San Mateo 18
18
Siasino ti Kangrunaan?
(Mar. 9:33-37; Luc. 9:46-48)
1Iti#Luc. 22:24. dayta a kanito, immasideg dagiti adalan ken ni Jesus ket sinaludsodda, “Siasino ti kangrunaan iti Pagarian ti Langit?”
2Nangayab ni Jesus iti ubing, pinagtakderna iti sangoananda 3ket#Mar. 10:15; Luc. 18:17. kinunana, “Laglagipenyo a dikayto makastrek iti Pagarian ti Langit no dikay agbalbaliw ken agbalin a kas kadagiti ubbing. 4Siasinoman nga agpakumbaba ken agbalin a kas iti daytoy nga ubing, isu ti kangrunaan iti Pagarian ti Langit. 5Ket ti siasinoman nga umawat iti maysa kadagiti kakastoy nga ubbing gapu kaniak, siak ti awatenna.”
Dagiti Pakaigapuan ti Panagbasol
(Mar. 9:42-48; Luc. 17:1-2)
6“No adda siasinoman a pakaigapuan ti panagbasol ti maysa kadagitoy nga ubbing a mamati kaniak, nasaysayaat koma a maigalut ti dakkel a gilingan a bato iti tengnged dayta a tao sa mailemmes iti taaw. 7Asi pay ti lubong gapu ta adda dagiti bambanag a pakaigapuan ti pannakapukaw dagiti tattao iti pammatida! Umay a di bumurong dagitoy a sulisog, ngem asi pay ti tao a pakaigapuanda!
8“No#Mat. 5:30. ta imam wenno ta sakam ti pakaigapuan ti panagbasolmo, putdem ket ibellengmo! Nasaysayaat a pawad wenno pukolka a sumrek iti biag nga agnanayon ngem ti addaanka iti dua nga ima ken dua a saka ket maitappuakka iti agnanayon nga apuy. 9No#Mat. 5:29. ta matam ti pakaigapuan ti panagbasolmo, suatem ket ibellengmo! Nasaysayaat a buldingka a sumrek iti biag nga agnanayon ngem ti addaanka iti dua a mata ket maitappuakka iti apuy idiay infierno.”
Ti Pangngarig maipapan iti Napukaw a Karnero
(Luc. 15:3-7)
10“Kitaenyo diyo laisen ti uray maysa kadagitoy nga ubbing. Ibagak kadakayo a dagiti anghelesda idiay langit, kankanayon nga addada iti imatang ni Amak nga adda sadi langit.#10 Inayon ti dadduma a manuskrito ti bersikulo 11: Ta immay ti Anak ti Tao tapno isalakanna ti napukaw.#Luc. 19:10.
12“Ania ti makunayo? Ania ti aramiden ti maysa a tao nga addaan sangagasut a karnero no mapukaw ti maysa kadakuada? Panawanna dagiti siam a pulo ket siam nga agar-arab iti turod ket mapanna sapulen ti napukaw a karnero. 13Ibagak kadakayo a no masapulanna, ad-addanto ti ragsakna iti daytoy a karnero ngem kadagiti siam a pulo ket siam a saan a napukaw. 14Kasta met a di kayat ni Amayo#14 ni Amayo; ni Amak, kuna dagiti dadduma a manuskrito. sadi langit a mapukaw ti uray maysa kadagitoy nga ubbing.”
Ti Kabsat a Makabasol
15“No#Luc. 17:3. makabasol kenka ti kabsatmo, inka kenkuana ket ilawlawagmo ti nagbasolanna. Ngem aramidem daytoy no duduakayo. No dumngeg kenka, napasublimon ti kabsatmo. 16Ngem#Deut. 19:15. no dina aklonen ti basolna, mangikuyogka iti maysa wenno dua a kaduam tapno, kas nailanad iti Nasantoan a Surat, ‘Mapatalgedan ti amin a pammabasol babaen iti pammaneknek ti dua wenno tallo a saksi.’ 17Ngem no dina denggen ida, ipakaammom iti iglesia. Ket no dina latta denggen ti iglesia, ibilangmon dayta a kabsat a kas maysa a ganggannaet wenno agsingsingir iti buis.”
