San Mateo 3
3
Mangaskasaba ni Juan a Mammuniag#MAMMUNIAG: Naadaw iti baptizo a balikas iti Griego. Bautista; wenno dagiti sabali pay a forma a kas iti bautisar, pannakabautisar ti ar-aramaten dagiti dadduma a tattao wenno iglesia.
(Mar. 1:1-8; Luc. 3:1-18; Jn. 1:19-28)
1Iti dayta a tiempo, napan ni Juan a Mammuniag idiay let-ang ti Judea ket nangaskasaba. 2“Agbabawikayo#Mat. 4:17; Mar. 1:15. kadagiti basbasolyo,” kinunana, “agsipud ta asidegen ti Pagarian ti langit.” 3Ni#Is. 40:3 (LXX). Juan ti kayat a sawen ni profeta Isaias idi kinunana,
“Idiay let-ang, adda mangipukpukkaw:
‘Isaganayo ti dalan ti Apo,
Pasayaatenyo ti pagnaanna!’”
4Naabel#2 Ar. 1:8. a dutdot ti kamelio ti kawes ni Juan. Sinturon a lalat ti barikesna. Dudon ken diro ti taraonna. 5Napan kenkuana dagiti tattao a naggapu idiay Jerusalem ken entero a probinsia ti Judea, agraman amin a dagdaga iti agsumbangir iti karayan Jordan. 6Nagbabawida a silalatak kadagiti basbasolda ket binuniagan ida ni Juan idiay karayan Jordan.
7Idi#Mat. 12:34; 23:33. makita ni Juan dagiti adu a Fariseo ken Saduceo tapno agpabuniagda kenkuana, kinunana kadakuada: “Dakayo a kaputotan ti uleg, siasino ti nangibaga a malisianyo ti dusa a dandanin idissuor ti Dios? 8Ipakitayo babaen iti aramidyo a nagbabawikayon kadagiti basbasolyo. 9Diyo#Jn. 8:33. ipagarup a makalisikayo iti panagkunayo, ‘Uray ta amami ni Abraham.’ Ibagak kadakayo a kabaelan ti Dios a pagbalinen dagitoy a bato nga annak ni Abraham. 10Naisaganan#Mat. 7:19. ti wasay a pangpukan kadagiti kayo agingga iti ramut; mapukan ket maipuor amin a kayo a di agbunga iti nasayaat. 11Buniagankayo iti danum kas pakakitaan ti panagbalbaliwyo. Ngem ti umay a sumarsaruno kaniak buniagannakayto iti Espiritu Santo ken iti apuy. Dakdakkel ti pannakabalinna ngem siak; diak pay maikari a mangbitbit iti sandaliasna. 12Adda#Kin. Sol. 5:14, 23. kenkuana ti bigao a pangtaep iti irik. Urnongen ken idulinnanto ti irikna iti kamalig; ngem puorannanto ti taep iti apuy a di maiddep.”
Mabuniagan#12 Mabuniagan; wenno mabautisaran. ni Jesus
(Mar. 1:9-11; Luc. 3:21-22)
13Dimteng ni Jesus idiay Jordan a naggapu idiay Galilea tapno pabuniagan ken ni Juan. 14Ngem kayat a lapdan ni Juan ket kinunana ken Jesus, “Siak koma ti rebbengna a buniagam, ngem apay nga umayka kaniak?”
15“Bay-am a maaramid ita daytoy tapno matungpalta ti amin a pagayatan ti Dios,” insungbat ni Jesus.
Immanamong ngarud ni Juan.
16Apaman a nabuniagan ni Jesus, simmang-at a dagus manipud iti danum ket adtoy, naglukat kenkuana ti langit. Nakitana ti Espiritu ti Dios a bumabbaba a kas maysa a kalapati ket nagdisso kenkuana. 17Ket#Gen. 22:2; Sal. 2:7; Is. 42:1; Mat. 12:18; 17:5; Mar. 1:11; Luc. 9:35. kinuna ti maysa a timek a naggapu sadi langit, “Daytoy ti dungdungngoek nga Anak a pakaragsakak unay.”
Currently Selected:
San Mateo 3: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society