Paltiing 11

Dagiti Dua a Saksi

1Naikkanak#Eze. 40:3; Zac. 2:1-2. iti pagrukod a kasla baston, ket naibaga kaniak: “Inka rukoden ti templo ti Dios ken ti altar, ken bilangem dagiti agdaydayaw sadiay. 2Ngem#Luc. 21:24. dimo rukrukoden ti akinruar a paraangan ti templo agsipud ta naited daytoy kadagiti pagilian—baddebaddekandanto ti Nasantoan a Siudad iti las-ud ti tallo ket gudua a tawen. 3Nupay kasta, ikkakto ti pannakabalin dagiti dua a saksik a nakakawes iti nakersang a lupot ket ipakaammodanto ti mensahe ti Dios iti uneg ti 1,260 nga aldaw.”

4Dagiti#Zac. 4:3, 11-14. dua a saksi isuda dagiti dua a puon nga olibo ken dagiti dua a pagsilawan iti sangoanan ti Apo ti entero a daga. 5No adda mangranggas kadakuada, rummuar ti apuy iti ngiwatda ket dadaelenda dagiti kabusorda. Kasta ti pannakapapatay ti siasinoman nga agpanggep a mangranggas kadakuada. 6Adda#1 Ar. 17:1; Ex. 7:17-19; 1 Sam. 4:8. pannakabalinda a mangirikep iti langit tapno saan nga agtudo bayat ti panangipakaammoda iti mensahe ti Dios. Adda met pannakabalinda a mamagbalin a dara kadagiti ubbog. Adda pay pannakabalinda a mangyeg iti amin a kita ti didigra iti daga tunggal kayatda nga aramiden ti kasta.

7Inton#Dan. 7:7; Pal. 13:5-7; 17:8; Dan. 7:21. maipakaammo dagiti dua a saksi ti mensaheda, rummuarto ti narungsot nga animal iti nakaun-uneg a yuyeng tapno gubatenna ida. Parmeken ken papatayennanto ida. 8Maiwalangto#Is. 1:9-10. dagiti bangkayda iti kangrunaan a kalsada ti dakkel a siudad. Sodoma wenno Egipto ti naespirituan a naganna. Ditoy met a lugar ti nakailansaan ti Apoda iti krus. 9Iti uneg ti tallo ket gudua nga aldaw, buybuyaento dagiti tattao iti amin a nasion, tribu, pagsasao ken puli dagiti bangkayda, ket didanto ipalubos a maitanemda. 10Maragsakanto dagiti tattao ditoy daga gapu iti ipapatay dagitoy dua. Agrarambak ken agririnnegalodanto agsipud ta natayen dagiti dua a profeta a nangyeg iti adu a panagsagaba iti sangkataoan.

11Ngem#Eze. 37:10. kalpasan ti tallo ket gudua nga aldaw, pinagungar ida ti Dios ket timmakderda. Kasta unay ti buteng dagiti nakaimatang kadakuada.

12Kalpasanna,#2 Ar. 2:11. nangngeg dagiti dua a profeta ti maysa a napigsa a timek a naggapu sadi langit. “Umulikayo ditoy!” kinunana kadakuada. Ket bayat ti panangkita kadakuada dagiti kabusorda, naipangatoda sadi langit babaen iti maysa nga ulep. 13Iti#Pal. 6:12; 16:18. dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.

14Nakalabasen ti maikadua a nakabutbuteng a didigra. Ngem kitaem, umayen ti maikatlo.

Ti Maikapito a Trumpeta

15Pinuyot#Ex. 15:18; Dan. 2:44; 7:14, 27. ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!” 16Nagpakleb dagiti duapulo ket uppat a panglakayen a situtugaw iti tronoda iti sangoanan ti Dios ket nagdaydayawda kenkuana 17a kunkunada:

“Apo Dios a Mannakabalin-amin, Dioska ita ken Dioska idi:

Agyamankami ta inaramatmo ti dakkel a pannakabalinmo

Ket inrugimon ti agturay!

18Nakaunget#Sal. 2:5; 110:5; Sal. 115:13. dagiti pagano,

Ta dimtengen ti tiempo ti pungtotmo,

Ken ti pannakaukom dagiti natay.

Tiempon a gunggonaam dagiti profeta nga adipenmo,

Kadagiti amin a tattaom, ken amin nga agbuteng kenka,

Natan-ok man ken nanumo,

Tiempon a dadaelem dagiti nangparigat iti daga!”

19Nalukatan#2 Mac. 2:4-8; Pal. 8:5; 16:18; Pal. 16:21. ti templo ti Dios sadi langit, ket nakitak#19 nakitak; nakita, kuna ti Griego. ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Currently Selected:

Paltiing 11: RIPV

Highlight

Copy

Compare