Dagiti Salmo 22
22
Araraw ti Agas-asug ken Kanta a Pagdayaw iti Dios#PAULO ITI HEBREO: Salmo ni David.
1Diosko,#Mat. 27:46; Mar. 15:34. Diosko,
apay a binaybay-annak?
Immasugak kenka tapno tulongannak,
ngem awan latta ti pannaranaymo.
2Iti aldaw umawagak kenka, Diosko,
ngem saamla a sumungbat,
ken iti rabii, ngem awan inanak.
3Ngem sika ti Nasantoan,
naisaad iti trono nga itantan-ok ti Israel.
4Sika ti nangitalkan dagiti ammami iti namnamada;
wen, nagtalekda kenka ket insalakanmo ida.
5Immawagda kenka ket ti peggad nalisianda;
nagtalekda kenka ket saanmo a pinaay ida.
6Ngem arigko iti igges, saan a tao,
lalaisen ken uy-uyawen dagiti tattao.
7Amin#Mat. 27:39; Mar. 15:29; Luc. 23:35. a makakita kaniak, pagang-angawandak;
guyguyaban ken wingwingiwingandak.
8Kunada,#Mat. 27:43. “Nagtalekka iti Apo.
Apay a dinaka isalakan?
No ayatennaka ti Apo,
apay a dinaka tulongan?”
9Sika ti nangipaay iti talged iti pannakaipasngayko,
inaywanannak idi maladagaak pay nga agsussuso.
10Nagtalekak kenka manipud pannakayanakko;
sikan ti Diosko manipud pay pannakaipasngayko.
11Dinak adaywan ta agpeggadak,
ket awan tumulong kaniak.
12Adda dagiti kabusor iti lawlawko,
kasda la atap nga arban ti baka.
Nalikmutak kadagiti narungsot a toro iti Basan.#12 BASAN: Maysa a lugar iti dayaen ti Karayan Jordan a pakasarakan kadagiti pagpastoran a mabalin a pakapatanoran kadagiti nalalapsat a baka.
13Ungapenda dagiti ngiwatda kaniak;
arigda ti ngumerngernger a leon a sigagagar a mangalun-on.
14Naibusen ti amin a pigsak,
kasla danum a naibuyat.
Agkutukoten amin a tultulangko,
toy pusok kasla allid a marunaw iti unegko.
15Namaga a kas tapok ti ngiwatko,#15 ngiwatko. Iti Hebreo, pigsak.
ket dumket ti dilak iti ngadasko.
Binaybay-annakon a matay
iti tapok a nakapasagak.
16Ti bunggoy dagiti managdakdakes lawlawendak;
kasda la pangen ti aso a mangalikubkob kaniak,
lasanglasangenda#16 lasanglasangenda kuna ti dadduma a kadaanan a patarus, galutanda kuna ti dadduma. Iti Hebreo, kasla leon. dagiti ima ken saksakak.
17Agparangen dagiti amin a tulangko,
mulmulagatannak dagiti kabusorko;
18Pagsusugalanda#Mat. 27:35; Mar. 15:24; Luc. 23:24; Jn. 19:24. dagiti pagan-anayko,
pagbibinnunotanda ti kagayko.
19O Apo, saannak kadi a panawan!
Umaynak ispalen, darasennak a tulongan.
20Iti kampilan, toy kararuak isalakanmo;
kadagitoy nga aso ispalem toy biagko.
21Iti ngiwat dagitoy a leon isalakannak;
awan gawayko#21 awan gawayko kuna ti dadduma a kadaanan a patarus. Iti Hebreo, sinungbatannak. kadagitoy a toro nga atap.
22Saritaekto#Heb. 2:12. kadagiti kailiak ti naganmo;
kadagiti kongregasion idaydayawkanto:
23“Dakayo nga adipen ti Apo,
agdaydayawkayo kenkuana;
dakay a kaputotan ni Jacob, itan-okyo;
dakay a tattao iti Israel, agrukbabkayo kenkuana.
24Dina lipaten dagiti napanglaw,
wenno baybay-an ida nga agsagaba;
saanna met nga adaywan ida, ngem sungbatanna no agpatulongda kenkuana.”
25Iti dakkel a gimong,
saritaekto dagiti inaramidmo;
iti imatang dagiti amin a natulnog kenka,
iruknoykonto ti inkarik a daton.
26Manganto koma dagiti napanglaw agingga a mapnekda;
agdaydayawto iti Apo
dagiti mangbirok kenkuana.
Rumang-ayda koma iti awan inggana!
27Lagipendakanto ti tunggal maysa ditoy daga, Apo;
manipud iti amin a suli ti lubong
umaydanto agkamang kenka ket agrukbabda.
28Ni Yahweh, isu ti Ari,
ket iturayanna dagiti amin a nasion.
29Kenkuana, dagiti natangsit agtameddanto;#29 Iti Hebreo, mangan ken agtameddanto.
kenkuana, dagiti amin a tao agruknoyto,
isuda amin nga aggibus ken patay.
30Agserbinto kenkuana dagiti sumarsaruno a kaputotan;
ipakaammodanto ni Yahweh iti masakbayan a kaputotan.#30 masakbayan a kaputotan kuna ti maysa a kadaanan a patarus. Iti Hebreo, iti kaputotan. Umaydanto…
31Maibaganto kadagiti saan pay a nayanak,
“Insalakan ti Apo dagiti tattaona.”
Currently Selected:
Dagiti Salmo 22: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
