१ कोरिन्थी 8
8
मूर्ति कली चढ़ेशो श्ये
1मूर्ति कली चढ़ेशो श्ये ब्वचा आ पर्बम गो नेल्लेमी तुइक्नय। गो शुश तुइक्ब नकी, दे तुइश्शोमी मुर आन कली बोरशा ठेयब लेप्पाइक्ब। दाक्मुशा बाक्शोमी चहिं नेल्ल आन कली रिम्शो दुम्ब, नेल्ल आन थुं बारपाइक्ब। #प्रेरित १५:२९ 2मारेइ मारेइ जोक्ब तुइक्ब नङ देंबमी आ माल्शो मतुइश्शो बाक्ब। #गलाती ६:३ 3तन्न सु सुमी परमप्रभु यावे कली दाक्नीमी, मेको आन कली परमप्रभु यावेमी तुइश्शो बाक्ब। #१ कोरिन्थी १३:१२
4मूर्ति कली चढ़ेशो श्ये ब्वचा आ पर्बम मार देंनुङ देंशा हना, मूर्तिपुकी सोक्त पाइश्शो मनम। मेकोपुकी नु मारेइ मबाक्ब। परमप्रभु यावे ङा लाक्शा सुइ मबाक्ब दे तुइक्ताक्य। #ब्यवस्था ६:४ 5सरीङ नु रागीमी शुश देवी देवता नु प्रभु माइश्शो बाक्नीम हना यो, #भजन संग्रह १३६:२-३; रोमी ८:३८-३९ 6इं कली परमप्रभु यावे का ला बाक्ब। मेको मारेइ मारेइ सेल्ब इं आफ बाक्ब। मिनु गोपुकी यो मेको आ सेल्शो बाक्नय। मिनु इं प्रभु का ला बाक्ब, मेको प्रभु येसु ख्रीस्त बाक्ब। मेको आ पतीकेम मारेइ मारेइ दुम्शा, गो ब्रोंइचा ताइनीकी। #१ कोरिन्थी १२:५-६; प्रस्थान २०:३; मलाकी २:१०; एफिसी ४:५-६; यूहन्ना १:३; कलस्सी १:१६
7गोपुकी नु बाक्ब का निक्शीमी इं मिम्शो लोव़ मरुबेम। मेकोपुकीमी “देवी देवता बाक्नीम” दे ङोंइती रे ङा आन मिम्शो प्रोंइने मचबेम। मिनु मुल मूर्ति कली चढ़ेशो श्ये ब्वामेनु “पाप राइसीबा, कोर में?” दे मिम्शा, आन थुं क्याल्नीम। #१ कोरिन्थी १०:२८ 8जचा थोव़क जशा ब्वशा, परमप्रभु यावे आ ङोंइती मारेइ मपाइब। जशोमी ठेयब मदुम्सीब, मजशोमी आइक्च यो मदुम्सीब, दे तुइक्नय। #रोमी १४:१७ 9मोदेंशो तुइक्ताक्नी हना यो, होस पांइसीने। मारदे हना का निक्शीमी इन कली तशा, आन थुं क्याल्तेक्म। #गलाती ५:१३ 10मारदे हना सुइमी इ कली, जोक्ब तुइक्ब दुम्शा, मन्दीरम बाक्शा, मूर्ति कली चढ़ेशो श्ये ब्वशो ताप्तु हना, मेको मजोक्ब मुरुमी मूर्ति कली चढ़ेशो श्ये मब्वाइबा ङा? 11मिनु इन जोक्तीके तुइक्तीकेमी इन मजोक्ब लोक्ब आन कली पाप पपाइक्नीनी। मेको आ पर्बम ख्रीस्त साइक्चा पुंइसाक्व। #रोमी १४:१५ 12गे इन लोक्ब आन थुं क्याल्पाइक्तीनी हना, गे ख्रीस्त कली मरिम्शो पशो बाक्नीनी। 13मोपतीके मार देंनुङ देंशा हना, आं कली श्ये ब्वशो तशा, आं लोक्बपुकीमी आन थुं क्याल्नीम दे तुइक्ताक्ङ। मिनु मेको आन थुं मक्याल्मेक्ल देंशा, मुल ङा मेरे गो गेनायो श्ये मब्वाइनुङ दे आं थुं फ्रेंशा, श्ये ब्वचा प्रोंइता। #रोमी १४:२१
Currently Selected:
१ कोरिन्थी 8: SUSZ
Highlight
Copy
Compare
Share
Want to have your highlights saved across all your devices? Sign up or sign in
© 1992, 2011 Wycliffe Bible Translators Inc.
