Isaias 49
49
Ti Silaw kadagiti Nasion
1Denggendak,#Jer. 1:5. dakay a purpuro,
dakay a tattao nga agnaed iti adayo!
Pinilinak ti Apo sakbay a nayanakak,
ket dinutokannak nga adipenna.
2Pinagbalinna#Heb. 4:12; Pal. 1:16. dagiti saok a kas natadem a kampilan;
babaen kadagiti imana, sinalaknibannak!#2 babaen kadagiti…sinalaknibannak; wenno Inlemmengnak kadagiti imana.
Pinagbalinnak a kasla pana,
natirad ken sisasagana a maibiat.
3Kinunana kaniak, “Israel, sika ti adipenko.
Gapu kenka, idaydayawdakto dagiti tattao.”
4Kinunak, “Awan serserbi ti nagbambannogak.
Impanko ti amin a pigsak
ngem awan ti nagapuanak.”
Nupay kasta, agtalekak iti Apo
a mangpalinteg iti amin a banag;
gunggonaannakto gapu iti aramidko.
5Dinutokannak ti Apo sakbay a nayanakak;
pinagbalinnak nga adipenna
tapno isublik dagiti tattaona,
tapno isublik dagiti nawarawara nga Israelita.
Ikkannak ni Yahweh iti pammadayaw,
isu ti gubuayan ti pigsak.
6Kinuna#Is. 42:6; Luc. 2:32; Ara. 26:23; Ara. 13:47. ti Apo kaniak,
“Adda nangnangruna a trabaho
nga ipaaramidko kenka nga adipenko!
Saanmonto la nga isubli
ti kinatan-ok dagiti Israelita a nakalasat,
ngem pagbalinenkanto pay
a silaw kadagiti pagilian—
tapno maisalakan ti sangalubongan.”
7Kuna ti Nasantoan a Dios
ken mangisalakan iti Israel
iti tao a mauy-uyaw unay,
gurguraen dagiti nasion
ken adipen dagiti agtuturay:
“Makitadakanto dagiti ar-ari
ket tumakderda a mangipakita
iti panagraemda kenka.
Makitanto met daytoy dagiti prinsipe,
ket agtameddanto a mangpadayaw kenka.”
Matungpalto daytoy
gapu ta pinili ti Apo ti adipenna;
tungpalen ti nasantoan a Dios ti Israel dagiti karina.
Ti Pannakabangon Manen ti Jerusalem
8Kuna#2 Cor. 6:2. ti Apo kadagiti tattaona,
“Inton dumteng ti tiempo nga isalakankayo,
paraburankayto, ket sungbatakto ti asugyo.
Aywanan ken salaknibankayto ket aramatenkayto
iti pannakitulagko kadagiti amin a tattao.
Pagnaedenkayto manen
iti naglangalang a dagayo.
9Kunakto kadagiti balud, ‘Rummuarkayo!’
Kunakto met kadagiti adda iti nasipnget,
‘Agparangkayo!’
Mayarigdanto kadagiti karnero
nga agar-arab iti katurturodan;
10pulos#Pal. 7:16-17. a didanto mawaw wenno mabisinan.
Didanto agsagaba iti pudot ti init ken ti let-ang;
ta idalanto ida ti mangay-ayat kadakuada.
Iturongnanto ida kadagiti ubbog ti danum.
11“Agaramidak iti dalan ti kabambantayan,
mangisaganaak iti pagnaan dagiti tattaok.
12Dumteng dagiti tattaok manipud iti adayo a lugar;
aggapuda iti laud ken iti amianan,
kasta met iti Aswan#12 ASWAN; wenno Sinim. iti abagatan.”
13Agkantakayo, dakay a langlangit!
Ipukkawmo ti rag-om, sika a daga!
Agkanta koma dagiti bambantay!
Liwliwaento ti Apo dagiti tattaona;
kaasiannanto ida nga agsagsagaba.
14Ngem kinuna dagiti tattao ti Jerusalem,
“Binaybay-annatayo ti Apo!
Nalipatannatayon!”
15Iti kastoy, daytoy ti sungbat ti Apo,
“Mabalin aya a lipatan ti ina ti bukodna nga anak?
Dina aya ayaten ti maladaga nga impasngayna?
Uray no malipatan ti ina ti anakna,
ni kaanoman dikanto lipatan.
16Jerusalem, ni kaanoman dikanto malipatan,
insuratko ti naganmo kadagiti dakulapko.
17“Asidegen ti yaay dagiti mangtarimaan kenka,
ket pumanawen dagiti nangdadael kenka.
18Iwarasmo ti panagkitam,
ket kitaem ti mapaspasamak.
Aguurnong dagiti tattaom—agsasangpetdan.
Isapatak iti naganko a sibibiag a Dios,
a pagpannakkelmonto dagiti tattaom
kas iti nobia a mangipannakkel kadagiti alahasna.
19“Nadadael ken naglangalang ti pagiliam,
ngem ita, saanen nga umanay a pagnaedan.
Dagiti nangdadael kenka,
mapapanawdanto iti bukodmo a daga.
20Dagiti tattaom a nayanak
iti daga a nakaipananda a kas balud,
addanto aldaw a panagkunada kenka,
‘Nailet unay daytoy a lugar a yantayo,
masapultayo ti nalawlawa a pagnaedan.’
21Iti kasta, kunamto iti bagim,
‘Siasino ti nangted kaniak kadagitoy nga ubbing?
Natay dagiti annakko,
ket diak naganaken.
Naitalawak a kas balud ket nayadayoak—
siasino ngarud ti nangpadakkel kadakuada?
Maymaysaak a nabati,
naggapuan ngarud dagitoy nga ubbing?’”
22Kuna ni Apo Dios kadagiti tattaona:
“Bilinekto dagiti nasion,
ket isublidanto dagiti annakmo.
23Dagitinto ar-ari ti pannakaamam;
ket dagitinto reyna ti pannakainam.
Agrukbabdanto iti sangoanam,
sipapakumbabadanto nga agraem kenka.
Iti kasta, maammoanyonto a siak ni Yahweh;
awanto ti mapaay a dumawat iti tulongko.”
24Maagawmo aya iti soldado ti sinamsamna?
Maispalmo aya dagiti balud iti nauyong nga agturay?
25Kastoy ti sungbat ti Apo,
“Kastanto ti mapasamak.
Maitalawto dagiti balud ti mannakigubat,
maagawto ti sinamsan ti nauyong nga agturay.
Gubatekto dagiti manggubat kenka,
ket ispalekto dagiti annakmo.
26Pagpipinnatayekto dagiti mangidadanes kenka;
agpapasdanto nga agpapatay ken agunget.
Maammoanto ti sangkataoan a siak, ni Yahweh,
ti mangisalakan ken mangsubbot kenka.
Maammoandanto a siak ti mannakabalin a Dios ti Israel.”
Currently Selected:
Isaias 49: RIPV
Highlight
Copy
Compare
Share
Want to have your highlights saved across all your devices? Sign up or sign in
© 1996 Philippine Bible Society
