Isaias 52
52
Wayawayaanto ti Dios ti Jerusalem
1Jerusalem,#Pal. 21:2, 27. bumilegka ket ipakitam
ti kinatan-okmo manen!
Nasantoan a siudad ti Dios,
yarruatmo ti nadaeg a kawesmo!
Dinton sumrek kadagiti ruanganmo
dagiti saan a mamati iti Dios.
2Wayawayaam ta bagim, Jerusalem.
Bumangonka iti ayanmo a tapok,
ket agtugawka iti tronom.
Ikkatenyo dagiti kawaryo,
dakay a balud nga annak ti Sion!
3Kuna ti Apo a Dios kadagiti tattaona, “Awan kuarta a naibayad idi nailakokayo a kas tagabu. Awanto met ti maibayad iti pannakawayawayayo. 4Idi napankayo nagnaed a kas ganggannaet idiay Egipto, napankayo a kas pagayatanyo. Nupay kasta, pinilitnakayo nga intalaw ti Asiria ket awan ti naibayad kadakayo. 5Kasta#Rom. 2:24. met la ti napasamak idiay Babilonia. Naibaludkayo ngem awan ti naibayad iti pannakawayawayayo. Agpangas ken agpalangguad dagiti mangituray kadakayo, ket kanayon nga iparangarangda ti pananglaisda kaniak. 6Ngem dumtengto ti tiempo a mabigbigyo a siak, ni Yahweh, ti agsasao kadakayo.”
7Nagpintas#Nah. 1:15; Rom. 10:15; Ef. 6:15. ketdin nga imatangan
ti naibaon a sumungsungad iti bantay!
Umayna ipakaammo kadagiti kabambantayan
ti naimbag a damag ti kappia!
Ipakaammona ti balligi ket kunana,
“Agarin ti Diosmo, Sion!”
8Agpukpukkaw dagiti guardia ti siudad,
sangsangkamaysada nga umkis iti ragsak!
Makitada a silalatak
ti panagsubli ni Yahweh iti Sion!
9Agdir-ikayo gapu iti rag-o,
dakayo a narpuog a disso ti Jerusalem!
Ispalento ti Apo ti siudadna,
ket liwliwaennanto dagiti tattaona.
10Aramaten ti Apo ti bilegna a nasantoan;
isalakanna dagiti tattaona,
ket makita ti sangalubongan.
11Pumanawkayo,#2 Cor. 6:17. pumanawkayo iti Babilonia,
dakay a mangaw-awit kadagiti nasagradoan nga alikamen!
Diyo sagiden ti aniaman a maiparit;#11 aniaman a maiparit: alikamen a maibilang a narugit iti imatang ti linteg.
pasantoenyo dagiti bagbagiyo, ket panawanyo ti siudad.
12Ita, saan a nasken nga aggangganatkayo;
saan a masapul nga aglibaskayo.
Agyanto ti Apo a Diosyo iti sangoananyo,
bantayannakayto iti likudanyo.
Ti Agsagsagaba nga Adipen
13Kuna ni Yahweh,
“Agballiginto ti adipenko iti aramidna;
maitan-ok ken maidaydayawto iti kasta unay.
14Adu a tao ti nakigtot idi makitada;
limmaad ket kasla saan a tao ti langana.
15Ngem#Rom. 15:21. ita, adunto a nasion ti masdaaw kenkuana,
ket saanto a makasao dagiti ari gapu iti siddaawda.
Makita ken maawatandanto
ti pulos a dida pay naammoan.”
Currently Selected:
Isaias 52: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
