Sofonias 2
2
Dawat nga Agbabawi dagiti Tattao
1Dakayo a nasion a dina ammo ti agbain, agriingkayo 2sakbay a malaylaykayo ket mataykayo a kas iti sabong, sakbay nga agdissuor kadakayo ti gumilgil-ayab a pungtot ti Apo, sakbay a dumteng ti aldaw a panangiparangna iti pungtotna. 3Agkamangkayo iti Apo, dakayo a napakumbaba a tattao iti daga nga agtulnog kadagiti bilinna. Agaramidkay iti naimbag ket agpakumbabakay iti imatang ti Apo. Nalabit a malisianyonto ti pannakadusa iti dayta nga aldaw a panangiparangarang ti Apo iti pungtotna.
Ti Kanibusanan dagiti Pagilian a Kabangibang ti Israel
4Awanto#Is. 14:29-31; Jer. 47:1-7; Eze. 25:15-17; Jl. 3:4-8; Am. 1:6-8; Zac. 9:5-7. ti mabati iti siudad ti Gaza. Awanton matagtagitao iti Askelon. Mapaksiatto dagiti taga-Asdod sakbay ti tengnga ti aldaw#4 sakbay ti tengnga ti aldaw; wenno babaen iti kellaat nga iraraut dagiti kabusor iti tengnga ti aldaw. ket maitalawto dagiti taga-Ekron. 5Dakayo a Filisteo, dakayo nga agnaed iti igid ti baybay, saanyo a maliklikan ti pannakadusayo. Intuyangen ti Apo ti sentensiayo. Dadaelennakayo ket awanto ti uray maysa a matda kadakayo. 6Agkaruotanto ti dagayo iti igid ti baybay. Aglangalangto a pagaraban ti karnero. 7Sakupento dagiti nakalasat a taga-Juda ti dagayo. Ipaarabdanto dagiti arbanda sadiay ket maturogdanto kadagiti balbalay iti Askelon. Addanto kadakuada ti Apo a Diosda ket parang-ayennanto manen ida.
8Kuna#Is. 15:1–16:14; 25:10-12; Jer. 48:1-47; Eze. 25:8-11; Am. 1:13-15; Jer. 49:1-6; Eze. 21:28-32; 25:1-7; Am. 1:13-15. ti Apo a Mannakabalin-amin, “Nangngegko ti panangum-umsi ken pananglalais dagiti Moabita ken Ammonita kadagiti tattaok. Ipaspasindayagda ti panggepda a mangagaw iti dagada. 9Isapatak#Gen. 19:24. iti naganko a sibibiag a Dios ti Israel a madadaelto ti Moab ken Ammon a kas iti pannakadadael idi ti Sodoma ken Gomorra. Agbalindanto a pagaramidan iti asin. Agkaruotan ken nagrebbaandanto iti agnanayon. Mapanto agsamsam dagiti makalasat a tattaok iti pagilianda ket alaendanto ti dagada.”
10Kastoyto ti pannakadusa dagiti tattao ti Moab ken Ammon gapu iti kinatangsit ken kinapasindayagda ken gapu iti pananglalaisda kadagiti tattao ti Apo a Mannakabalin-amin. 11Nakabutbutengto ti ipalak-amna kadakuada. Pukawennanto amin a didiosen ditoy daga. Kalpasanna, agdaydayawto kenkuana ti amin a nasion, tunggal maysa iti bukodna a daga.
12Uray#Is. 18:1-7. dakayo a taga-Etiopia, patayennakayto met ti Apo.
13Usarento#Is. 10:5-34; 14:24-27; Nah. 1:1–3:19. ti Apo ti pannakabalinna a mangdadael iti Asiria. Pagbalinennanto a langalang ti Nineve. Agbalinto a natikag a lugar. 14Sadiayto ti pagaponan dagiti arban ken amin a kita ti animal. Agnaedto dagiti kullaaw kadagiti rebba a patakderna ket mangngegto ti pukkawda kadagiti tawa. Aguninto dagiti wak#14 wak kuna ti sumagmamano a kadaanan a patarus. Iti Hebreo, panaglangalang. kadagiti agdan. Maikkatto dagiti tarikayo a sedro dagiti balbalay. 15Daytoyto ti mapasamak iti siudad a natangsit unay gapu iti pannakabalinna. Ipagarupna a natalged ket awan ti pakaan-anoanna. Ipagarup dagiti tattaona a ti siudadda ti kabilgan iti lubong. Aglangalangto ket agbalinto nga apon dagiti atap nga animal. Agalinggagetto ti siasinoman a magna sadiay.
Currently Selected:
Sofonias 2: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society