Panangiparit ken Panangipalubos
18“Ibagak#Mat. 16:19; Jn. 20:23. ngarud kadakayo: Ti aniaman nga iparityo ditoy daga, maiparitto met idiay langit; ket ti aniaman nga ipalubosyo ditoy daga, maipalubosto met idiay langit.
19“Adda pay ibagak kadakayo: No pagnummoan ti dua kadakayo ditoy daga ti aniaman a dawatenyo, itedto kadakayo ni Amak sadi langit. 20Ta no sadino ti ayan ti dua wenno tallo nga aguummong gapu iti naganko, addaak kaduada sadiay.”
Ti Pangngarig maipapan iti Adipen a di Mamakawan
21Napan#Luc. 17:3-4. ni Pedro ken ni Jesus ket sinaludsodna, “Apo, mamin-ano a pakawanek ti kabsatko nga agbasbasol kaniak? Mamimpito?”
22Kinuna#Gen. 4:24. ni Jesus, “Saan laeng a mamimpito no di ket mamimpitopulo a pito.#22 mamimpitopulo a pito; wenno pitopulo ket pito a daras. 23Ta ti Pagarian ti Langit mayarig iti kastoy: Adda idi maysa nga ari a nangikeddeng a makikuenta kadagiti agserserbi kenkuana. 24Idi mangrugi a makikuenta, inyegda kenkuana ti maysa nga adipen a nakautang iti sangapulo ribu a talento.#24 TALENTO: ti maysa a talento kaibatogan ti matgedan ti mangmangged. Minilion a pirak ti kaibatogan ngarud ti 10,000 a talento. 25Awan ti umanay a pagbayadna. Tapno makabayad, imbilin ti ari a mailako a kas tagabu agraman ti asawana, annakna ken amin a sanikuana.
26“Nagparintumeng ti adipen iti sangoanan ti ari ket nagpakpakaasi. ‘Anusannak kadi,’ kinunana, ‘ta bayadakto amin nga utangko.’
27“Naasian ti ari iti adipen ket pinakawanna ti utangna sana pinagawid.
28“Rimmuar ti lalaki. Nasarakanna ti padana nga adipen a nakautang kenkuana iti sangagasut a denario.#28 DENARIO: Ti denario ket kaibatoganna ti sueldo ti mangmangged iti maysa nga aldaw. Tallo a bulan a teggedan ti maysa a tao ti sangagasut a denario. Tiniliwna sana binekkel. ‘Bayadam ti utangmo,’ kinunana.
29“Nagparintumeng ti nakautang, ket nagpakpakaasi kenkuana, ‘Anusannak kadi ta agbayadakto met laeng.’
30“Dina pinatgan ti dawat ti padana nga adipen. Pinaibaludna ketdi agingga a mabayadanna ti utangna.
31“Nagladingit dagiti dadduma nga adipen idi makitada ti napasamak. Napanda iti ari ket impulongda amin kenkuana.
32“Ngarud, pinaayaban ti ari ti adipen. Kinunana, ‘Nagdakeska ketdin nga adipen! Pinakawanko ti amin nga utangmo agsipud ta nagpakpakaasika. 33Kinaasiam met koma ti padam nga adipen a kas iti panangngaasik kenka.’
34“Iti napalalo a pungtot ti ari, pinaibaludna ti adipen tapno madusa agingga a mabayadanna ti amin nga utangna.”
35Kalpasanna, kinuna ni Jesus, “Kastanto ti aramiden ni Amak sadi langit iti tunggal maysa kadakayo no iti pusoyo, diyo pakawanen ti kabsatyo.”
Currently Selected:
San Mateo 18: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
