Mikias 6

Ti Pammabasol ni Yahweh iti Israel

1Denggenyo ti darum ti Apo a maibusor iti Israel! Tumakderka, O Apo, ket idatagmo ti pammabasolmo a saksian dagiti bantay ken dagiti turod.

2Denggenyo ti pammabasol ti Apo, dakayo a bantay, dakayo nga agnanayon a fondasion ti daga. Idarum ti Apo dagiti tattaona. Adda kasona a maibusor iti Israel.

3Kuna ti Apo, “Tattaok, ania aya ti naaramidko kadakayo. Kasano a nagbalinak a dadagsenyo? Sumungbatkayo! 4Inruarkay#Ex. 12:50-51; Ex. 4:10-16; Ex. 15:20. idiay Egipto. Winayawayaankayo iti pannakatagabuyo. Imbaonko da Moises, Aaron ken Miriam a mangipangulo kadakayo. 5Tattaok,#Num. 22:2–24:25; Jos. 3:1–4:19. lagipenyo ti panggep idi ni Balak nga ari ti Moab nga aramiden kadakayo ken ti sungbat kenkuana ni Balaam nga anak ni Beor. Lagipenyo dagiti napasamak iti dalan manipud siudad ti Acacia agingga idiay Gilgal. Lagipenyo dagitoy ket mabigbigyo no ania ti inaramidko a pangisalakan kadakayo.”

Ti Pagayatan ni Yahweh

6Ania ti itedko iti Apo a Dios ti langit inton dumatagak nga agdaydayaw kenkuana? Mangitugotak kadi kadagiti kasayaatan nga urbon ti baka a puorak a kas daton kenkuana? 7Maragsakan kadi ti Apo no ikkak iti rinibu a karnero wenno saan nga agpatingga a karayan ti lana ti olibo? Idatagko kadi a kas daton ti inauna nga anakko a pagikarok kadagiti basolko? 8Saan! Inlawlawag kadakayo ti Apo no ania ti naimbag. Daytoy ti dawatenna kadatayo: aramidentayo ti nalinteg, ipakitatayo ti di agbalbaliw a panagayat, ken agtulnogtayo a sipapakumbaba iti Diostayo.

9Maibilang a kinasirib ti panagbuteng iti Apo. Aw-awaganna ti siudad. Kunana, “Dumngegkayo, dakayo a tattao a natipontipon iti siudad.#9 natipontipon iti siudad, mabalin a patarus. Iti Hebreo a teksto, nangdutok kenkuana. 10Iti uneg dagiti balbalay dagiti managdakdakes, adda dagiti sanikua a sinaurda. Agar-aramatda kadagiti saan a husto a pagtimbangan; kagurak daytoy nga aramid. 11Mapakawanko aya dagiti agusar iti saan a husto a pagsukatan ken timbangan? 12Naranggas dagiti babaknang ket gundawayanda dagiti napanglaw. Naulbod dagiti tattao. 13Ngem ita, rugiankan#13 rugiankan kuna ti dadduma a kadaanan a patarus. Iti Hebreo a teksto, sugatenkan. a dusaen ken dadaelen gapu kadagiti basolmo. 14Mangankanto ngem dikanto mabsog; kinapudnona, mariknamto pay laeng ti bisinmo. No adda ipaknim a sanikua dimonto masalakniban. Madadaelto iti gubat ti aniaman nga idulinmo. 15Agmulakanto ngem saan a sika ti agapit. Agpespeskanto iti olibo ngem saan a sika ti mangaramat iti lanana. Agaramidkanto iti arak ngem saan a sika ti uminum. 16Maaramid#1 Ar. 16:23-28; 1 Ar. 16:29-34; 21:25-26. dagitoy ta tultuladem dagiti dakes nga ugali ni Ari Omri ken ni Ari Ahab nga anakna. Itultuloymo dagiti pagannurotanda. Ngarud, yegkonto ti pannakadadaelmo ket pagang-angawandanto dagiti amin a tattaom. Lalaisendakayto dagiti amin a tattao.”#16 tattao kuna ti maysa a kadaanan a patarus. Iti Hebreo a teksto, tattaok.

Currently Selected:

Mikias 6: RIPV

Highlight

Copy