Paltiing 2
2
Ti Surat para iti Iglesia idiay Efeso
1“Kastoy ti isuratmo iti anghel ti iglesia idiay Efeso:
“Daytoy ti mensahe nga aggapu iti mangig-iggem kadagiti pito a bituen iti makannawan nga imana ken agpagnapagna iti nagbabaetan dagiti pito a pagsilawan a balitok: 2Ammok dagiti aramidmo, dagiti panagbannog ken ti naanus a panagibturmo. Ammok a dimo maanusan dagiti dakes a tattao. Sinuotmo dagiti agpampamarang nga apostoles, ket natakkuatam nga ulbodda. 3Ammok a naanuska. Inturedmo dagiti rigat gapu kaniak ket saanka a naupay. 4Ngem daytoy ti diak kayat kenka: saannakon nga ay-ayaten a kas idi damo. 5Laglagipem ti kasasaadmo idi sakbay ti pannakatnagmo. Agbabawika ket agbiagka a kas idi nangrugika a nagkristiano. Ta no saanka nga agbabawi, umaykonto ikkaten ti pagsilawam iti nakaisaadanna. 6Ngem adda met naimbag kenka: guraem, kas kaniak, ti ar-aramiden dagiti Nicolaita.#6 NICOLAITA: grupo a managdaydayaw kadagiti didiosen ken immoralda a tattao.
7“No#Gen. 2:9; Pal. 22:2; Eze. 28:13; 31:8 (LXX). adda pannakaawatyo, denggenyo ngarud ti sao ti Espiritu kadagiti iglesia:
“Ti agballigi, ikkakto iti kalintegan a mangan iti bunga ti kayo ti biag nga adda iti minuyongan ti Dios.”
Ti Surat para iti Iglesia idiay Esmirna
8“Kastoy#Is. 44:6; 48:12; Pal. 1:17; 22:13. ti isuratmo iti anghel iti iglesia idiay Esmirna:
“Daytoy ti mensahe nga aggapu iti Pangrugian ken Paggibusan, isu a natay ken nagbiag manen: 9Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas. 10Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.#10 biag a kas gunggona ti balligim: “korona ti biag,” kuna ti teksto a Griego. Idi un-unana, no mangabak ti maysa nga atleta iti pasalip, magunggonaan iti korona a sabsabong a kas pakakitaan iti panagballigina.
11“No#Pal. 20:14; 21:8. adda pannakaawatyo, denggenyo ngarud ti sao ti Espiritu kadagiti iglesia:
“Ti agballigi, malisiannanto ti maikadua nga ipapatay.”
Ti Surat para iti Iglesia idiay Pergamo
12“Kastoy ti isuratmo iti anghel ti iglesia idiay Pergamo:
“Daytoy ti mensahe nga aggapu iti addaan iti natadem a kampilan a dua ti tademna: 13Ammok ti pagnaedam—ti lugar a yan ti trono ni Satanas.#13 trono ni Satanas: ti siudad ti Pergamo a maipato nga adda iti babaen ti kinadakes; nalatak a sentro ti panagdaydayaw iti emperador. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas. 14Ngem#Num. 22:5, 7; 31:16; Deut. 23:4; Num. 25:1-3. adda diak kayat kenka: adda sumagmamano kadakayo dita a pasurot ni Balaam. Isu ti nangisuro ken ni Balak a mangaramid iti pagbasolan dagiti Israelita babaen iti pannanganda iti taraon a naidaton kadagiti didiosen ken panagaramidda kadagiti immoralidad. 15Adda met sumagmamano kadakayo a sumursurot iti pannursuro dagiti Nicolaita.#15 NICOLAITA: kameng ti maysa a sekta ti relihion idiay Pergamo ken Efeso. 16Agbabawika ngarud kadagiti basbasolmo. Ta no saan, umayak kenka iti mabiit ket pukawek dagita a tattao babaen iti kampilan a rummuar iti ngiwatko.
17“No#Ex. 16:14-15; 16:33-34; Jn. 6:48-50; Is. 62:2; 65:15. adda pannakaawatyo, denggenyo ngarud ti kuna ti Espiritu kadagiti iglesia:
“Ti agballigi, ikkakto iti naidulin a taraon.#17 Iti Griego: naidulin a mana. Ikkakto pay ti tunggal maysa iti puraw a bato a nakaimalditan ti baro a nagan nga awan ti makaammo malaksid ti umawat.”
Ti Surat para iti Iglesia idiay Tiatira
18“Kastoy ti isuratmo iti anghel ti iglesia idiay Tiatira:
“Daytoy ti mensahe nga aggapu iti Anak ti Dios nga addaan kadagiti mata a gumilgil-ayab a kasla apuy ken kadagiti saksaka nga agranraniag a kas iti napasileng a gambang. 19Ammok dagiti aramidmo, ti ayat ken pammatim, ti panagserbim ken ti naanus a panagibturmo. Ammok nga ad-adu ti ar-aramidem ita ngem idi damo. 20Ngem#1 Ar. 16:31; 2 Ar. 9:22, 30. daytoy ti diak kayat kenka: palpalugodam ni Jezebel, dayta babai nga agpampamarang a profeta. Isursuro ken isungsongna dagiti adipenko a makikamalala ken mangan kadagiti taraon a naidaton kadagiti didiosen. 21Inikkak iti naan-anay a panawenna nga agbabawi kadagiti basbasolna ken mangtallikud iti immoral a panagbiagna, ngem dina kayat ti agbalbaliw. 22Adtoy, idalitkonto iti pagiddaan, agraman dagiti nakikamalala kenkuana. Agsagabadanto iti nakaro malaksid no agbabawida iti kinadakes nga inaramidda iti sidongna. 23Papatayekto#Sal. 7:9; Jer. 17:10; Sal. 62:12. met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.
24“Ngem ti dadduma kadakayo dita Tiatira, diyo sinurot daytoy dakes a pannursuro. Saanyo a nasursuro ‘ti nauneg a palimed ni Satanas,’ kas kuna ti dadduma. Kunak kadakayo a dikayton pabaklayan iti sabali nga awit. 25Ngem masapul a pagtalinaedenyo a natibker ti adda kadakayo agingga iti yaayko. 26Ti#Sal. 2:8-9 (LXX). agballigi nga agtungpal iti pagayatak agingga iti panungpalan, ikkakto iti pannakabalin a kas iti inawatko ken ni Amak: Pagturayekto kadagiti nasion 27tapno iturayanna ida babaen iti baston a landok ken burburakenna ida a kas iti damili a banga. 28Itedkonto met kenkuana ti bituen nga agraniag iti agsapa.
29“No adda pannakaawatyo, denggenyo ngarud ti sao ti Espiritu kadagiti iglesia.”
Currently Selected:
Paltiing 2: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society