Zacarias 6
6
Ti Parmata maipapan kadagiti Uppat a Lugan a Pakigubat
1Adda manen sabali a parmatak. Naimatangak ti uppat a lugan a pakigubat a rumrummuar iti nagbaetan ti dua a bronse a bantay. 2Guyguyoden#Pal. 6:4; Pal. 6:5. dagiti nalabaga a kabalio ti umuna a lugan. Nangingisit a kabalio ti mangguyguyod iti maikadua. 3Guyguyoden#Pal. 6:2. dagiti puraw a kabalio ti maikatlo, ket ti maikapat, guyguyoden dagiti labang a kabalio. 4Sinaludsodko iti anghel, “Ania ti kaipapanan dagiti lugan a pakigubat, apo?”
5Kinunana,#Pal. 7:1. “Dagitoy dagiti uppat nga angin. Kagapgapuda iti saklang ti Apo ti entero a daga.”
6Agpa-amianan a mapan Babilonia ti lugan a guyguyoden dagiti nangisit a kabalio. Agpa-laud dagiti puraw a kabalio, ket agpa-abagatan dagiti labang nga agturong iti maysa a pagilian. 7Idi rummuar dagiti labang a kabalio, gumanatda a mapan mangwanawan iti daga. Kinuna ti anghel, “Inkayo kitaen ti daga!” Iti kasta napanda. 8Kalpasanna, impukkaw ti anghel kaniak, “Dagiti kabalio a napan idiay Babilonia, pinabaawda ti pungtot ti Apo iti dayta a daga.”
Maibilin ti Pannakakorona ni Josue
9Kinuna ti Apo kaniak, 10“Alaem dagiti sagut nga inted dagiti napagtalaw a kas balud a naggapu idiay Babilonia, da Heldai, Tobijas ken Jedaias. Inka a dagus iti balay ni Josias nga anak ni Sofonias. 11Aramidem a korona dagiti balitok ken pirak nga intedda samo ibalangat ken ni Josue a nangato a padi nga anak ni Josadac. 12Ibagam#Jer. 23:5; 33:15; Zac. 3:8. ken ni Josue a kastoy ti sao ni Yahweh a Mannakabalin-amin: ‘Adtoy ti tao a maawagan “Ti Sanga.” Dumakkel iti daga nga ayanna ket bangonennanto ti Templo ti Apo. 13Wen, isunto ti mangbangon iti Templo. Awatennanto ti pammadayaw a maipaay iti ari, ket iturayannanto dagiti tattaona. Addanto padi nga umas-asibay iti tronona. Agtinnulongdanto nga agtrabaho iti kappia ken panagtutunos.’ 14Agpaayto ti korona a pakalaglagipan iti templo ni Yahweh a pammadayaw kada Heldai,#14 HELDAI kuna ti maysa a kadaanan a patarus. Iti Hebreo, Helem. Tobijas, Jedaias ken ni Josias.”#14 JOSIAS kuna ti maysa a kadaanan a patarus. Iti Hebreo, Hen.
15Umayto dagiti tattao nga agnaed iti adayo ket tumulongda iti pannakabangon manen ti Templo ti Apo. Ket inton malpas ti templo, maammoanyonto a ti Apo a Mannakabalin-amin ti nangibaon kaniak nga umay kadakayo. Mapasamak amin dagitoy no agtulnogkayo a sipapasnek kadagiti bilin ti Apo a Diosyo!
Currently Selected:
Zacarias 6: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
