२ थिस्सलोनिकी 3
3
पावलमी प्रार्थना पुंइशो
1मिनु आंइ लोक्बपुकी, आंइ कली मिम्शा, प्रार्थना पने। आंइ पर्बम परमप्रभु यावे कली मार पुंइचा देंशा हना, इन दातेमी खोदेंशो पा, प्रभु आ लोव़ तेइ तेइ साव सुव ब्रशा लल। #एफिसी ६:१८-१९; कलस्सी ४:३; १ थिस्सलोनिकी ५:२५ 2गोपुकी दूली पाइब नु मरिम्शो मुर रे ब्रोंइचा तकल, दे प्रार्थना पने। मारदे हना मेकोपुकी थमा मसुइक्ब बाक्नीमी। 3प्रभुमी चहिं इन कली दाक्शा मप्रोंइब। इन थुं बारपाइक्ब। मरिम्शो रे ङोन वोइश्शा, इन कली कोव़ब। #१ थिस्सलोनिकी ५:२४; यूहन्ना १५:१७ 4गोपुकीमी इन कली मार देंका, मेको पना पन बाक्शा, नोले यो पाइनीनी। प्रभुमी इन कली वारच पाइब, दे तुइक्नीकी। #२ कोरिन्थी ७:१६; गलाती ५:१० 5प्रभुमी इन कली परमप्रभु यावे आ दाक्तीके नु ख्रीस्त आ फाल्तीक रुप्पदल।
गेय मपथु मबाक्चा
6आंइ लोक्बपुकी, गोपुकीमी इं प्रभु येसु ख्रीस्त आ नेंमी इन कली मार देंनीकी देंशा हना, गेपुकी नु बाक्शो लोक्ब सु सुम गेय पचा मदाक्थु बाक्मा, मोदेंशो पा आंइ शेंशो मटीमे, मेको नु काइ मबाक्कीन। #२ थिस्सलोनिकी २:१५; मत्ती १८:१७; रोमी १६:१७ 7गेपुकी दोपा आंइ खोदेंशो दुम्चा माल्नीनी, मेको आंमा तुइक्नीनी। इन दातेमी बाक्कानु, शुश गेय पाइतक। #१ थिस्सलोनिकी १:६ 8सुइ आन के मोश मजक। गोपुकीमी नाक्दो नाक्त मदेंथु, सुइ कली श्येत मगेचा, दे गेय पना पन बाक्तक। #१ थिस्सलोनिकी २:९ 9मोश जचा अधिकार बाक्त हना यो, दोपा रिम्शो पचा इन कली कोंइचा, दे मोदेंशो पाइतक। #मत्ती १०:१०; प्रेरित २०:३५; फिलिप्पी ३:१७ 10गोपुकीमी “सुमी गेय मपाइबा, मेकोमी जचा मतवल” दे ङोंइती रे गेपुकी नु बाक्शा देंतक। 11इन दातेमी का निक्शीमी काइ गेय मपथु, हिरशा गाक्शा मो बाक्नीम, देंशो नेंतक। 12गोपुकीमी मोदेंशो मुर आन कली प्रभु येसु ख्रीस्त आ नेंमी “रिम्शो गेय पने। आंम आंम जचा थोव़क जशा बाक्कीन” दे अरेनीकी। #१ थिस्सलोनिकी ४:११ 13आंइ लोक्बपुकी, रिम्शो गेय पचा कली गेनायो मदने। #गलाती ६:९
14मिनु सु सुमी आंइ ब्रेक्शो लोव़ मटीमे, मेको आन कली तुइश्शा वोतीन। मिनु मेकोपुकी नु मबाक्कीन। मोदेंशो पशो तशा, मेको मुरपुकी मुने दोक्नीम। 15मोदेंशो पशा यो, मेको मुर कली जोरी सत्रु खोदेंशो पा ममिम्तीन। थमा सुइक्ब लोक्ब कली खोदेंशो अर्ती गेने। #१ थिस्सलोनिकी ५:१४
नोले ङा लोव़
16थुं नाइक्चा गेब प्रभुमी दोदेंशो बाक्तीनी हना यो, इन कली गेना हना यो थुं नाइक्चा गेवल। प्रभु गेपुकी नेल्ल नु बाक्ल। #यूहन्ना १४:२७ 17गो पावलमी एको चिठी आंमान ब्रेक्ताक्ङ। तेको चिठी ब्रेक्ताक्ङ हना यो, ओदेंब ब्रेक्नुङ, दे तुइक्नीनी। #१ कोरिन्थी १६:२१; गलाती ६:११; कलस्सी ४:१८ 18इं प्रभु येसु ख्रीस्त आ शिशी गेपुकी नेल्ल नु लील।
Currently Selected:
२ थिस्सलोनिकी 3: SUSZ
Highlight
Copy
Compare
Share
Want to have your highlights saved across all your devices? Sign up or sign in
© 1992, 2011 Wycliffe Bible Translators Inc.
