आ थर ङा मुर आन कली रिम्शो कोव़ङीन। #ब्यवस्था १२:१२; ब्यवस्था १४:२७
20मिनु परमप्रभु यावे, इन परमप्रभुम आ कबल पशो खोदेंशो पा इन रागी बारपाइक्ब। गेपुकी श्ये ब्वचा दाक्तीनी हना, रूचा ङा पा ब्वने। 21परमप्रभु यावे, इन परमप्रभु आ योव़शो बाक्तीके इन क्येङा ङोन बाक्त हना, परमप्रभु यावेमी इन कली गेशो बी ब्यफ नु क्यारश भेडा आ अरेशो खोदेंशो पा इन सहरम क्योरशा ब्वने चाप्नीनी। 22मिनु किश्श नु रोकोश ब्वशो खोदेंशो पा परमप्रभु आ ङोंइती ग्रांग्रा दिशो नु ग्रांग्रा मदिशो नेल्लेमी ब्वने चाप्नीम। #ब्यवस्था १२:१५ 23होस पा हुश गेनायो ब्वचा मदुम्ब। मारदे हना हुशेमी ब्रोंइतीक सोक्त बाक्ब। श्ये नु ब्रोंइतीक सोक्त ब्वचा मदुम्ब। #ब्यवस्था १२:१६ 24मेको ब्वचा मदुम्ब। मेको कली ब्वाक्कु खोदेंशो पा खपीम ताइक्चा माल्नीनी। 25गेपुकीम मेको मब्वचा। मिनु गे परमप्रभु यावे आ ङोंइती मार ठीक बाक्मे, मेको पतीके, गेपुकी नु इन नोले ङा इन आल आन कली रिम्शो दुम्ल। 26तन्न गेपुकी इन परमप्रभु कली गेशो थोव़कपुकी नु इन गेचा माल्शो, इन दाक्शा गेशो कुरशा परमप्रभु यावे आ योव़शो बाक्तीकेम लचा माल्नीनी। 27मिनु इन चोशा चढ़ेशो श्ये नु मेको आ हुश परमप्रभु यावे, इन परमप्रभु कली चढ़ेतीकेम चढ़ेचा माल्नीनी। इन क्योरशा चढ़ेशो आ हुश परमप्रभु यावे, इन परमप्रभु कली चढ़ेतीके आ पुंम जारचा माल्नीनी। मेको आ श्ये गे ब्वने चाप्नीनी। #ब्यवस्था १२:६ 28गेपुकीमी होस पा आं अरेशो लोव़ नेल्ल नेनीन। मिनु टिशा पाइतीनी हना, इन कली नु इन नोले ङा इन तमी तौ आन कली गेना हना यो रिम्शो दुम्ब। परमप्रभु यावे, इन परमप्रभु आ ङोंइती रिम्शो नु ठीक पाइबपुकी रिम्शो दुम्नीम।
29परमप्रभु यावे, इन परमप्रभुमी मेको रागी रागी ङा मुर आन कली इन ङोंइती क्याम्ब। गे मेको आन कली खेरचा कली जाक्नीनी। मिनु थमा पा खेरशा, मेको आन बाक्तीकेम बाक्नीनी। 30इन ङोंइती क्याम्शो मुर आन देवी देवता आन पर्बम मेको रागी रागी ङा मुरपुकीमी आन देवी देवता कली दोपा ठेयब सेल्मे? गो यो मोदेंशो पाइनीकी, दे हिल्लो पा लोव़ मपने। होस पा बाक्कीन। गे यो मेको आन खोदेंशो पा हेंथे गाक्तीनी हना, मेको आन खोदेंशो पा साइक्चा पुंइसीनीनी। #प्रस्थान २३:२४; इजीकीएल २०:३२ 31गेपुकीमी परमप्रभु यावे, इन परमप्रभु कली मोदेंशो मपने। मारदे हना मार मार परमप्रभु यावे आ ङोंइती ग्रांग्रा दित्चा ङा बाक्मे, मेकोपुकीमी आन देवी देवता आन कली नेल्ल पाम्तेक्म। मेकोपुकीमी आंम तमी तौ आन कली मेको आन देवी देवता आन पर्बम मीम चोशा चढ़ेम्तेक्म। 32गो इन कली दोशो अरेङा, मेको नेल्ल होस पा पने। गेपुकीमी मारेइ मतेम्दीन, मारेइ मशोलीने” देंत।
Currently Selected:
ब्यवस्था 12: SUSZ
Highlight
Copy
Compare
Share
Want to have your highlights saved across all your devices? Sign up or sign in
© 1992, 2011 Wycliffe Bible Translators Inc.
