२ कोरिन्थी 6
6
पावल आ पशो गेय
1गो परमप्रभु यावे नु गेय पतीके इन कली “परमप्रभु यावे आ शिशी तशा, मप्रेंदीन” देंनीकी। #२ कोरिन्थी १:२४ 2मारदे हना मेकोमी “शिशी पची ना इ पुंइशो नेंता। गो पाप रे प्रोंइतीक नाक्तीमी इ कली वारच पाता” दे ब्रेक्शो बाक्ब। नेनीने, मुल शिशी पची ना बाक्ब। नेनीन मुल पाप रे प्रोंइतीक नाक्त बाक्ब। #यसैया ४९:८; लूका ४:१९,२१ 3प्रभुमी पपाइश्शो गेयम मारेइ दूली मपाइनीकी। सुइ आन थुं मक्याल्नीकी। 4तन्न परमप्रभु यावे आ गेय पाइब दुम्शा, आंइ गेय नेल्ल रिम्शो पाइनीकी। गो शुश फाल्नीकी, खेदा पतीकेमी, श्येत जतीकेमी, हिंतीकेमी, 5तुप्चा पुंइसीनीकी, चोक्चा पुंइसीनीकी, आं पर्बम हुल बोक्चा पुंइसीनीकी। बेक्चा ङा गेय पा दशा, इप्चा मतथु बाक्नीकी। माइजा बाक्नीकी, #२ कोरिन्थी ११:२३-२७; १ कोरिन्थी ४:११-१३ 6रिम्शो थुं कोंइनीकी, जोक्शो तुइश्शो गेय कोंइनीकी, मचबु देंब मदुम्नीकी, शिशी कोंइनीकी, परमप्रभु यावे आ सोक्तीम देंशो टीनीकी, मुर आन कली दाक्नीकी। #१ तिमोथी ४:१२; २ कोरिन्थी ४:२; १ कोरिन्थी २:४; एफिसी ६:१४-१७ 7थमा लोव़ पाइनीकी, परमप्रभु यावे आ सक्तिमी गेय कोंइनीकी, ग्युरा नु पेरा निम्फा रे ठीक पतीके पाइश्शो बाक्नीकी। 8आंइ नें चुइक्ताक्म हना यो, क्याम्ताक्म हना यो, आंइ कली मान पाम्तेक्म हना यो, ग्रांग्रा दिम्तेक्म हना यो, मेको आन पशो मारेइ मसुइक्नीकी। मुरपुकीमी आंइ पर्बम “जोल पा शेंशा, मुर आन थुं क्याल्शा हेंथे शेंनीम” देंतेक्म हना यो, गो थमा लोव़ शेंनीकी। 9आंइ कली मतुइक्नीमी, तन्न तुइश्शो बाक्नीमी। बेक्चा चिक्शो, तन्न मबेक्शो बाक्नीकी। सजाइ तशो, तन्न साइक्चा मपुंसीशो बाक्नीकी। #२ कोरिन्थी ४:१०-११; भजन संग्रह ११८:८; प्रेरित १४:१९ 10सुर्ता पशो, तन्न गेना हना यो ग्येरसीशो बाक्नीकी। प्रुङग दुम्शो, तन्न शुश आन कली शोंप सेल्नीकी। मारेइ मथीब दुम्शो, तन्न मारेइ मारेइमी गाप्शो बाक्नीकी। #फिलिप्पी ४:१२-१३
प्रभु आ मुर दुम्शो कोंइदीने
11गो कोरिन्थी इन कली शेंचा, शुश दाक्नीकी। 12गोपुकीमी इन कली दाक्चा मतेक्नीकी। तन्न इन आंम थुंम आंइ कली दाक्चा तेक्ब। 13मेको आ पा ङा, गो आल आन कली लोव़ पशो खोदेंशो पा, इन कली लोव़ पाइनुङ। इन थुं आंइ गे हिरदीन। #१ कोरिन्थी ४:१४
14नेनीन, थमा मसुइक्ब आन कली इन थुं मगेने। मारदे हना ठीक पतीके नु परमप्रभु यावे कली मटितीके दोपा गारनीस? छेङछेङ नु छिङछिङ दोपा गारनीसी? #एफिसी ५:११ 15ख्रीस्त नु सैतान बेलीआर दोपा उइक्थ उइक्थ दुम्ने मचाप्नीसी। थमा सुइक्ब नु मसुइक्ब मारम गारनीसी ङा? 16परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्ब परमप्रभु यावे आ खिं बाक्नीकी। मिनु परमप्रभु यावेमी “आं मुर आगाम बाक्नुङ। मेको आन दातेम गाक्नुङ। मेको आन परमप्रभु यावे दुम्नुङ। मिनु मेकोपुकी आं मुर दुम्नीम” देंशो बाक्त। #लेवी २६:११-१२; इजीकीएल ३७:२७; १ कोरिन्थी ३:१६ 17मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। #प्रकाश १८:४ 18मिनु गो इन आफ दुम्नुङ। मिनु गेपुकी आं तमी तौ दुम्नीनी” दे नेल्ल सक्ति पाइश्शो परमप्रभु यावेमी देंत, दे ब्रेक्शो बाक्ब। #यसैया ५२:११; इजीकीएल २०:४१; २ सामुएल ७:१४; यसैया ४३:६; होसे २:१
Currently Selected:
२ कोरिन्थी 6: SUSZ
Highlight
Copy
Compare
Share
Want to have your highlights saved across all your devices? Sign up or sign in
© 1992, 2011 Wycliffe Bible Translators Inc.
