Dagiti Salmo 2
2
Ti Ari a Pinili ti Dios
1Apay a panggepen dagiti nasion ti umalsa?
Apay nga agtutulagda iti awan serserbina?
2Agtutulag#Ara. 4:25-26. nga agmaymaysa dagiti agtuturayda
busorenda ti Apo, ken iti ari a pinilina.
3Kunada, “Lumapsuttayo iti panangiturayda,
duprakentayo ti pannakabalinda.”
4Iti tronona sadi langit, agkatawa ti Apo
ket laisenna ti nakapuy a panggepda.
5Makaunget a mangballaag kadakuada;
butbutngenna ida iti pungtotna.
6Kunana, “Insaadko ti arik idiay Sion#6 SION: sigud a naipanagan iti “Siudad ni David,” a sarikedked dagiti Jebuseo a sinakup dagiti tattao ni Ari David. Mayaplikar pay iti turod a nakabangonan iti Templo.
a nasantoan a turodko.”
7Kuna#Ara. 13:33; Heb. 1:5; 5:5. ti ari, “Ipakaammok ti imbilin ti Apo.
Kinunana kaniak, ‘Sika ti anakko,
Ita nga aldaw, nagbalinak nga amam.
8Agkiddawka ket itedko amin a nasion kenka;
kukuamto ti entero a daga.
9Dadaelemto#Pal. 2:26-27; 12:5; 19:15. ida iti sarukod a landok,
burakemto ida a kasla banga.’”
10Ita, dakayo nga ar-ari, denggenyo ti ballaagko;
dakayo a turayen ti lubong,
adalenyo daytoy a sursuro:
11Agserbikayo a sibubuteng iti Apo;
sipipigergerkayo nga
12agrukbab kenkuana
amangan no sumged lattan ti pungtotna
ket pukawennakayo.
Nagasat dagiti amin nga agkamang kenkuana.
Currently Selected:
Dagiti Salmo 2: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
