Dagiti Salmo 126
126
Kararag a Pagdawat iti Pannakaisalakan#PAULO ITI HEBREO: Kanta iti Isasang-at.
1Kaskam la agtagtagainep idi
isublinakami ti Apo idiay Jerusalem.#1 isublinakami…Jerusalem; wenno pinarang-ay manen ti Apo ti Jerusalem.
2Kasta unay a katkatawami,
agkakantakami gapu iti rag-o.
Iti kasta, kinuna dagiti sabali a pagilian,
“Impaay ti Apo kadakuada dagiti bambanag a naindaklan!”
3Wen, impaayna kadakami dagiti dadakkel a banag,
ket anian a ragsakmi!
4O Apo, isublinakami kadi iti sigud a kinarang-aymi,#4 isublinakami…kinarang-aymi; wenno isublinakami iti dagami.
kas iti panagayus manen dagiti karayan a nagmaga.#4 dagiti karayan a nagmaga; wenno dagiti karayan iti akin-abagatan a let-ang wenno Negeb.
5Dagiti naglulua bayat ti panagmulada,
agapitdanto koma a siraragsak.
6Dagiti napan nagbunobon nagsangsangitda a siaawit iti bin-i,
ngem agsublidanto nga agkankanta iti rag-o
a siaawit kadagiti apitda.
Currently Selected:
Dagiti Salmo 126: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
