Dagiti Salmo 12
12
Kararag a Pagdawat iti Tulong#PAULO ITI HEBREO: Salmo ni David.
1Isalakannak, O Apo,
ta awanen naimbag a tao;
awanen ti masarakan a matalek a tao.
2Agiinnulbodda iti maysa ken maysa;
agpipinnatiray-okda, panaginkukuna amin a saoda.
3Putdem, O Apo, dagiti naulbod a dila;
dagiti napalangguad a ngiwat, rikpam ida!
4Kunkunada, “Babaen iti saomi, alaenmi ti kaykayatmi
ket awan ti makapasardeng kadakami.
Ibagami ti pagayatanmi
ket awan ti makalapped kadakami.”
5“Ngem itan,” kuna ni Yahweh, “umayak,
ta mailupitlupit dagiti marigrigat;
dagiti maidaddadanes nasaem ti asugda.
Itdekto ti talged a tartarigagayanda.”
6Mapagtalkan ken napudno dagiti kari ni Yahweh,
mayarig iti pirak a nagugoran iti namimpito.
7-8Nagwarasen dagiti managdakdakes,
ket tunggal maysa idaydayawna ti dakes
Kanayon a salaknibannakami, O Apo;
taginayonennakami ket ikanawanakami kadagita a tattao.
Currently Selected:
Dagiti Salmo 12: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
