Dagiti Salmo 128
128
Ti Gunggona ti Panagtulnog ken ni Yahweh#PAULO ITI HEBREO: Kanta iti Isasang-at.
1Nagasat dagiti agbuteng ken iti Apo;
wen, nagasat dagiti agbiag kas mayannurot iti pagayatanna.
2Lak-amemto ti bunga ti nagbannogam,
ket naragsak ken narang-aykanto.
3Agbalinto ti asawam a kas nabunga nga ubas iti balaymo.
Agbalinto met dagiti annakmo a kas kadagiti narukbos nga olibo iti likmut ti lamisaanmo.
4Kastoyto ti pannakabendision ti tao
nga agtulnog iti Apo.
5Ikararagko a bendisionannaka koma ti Apo manipud Sion;
makitam koma a narang-ay ti Jerusalem
iti amin nga aldaw ti biagmo!
6Napaut koma ti biagmo
tapno makitam dagiti appokom!
Adda koma talna iti Israel!
Currently Selected:
Dagiti Salmo 128: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
