१ थिस्सलोनिकी 2
2
पावल आ गेय
1आंइ लोक्बपुकी, इन कली ग्रुम्चा मोशा मदुम्शो बाक्त, दे तुइक्नीनी। 2गोपुकी ङोंइती फिलिप्पी सहरमी श्येत जशा, मुरपुकीमी आंइ कली शुक्शी पाम्तेक्म, दे तुइक्नीनी। शुश शुक्शी पाम्तेक्म हना यो, परमप्रभु यावेमी आंइ कली वारच पाइब, दे थमा सुइश्शा, परमप्रभु यावे आ ग्येरपाइक्ब लोव़ इन कली शेंताक्क। #प्रेरित १६:२०-२४; प्रेरित १७:१-५ 3गोपुकीमी इन कली मुरुम पशो जोल रे मशेंदक। ठेयब दुम्कल, दे ममिम्तक। #२ कोरिन्थी ४:२; २ कोरिन्थी ११:७; यूहन्ना ५:४४ 4परमप्रभु यावेमी आंइ कली ग्येरपाइक्ब लोव़ शेंचा, दे शेंब सेल्तीकी। मोपतीके गोपुकी मुर आन दाक्शो लोव़ मशेंथु, परमप्रभु यावे आ दाक्शो लोव़ शेंशा गाक्तक। मेकोमी आंइ थुं कली नाक्शा कोव़ब। #गलाती १:१० 5गो इन कली मिलो शिलो मपक, दे तुइक्नीनी। इन क्येट ताइनीकी कों, दे मिम्शा मशेंदक, मेको परमप्रभु यावेमी तुइक्ब। #मत्ती १२:४०; प्रेरित २०:३३ 6गे नु अरु मुरपुकीमी आंइ कली ठेयब सेलीन, दे मशेंदक। 7गोपुकी ख्रीस्त आ सोइश्शो दुम्शा, इन गुइ रे मार मार ताक्चा ठीक दुम वा। तन्न गो आल कली दूध तुंइब ममा खोदेंशो पा, इन कली कोव़तक। 8गोपुकीमी इन कली शुश दाक्शा, परमप्रभु यावे आ ग्येरपाइक्ब लोव़ शेंचा ला ममाइ, तन्न शेंचा आ पर्बम बेक्चा माल्तक हना यो, बेक्नीकी। #२ कोरिन्थी १२:१५
9आंइ लोक्बपुकी, गे नु बाक्शा, शुश गेय पाइतक, दे तुइक्नीनी। गोपुकीमी परमप्रभु यावे आ ग्येरपाइक्ब लोव़ शेंदकानु, इन कली श्येत मगेचा, दे नाक्दो नाक्त गेय पाइतक। #प्रेरित १८:३; प्रेरित २०:३३-३४; १ कोरिन्थी ४:१२; २ थिस्सलोनिकी ३:८ 10गो ठीक, रिम्शो नु परमप्रभु यावे आ गेय ला पाइतक। परमप्रभु यावेमी मेको तुइक्ब। मिनु गे थमा सुइक्बमी यो तुइक्नीनी।
11मिनु गोपुकीमी आल आन कली रिम्शो अरेब आफ खोदेंशो पा इन कली अरेतक। इन थुं बारपाइश्शा 12“परमप्रभु यावे आ मुर दुम्शा, मेको आ ङोंइती शिरशो दुम्शा बाक्कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्य नु आ छेङछेङमी बाक्चा गेचा कली ब्रेप्ब। #एफिसी ४:१-२; फिलिप्पी १:२७
थिस्सलोनिकी आन श्येत
13गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्ब, दे तुइक्ताक्नी। थमा सुइश्शा मेको लोव़मी इन थुंमी गेय पना पन बाक्ब। मो दुम्मेनु, गोपुकीमी परमप्रभु यावे कली “गे थिस्सलोनिकी ङा मुर आन कली रिम्शो पाइतीनी” देंना देंन बाक्नीकी। #गलाती १:११-१२ 14आंइ लोक्बपुकी, गे यहूदीया ङा परमप्रभु यावे आ ग्रुम्तीक ङा ख्रीस्त येसुमी बाक्ब थमा सुइक्ब खोदेंशो दुम्तीनी। मारदे हना यहूदीया ङा मुरपुकीमी आंम रागी ङा थमा सुइक्ब आन कली श्येत गेशो खोदेंशो पा, इन रागी ङा मुरपुकीमी यो इन कली श्येत गेम्तेक्म। #प्रेरित ८:१; प्रेरित १७:५-६
15यहूदीया ङा मुरपुकीमी प्रभु येसु कली नु परमप्रभु यावे आ लोव़ पाइब आन कली साइश्शा, आंइ कली खेरतेक्म। मेकोपुकीमी मोपा परमप्रभु यावे कली मग्येरपदेम, मुर नेल्ल आन कली श्येत गेम्तेक्म। #प्रेरित २:२३; मत्ती २३:३७; प्रेरित ७:५२ 16दोपा श्येत गेम्तेक्म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्ना तेम्न बाक्नीम। मोपतीके परमप्रभु यावेमी मेको आन कली चुरशा सजाइ गेब। #मत्ती २१:३२-३३
17आंइ लोक्बपुकी, गेपुकी नु मबाक्थु, गोपुकी रोइक्च खोदेंशो दुम्तक। इन बाक्तीकेमी जाक्चा मतथु, इन कली शुश मिम्शा ग्रुम ग्रुम दाक्तक। 18गो इन कली ग्रुम ग्रुम दाक्बमी गो पावल चहिं शुश पिचा दाक्शो बाक्ती। तन्न सैतानमी आंइ कली ग्रुम्थ पिचा मगेव। 19इं प्रभु येसु आ यिची ना गे आंइ आस पतीके, ग्येरतीके नु सिरपेच खोदेंशो बाक्नीनी। #फिलिप्पी २:१६; फिलिप्पी ४:१ 20इन कली तशा, ग्येरशा आंइ नें बोरपाइक्नीकी।
Currently Selected:
१ थिस्सलोनिकी 2: SUSZ
Highlight
Copy
Compare
Share
Want to have your highlights saved across all your devices? Sign up or sign in
© 1992, 2011 Wycliffe Bible Translators Inc.
