Zacarias 4
4
Ti Parmata maipapan iti Kandelero
1Immay manen ti anghel a nakisasao kaniak ket riniingnak a kasla ket matmaturogakon. 2“Ania ti makitam?” sinaludsodna.
“Makitak ti maysa a kandelero a pasig a balitok,” insungbatko. “Iti rabawna, adda malukong a pagyanan ti lana. Adda pito a pagsilawan ti kandelero, tunggal maysa adda pagsaadan ti pito a pabelo. 3Adda#Pal. 11:4. dua a kayo nga olibo iti abay ti kandelero, maysa iti tunggal sikigan.”
4Sinaludsodko iti anghel, “Ania ti kaipapanan dagitoy, apo?”
5“Dimo kad ammo?” sinaludsodna.
“Saan, apo,” insungbatko.#5 Nayalis ti bersikulo 10b-14 manipud iti ungto daytoy a kapitulo tapno masurot ti napintas a panagsasaganad ti pasamak.
10bKinuna#Pal. 5:6. kaniak ti anghel, “Dagiti pito a pagsilawan isuda dagiti pito a mata ti Apo a kumitkita iti entero a daga.” 11Sinaludsodko,#Pal. 11:4. “Ania ti kaipapanan dagiti kayo ti olibo iti agsumbangir a sikigan ti kandelero? 12Ket ania ti kaipapanan dagitoy dua a sanga ti olibo iti abay dagiti balitok a tubo a pagayusan dagiti lana ti olibo?”
13“Dimo kad ammo?” sinaludsodna.
“Saan, apo,” kinunak.
14“Dagitoy dagiti dua a lallaki a pinili ken kinonsagrar ti Dios nga agserbi kenkuana nga Apo ti entero a daga,” kinunana.
Ti Kari ti Dios ken ni Zerubbabel
6Imbaga#Ez. 5:2. ti anghel nga ipakaammok ken ni Zerubbabel daytoy a mensahe ti Apo: “Agballigika, saan nga iti bileg ti armada wenno iti bukodmo a pigsa no di ket babaen iti pannakabalin nga aggapu kaniak. 7Mapukawto dagiti lapped a kas iti kadadakkel dagiti bantay. Bangonemto manen ti Templo ket inton ikabilmo ti maudi a bato, idir-into dagiti tattao, ‘Nagpintasen! Nagpintasen!’”
8Adda sabali a mensahe nga imbaga kaniak ti Apo. 9Kinunana, “Insaad ni Zerubbabel ti fondasion ti Templo ket leppasennanto ti patakder. Inton mapasamak daytoy, maammoanto dagiti tattao a siak ti nangibaon kenka a mapan kadakuada. 10aMaupayda gapu ta bassit ti nagapuanan. Ngem maragsakandanto inton makitada ni Zerubbabel a mangitultuloy a mangbangon iti Templo.”
Currently Selected:
Zacarias 4: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
