Dagiti Salmo 24
24
Ti Naindaklan nga Ari#PAULO ITI HEBREO: Salmo ni David.
1Kukua#1 Cor. 10:26. ti Apo ti lubong ken amin a linaonna;
kukuana ti daga ken ti amin nga agnaed kenkuana.
2Binangonna iti rabaw dagiti adalem a danum,
ket iti lansad ti taaw impasdekna ti pamuon.
3Siasino ti maikari a sumang-at iti bantay ti Apo?#3 BANTAY TI APO: ti bantay idiay Jerusalem a nakabangonan ti Templo.
Siasino ti mapalubosan
a sumrek iti nasantoan a Templona?
4Ti#Mat. 5:8. nadalus ti aramidna ken ti panunotna,
ti natarnaw ti pusona,
ti napasnek nga agserbi iti kinapudno,
ken ti saan nga agulbod.
5Bendisionanto ti Apo,
ket awatento ti Dios a mangisalakan kenkuana.
6Dagiti kakasta a tattao ti umasideg iti Dios,
isuda ti agparang iti imatang ti Dios ni Jacob.#6 ti Dios ni Jacob kuna ti dadduma a patarus. Iti Hebreo, Jacob.
7Ilukatyo a naimbag dagiti ruangan,
luktanyo dagiti ridaw a kadaanan,
ket pastrekenyo ti Ari a naindaklan.
8Siasino daytoy naindaklan nga Ari?
Isu ti Apo a nabileg ken napigsa,
ti Apo a maingel iti paggugubatan.
9Ilukatyo a naimbag dagiti ruangan,
luktanyo dagiti ridaw a kadaanan,
ket pastrekenyo ti Ari a naindaklan.
10Siasino daytoy naindaklan nga Ari?
ti Apo a Mannakabalin-amin—isu ti naindaklan nga Ari.
Currently Selected:
Dagiti Salmo 24: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
