Dagiti Salmo 123
123
Kararag a Pagdawat iti Kaasi#PAULO ITI HEBREO: Kanta iti Isasang-at.
1Tumangadak kenka, O Apo;
tumangadak dita langit a pagturayam.
2Kas iti lalaki nga adipen
nga agpannuray iti apona a lalaki,
ken iti babai a babaonen nga agpannuray iti apona a babai,
kasta met ti panagpannuraymi kenka,
O Apo a Diosmi, agingga a kaasiannakami.
3Kaasiannakami kadi, O Apo; wen, kaasiannakami,
ta kasta unay ti pannakaum-umsimi.
4Dimi maibturanen ti pananglalais dagiti nabaknang
ken panangab-abi dagiti natangsit.
Currently Selected:
Dagiti Salmo 123: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
