Dagiti Salmo 60
60
Kararag a Pagdawat iti Pannakaispal#PAULO ITI HEBREO: Salmo ni David, idi makidangdangadang kadagiti Arameo a taga-Naharaim ken Soba, ken idi agsubli ni Joab ket pinatayna ti 12,000 nga Edomita idiay Tanap ti Asin. Salmo a maipaay a pangisuro.
1Binaybay-annakami,#2 Sam. 8:13; 1 Cron. 18:12.
O Dios, ket pinarmeknakami;
kinapungtotnakami—ngem ita, agsublika koma kadakami!#1 kinapungtotnakami…kadakami; wenno kinapungtotnakami ket tinallikudannakami.
2Pinaggingginedmo ti daga, ket nagrengngat;
agasam dagiti sugatna tapno umimbag!
3Pinagsagabam dagiti tattaom iti kasta unay a rigat;
inikkannakam iti makabartek nga arak.
4Binallaagam dagiti agbuteng kenka,
tapno maitarayanda ti pannakadadaelda.
5Ipangagmo kadi ti kararagmi;
isalakannakami babaen iti bilegmo
tapno maispal dagiti ay-ayatem a tattao.
6Manipud iti santuariona,#6 manipud iti santuariona; wenno Iti kinasantona. kinuna ti Dios,
“Kalpasan ti balligi,
bingayekto ti Sikem ken ti tanap ti Succot
sakonto ibunong kadagiti tattaok.
7Ti Galaad ken ti Manases kukuak ida;
helmetko ti Efraim, setrok ti Juda.
8Ngem usarekto ti Moab a kas palangganak;
kas pakakitaan a kukuak,
ipurruakkonto iti Edom ti sandaliasko.
Impagarup kadi dagiti Filisteo a maparmekdak
ket aggiikkisdanto iti inda panangabak kaniak?”
9Siasino, O Dios, ti mangipan kaniak iti nasarikedkedan a siudad?
Siasino ti mangiturong kaniak idiay Edom a pagkamangak?
10O Dios, pudno kadi a linaksidnakami?
Saanka kadin a kumuyog kadagiti armadami?
11Tulongannakami a sumaranget iti kabusor,
ta awan serserbi ti tulong ti tao.
12Babaen iti tulong ti Dios, agballigitayto;
isunto ti mangparmek kadagiti kabusortayo.
Currently Selected:
Dagiti Salmo 60: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
