Paltiing 1
1
Pamunganayan ken Kablaaw
1Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna, 2ket impakaammo ni Juan ti amin a nakitana. Daytoy ti pammaneknekna maipapan iti mensahe a naggapu iti Dios ken iti kinapudno nga impakaammo ni Jesu-Cristo. 3Nagasat ti mangbasa iti daytoy a libro. Nagasat met dagiti dumngeg kadagitoy naipadto a mensahe ken mangtungpal iti nailanad iti daytoy a libro! Asidegen ti tiempo a mapasamak dagitoy.
Kablaaw kadagiti Pito nga Iglesia iti Asia#ASIA: Ti akindaya a paset ti imperio ti Roma. Iti agdama, daytoy ti pagilian a Turkia.
4Siak,#Ex. 3:14; Pal. 4:5. ni Juan:
Kablaawak dagiti pito nga iglesia iti probinsia ti Asia.
Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona. 5Aggapu#Is. 55:4; Sal. 89:27. pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong.
Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna. 6Pinagbalinnatayo#Ex. 19:6; Pal. 5:10. a pagarian, ken papadi nga agserbi iti Dios ken Amana. Ipaduyakyaktayo ti agnanayon a dayag ken pannakabalin ni Jesu-Cristo! Amen.
7Kitaenyo,#Dan. 7:13; Mat. 24:30; Mar. 13:26; Luc. 21:27; 1 Tes. 4:17; Zac. 12:10; Jn. 19:34, 37; Zac. 12:10; Mat. 24:30. umayen ni Jesus a silulugan kadagiti ulep! Makitanto ti tunggal maysa, agraman dagiti nangduyok kenkuana. Dung-awanto dagiti tattao iti amin a pagilian ditoy lubong. Maaramid koma a kasta! Amen.
8“Siak#Pal. 22:13; Ex. 3:14. ti Alfa ken ti Omega,”#8 Alfa ken ti Omega: ti umuna ken maudi a letra iti alpabeto ti Griego. Mausar dagitoy kas nagan ti Dios a mangipaawat iti kinaagnanayon ken bilegna. kuna ni Apo Dios a Mannakabalin-amin, isu nga adda ita, adda idi ken umayto.
Agparang ni Cristo ken ni Juan
9Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos#9 PATMOS: maysa a bassit nga isla a masansan idi a pangipanan dagiti Romano kadagiti baludda. gapu ta impakaammok ti sao ti Dios ken ti kinapudno nga impakaammo ni Jesus.
10Iti aldaw ti Apo, addaak iti pannakabalin ti Espiritu ket nangngegko iti likudak ti maysa a napigsa a timek a kasla uni ti trumpeta. 11“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”
12Timmaliawak tapno kitaek no siasino ti agsasao, ket nakitak ti pito a pagsilawan a balitok. 13Iti#Dan. 7:13; Dan. 10:5. tengngada, adda umas-asping iti anak ti tao a sikakawes iti pagan-anay a dumanon iti dapanna. Adda nabalitokan a banda iti barukongna. 14Napudaw#Dan. 7:9. #Dan. 10:6. a kas iti kapas wenno puraw a delana ti ulo ken dagiti buokna. Kasla gumilgil-ayab nga apuy dagiti matana. 15Agranraniag#Eze. 1:24; 43:2. dagiti sakana a kasla napasileng a gambang a naglasat iti apuy. Ket ti timekna kasla daranudor ti agdissuor a danum. 16Ig-iggaman ti makannawan nga imana ti pito a bituen. Rimmuar iti ngiwatna ti maysa a kampilan a natadem ken dua ti tademna. Makasisirap ti rupana kas iti raniag ti init iti agmatuon. 17Idi#Is. 44:6; 48:12; Pal. 2:8; 22:13. nakitak, kaslaak la natay a napasag iti sakaananna. Impatayna kaniak ti makannawan nga imana ket kinunana: “Dika agbuteng! Siak ti Pangrugian ken ti Paggibusan. 18Siak ti sibibiag! Natayak idi, ngem kitaem, sibibiagak iti agnanayon nga awan inggana. Adda kaniak dagiti tulbek ni Patay ken ti Hades.#18 HADES: balikas a Griego a pangawag iti lubong dagiti natay. 19Isuratmo ngarud dagiti makitam, dagiti mapaspasamak iti agdama ken iti masakbayan.
20“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”
Currently Selected:
Paltiing 1: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society