Dagiti Salmo 120
120
Kararag a Pagdawat iti Tulong#PAULO ITI HEBREO: Kanta iti Isasang-at.
1Idi marigatanak, immawagak iti Apo,
ket impangagna dagiti ararawko.
2Isalakannak, O Apo,
kadagiti ulbod ken manangallilaw a tattao.
3Anianto ti aramiden ti Dios kadakayo a naulbod?
Anianto ti panangdusana kadakayo?
4Dusaennakayto iti natirad a pana ti mannakigubat
a mapakuyogan iti dumardarang a beggang.
5Asiak pay ta ganggannaetak idiay Mesek,
ket agnaedak kadagiti tolda idiay Kedar!#5 Mesek…Kedar: Dua a lugar iti adayo; nauyong dagiti tattaoda.
6Nabayag unayen ti pannakipagnaedko
kadagiti tattao a manggura iti talna.
7No agsaoak maipapan iti kappia,
gubat met ti kayatda.
Currently Selected:
Dagiti Salmo 120: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society